2Piɛr 1:1 - BII BILA

¹ Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

2Piɛr 1:1 Referans Kwoze

Tite 2:13

Nuaa naa n bɛnda ni mì n cum palɛi naa n co tiindanndo-e, a paale biilu Hala naa bɛndoo, a Yeesu Krista Vana naa ciindiaa cɔmnunnin-nden.

Tite 1:4

I co nɔm Tite sɛbɔɔ ho sɛval, nɔm po ni kpeekpeiyo o laalan pilɛ naa n nɔ-o nin. Màá Hala Fuɲaa a Yeesu Krista vana ciindiaa naa ke nɔm dɛnɛ kɛndɔɔ a kɔlɲuloo!

2Korɛntea 4:13

Nduyɛ, o co o sɛvaa aa: «I laalan, lelan ya soo ni.» Lende koni, naa bɛɛ, n laalan, lelan naa n co sɔɛi ni.

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Rɔmnda 1:12

Kon tosanin ni mì n kɔ sɔla yoomuan vellaa-velle le laalan naa n nɔ naa niaa-o.

2Piɛr 1:4

O ndu nin o dimi le naa dɛnnda bɛndula sɔvɛlan tosallo ni, haliko mi la va o halayɛi ndɔɛi nin, mì la ɲaanun yeemɛi vɔɔŋii co o ceendo coo-e.

1Piɛr 1:1

Ya Piɛr, kiila Yeesu Krista-o ni. Ya co vanaa Hala hɛli, má ɲaanun, má sɛŋin o lɛŋii bungɛi he nin-nda sɛvallo ni, a co Pɔn, Kalasi, Kapadɔs, Asii a Bitini-a.

Efɛsea 4:11

Ndu yɔ̀ngù vannda valta yɛ́-yɛ́lan ni: ó siinguu vanaa pum kiilaa, mó siinguu a pum vanaa-tɛɛngaa-diom Hala-a. A pum vanaa yondaa-diom Hala-a, a pum vanaa mandaa n'saa, a pum vanaa pɛɛkaa.

Rɔmnda 1:1

Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.

Luke 1:47

i dɔwnun ɲaale le Hala, Vana Ciindiaa nuu,

1Piɛr 5:1

I co kaasoŋaa co niaa tɛɛn-nda sila. Ya co kaasonɔɔ maa nda-o, ya co sei sangala Krista lan a vana vanin o biilu hun fulanin ceen-ndo nin-ndo-o:

2Timote 1:5

I co loonɔnndo a laalan kpeekpei n nɔ-o o kɔɔ, laalan Lois mama nɔm ndóò nɔ sindɛ-o, laalan kon pɛɛn, ó va vɛlɛ Enise kala nɔm nin-ndo. Nduyɛ, i nɔ kɔlkɛsiaa maa laalan pilɛ kon koni co vɛlɛ nɔm nin nuaa ni.

Filipea 3:9

o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e.

Dɛnnda kiilaa 15:14

Simɔn langa cii cɔm mɛɛ Hala hɛli fɔlɔn vanaa-mangalaa-isɔɔa sina Hala le-a, má siŋnun vanaa ndɔa yɛ.

Matie 10:2

Diola kaandeŋaa tɔ́ a à ŋiɔŋaa kan la co lan ni: Vana tasoo Simɔn, o nda veelu vɛlɛ aa Piɛr-o, a Andre puapilɛ ndɔ. Nsaki po Sebedee-o a Nsaŋ puapilɛ ndɔ.

1Piɛr 2:7

Bɛɛlen le co le niaa vanaa laalannda. Kɛ le vanaa kɛɛ le laalanndo-a, pow vanaa tangulaa viow-vo, ndu siŋnun pow lebollo ni,

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

Tite 1:1

Ya Pol, ya vana baala Hala-o a kiilanɔ Yeesu Krista-o. I sɔla vomɔɔ haliko mi vanaa Hala hɛli-a sɔla laalanndo, mà sina toɲaa mɛɛ o bɛnda o laalanndo nin yɛ,

Filipea 1:29

Kani kɛndɛi tosalan niaa-e, o co ko le Krista laalanndo daama le, kɛ le sangaa vɛlɛ le ndu.

Efɛsea 4:5

Maalii ndu pilɛ co ni, laalanndo ndu pilɛ co ni, yinɔɔ ndu pilɛ co ni,

Efɛsea 3:5

Paandu, dɛnɛ viannan kon ndóò cɔmnun vannda le, kɛ sisa Hala cɔm kiilaa ndɔa diandaa a vanaa-tɛɛngaa-diom Hala ndɔa diandaa ndu a Kɔl ndɔ Diandaa o kɔɔ.

Kalatea 2:8

Kani Hala tosa mí Piɛr siŋnun kiilaa le Yuifia-o, ndu koni tosa vɛlɛ ni, mí siŋnun kiilaa le vanaa co N'Yuifi le-a.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

1Korɛntea 15:9

Nduyɛ, o kiila tɛɛn kpow, ya co o sɔvɛ taw le ni, i co bɛɛ o sɔvɛ le ya veeloo aa kiilaa le, kani i tol kunda Hala-o yɛlen.

1Korɛntea 9:1

Vɛ̀ɛ̀ o co o ba nuu coo le ya co le? Vɛ̀ɛ̀ o co kiilaa le ya co le? Vɛ̀ɛ̀ i ci Maalii naa Yeesu le? Vɛ̀ɛ̀ o co niaa le co tɔnɔ vali fula o baala ya tosa le Maalii naa-o nin-ndo le?

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Rɔmnda 1:17

Kani Yoongu kɛndɛ kon cɔm maa Hala siinguu vanndacieea vanaa sandaa le laalanndo. Nduyɛ laalan kon tiw. Maa mɛɛ o sɛvan yɛ aa: «Vana sandaa vanin yoomu le laalan ndɔɔ.»

Nsaŋ 20:21

Mí Yeesu dimul nda vɛlɛ aa: «Màá la sɔla kɔlɲuloo! Maa mɛɛ Pua vem ya yɛ, ya bɛɛ i vem niaa.»

Nsaŋ 1:42

Mó kɔa a ndu o Yeesu lo. Mí Yeesu tofa ndu, mó dimi aa: «Simɔn n co ni, po Yonas-o. A veelunin nɔm aa Sefas», kon co dimio ni aa «Powvo».

Luke 11:49

Lelan Hala dimi o kɔlkalu ndɔɔ nin ni aa: ‹I vimnin nda vanaa-tɛɛngaa-diom Hala-a nia a kiilaa nia. À diwnin a pum, mà tol a tiŋ yɛlen.›

Matie 4:18

Yeesu va kɔlan o mɛmma ihɛllan Kalile demullo, mó ca puapilɛa pum nda ŋiɔn, Simɔn, o ndáà veelu aa Piɛr-o a Andre pɔmbɔ ndɔ. A va yala yɔɔyaa vuuo o mɛmma ihɛllan nin, kani vanaa yɔɔyaa nda va ni.

Yeremi 33:16

O palɛi ken, Yuda sɔlanin cindaa, o kon mì Yerusalɛmnda cal a nila ɲulu o calta ndalan, kobi kon veelunnin aa: «Mɛlɛka co dɛnɛ sandaa naa ni.»

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Filipea 1:1

Naa vanaa baalaa Yeesu Krista-a, Pol nda Timote pɛɛn. N co vanaa laalaŋaa co o Yeesu Krista nin Filipe-a, simlacia a vanaa co vanaa baalaa Hala-a malaa-a kpede sɛbɔɔ ho sɛvallo.

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.