2Nsaŋ 1:9 - BII BILA

⁹ Vana-vana kɔɛnnun pɛ polon, mò lo o pɛɛkuu Krista-o nin te, mɛɛ ndu co latulu nda Hala le. Vana lo pɛ o pɛɛkuu kon coo, ndu nɔ Fuɲaa a Poo.

2Nsaŋ 1:9 Referans Kwoze

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

1Nsaŋ 1:3

O naa n ce mí n tuɛi-yo, ndu naa n co niaa dimullo ni, haliko mi niaa bɛɛ va latulu a naa. Nduyɛ vaa latulu naa niaa, ndu co vaa a Pua a á Yeesu Krista Po ndɔ ni.

Dɛnnda kiilaa 2:42

A va kelaa o pɛɛkula kiilaa va nda yɔngoo lan coo, a va vɛlɛ diom pilɛ. A va dioo nɛɛ pilɛ má va Hala piɛiyo latulu.

Tite 2:10

a ciimbuu ɲɛ-ɲɛ nda kɔɔli le. Kɛ a va dɛnɛ kɛndɔɔ tosaa lɔ́ɔ́-lɔ́ɔ̀, mà lo o lediom coo, haliko mi vannda ke pɛɛkula Hala Vana ciindiaa naa bɛɛlen.

Nsaŋ 15:6

Vana lo o ya nin te, ndu viownun o bɛ́ɛ̀ maa ilɛw, o kon o vesa, a cua ndu mɛɛ nda tingu ɲaandan vesɛiyon yɛ, a kɔ mal ndu o yin, o ŋɔɛ.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Nsaŋ 5:23

haliko mi vannda kpow a biilu Poo mɛɛ nda co Fuɲaa biiloo yɛ. Vana biilu Poo le, mɛɛ o biilu Fuɲa vem ndu-o le.»

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Hebreea 6:1

Lelan n mɛinun sɔɔn kindu o pɛɛkuula Krista lan nin toon a makɔɔ, mì n mulin hɔlla o sɔɔn kaasonnda. N muungun ndɛ o pɛɛkoo ho tumndo di le, maa mɛɛ dɛnnda yɔngu vana piɔ́mndo sɔlaa lan malɔɔ co nuaa yɛ, Hala laalanndo,

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Nsaŋ 8:31

O kon mí Yeesu dimul Yuifia ndáà laalan ndu-a aa: «Te la lo pɛ sɔɛi nii biyɔɔ, mɛɛ kaandeŋaa nia lekɛ́ndɛi niaa co ni,

3Nsaŋ 1:9

I sɛval kunda vanaa laalannda sɛbɔɔ, kɛ Diotrɛf yeema simlacilen-ndo ci bɛɛ sɔɛi nii ɲɛ-ɲɛ le.