2Nsaŋ 1:6 - BII BILA

⁶ Kaolaa co yɛ ɲɛ celen te, kelaa o tɔŋnda Hala lan coo. Tɔŋ niaa bɛnda le kelaa coo-o co kon ni, maa mɛɛ niaa tuei ndi kabi o tasendɔ yɛ.

2Nsaŋ 1:6 Referans Kwoze

1Nsaŋ 5:3

Kani Hala kaolaa co sɔɔn ndɔn biyɔɔ ni. Nduyɛ tɔŋnda ndɔlan la lusul te,

1Nsaŋ 2:24

Lelan sɔɛi niaa tuei kabi o tasendɔ-e, ndi bɛnda mì i lo niaa o lakɔl. Te o va pɛ mì sɔɛi niaa tuei kabi o tasendɔ-e lo niaa o lakɔl, mɛɛ niaa bɛɛ la vanin yoomu o Poo a o Fuɲaa nin.

1Nsaŋ 2:5

Kɛ vana bii pɛ sɔɛi ndɔɛi, mɛɛ kaola Hala-o kpeekpei co vana kon o kɔl ni. O kon naa n sínà ni maa n co o ndu nin.

Nsaŋ 15:10

Te la bii pɛ tɔŋnda nilan, mɛɛ la lonin o kaola nuu nin, mɛɛ ya bii tɔŋnda Fuɲa nuu mì lo o kaola ndɔɔ nin yɛ.

Nsaŋ 14:15

«Te la kaola ya pɛ, mɛɛ la biinin sɔɔn ya co niaa dimullo-on,

Nsaŋ 15:14

Te la tosa pɛ o ya co niaa dimul-lo, mɛɛ caaŋaa nia niaa co ni.

Nsaŋ 14:21

Vana co tɔŋnda nilan mandanndo o kɔl mò va kelaa lecoo-o, ndu kaola ya ni. Vana kaola ya pɛ, Fuɲa nuu kaolanin ndu, ya bɛɛ i kaolanin ndu mì cɔmnun ndu.»

1Nsaŋ 5:15

Te n sínà yɛ pɛ maa o yaŋ naa nilan, mɛɛ ɲɛ-ɲɛ naa n ɲuna ndu pɛ, n nɔnnùn o kɔl maa n co sɔla.

2Nsaŋ 1:5

Sisa yɛ, o ya co nɔm dimul-lo co hoo ni, nɔm Vanalanɔ sɔvɛɔ: n kaolian vellaa-velle. O co tɔŋ sɛnɛi le ya co nɔm sɛval kon te, kɛ tɔŋ naa n sɔla kabi o tasendɔ-o.

Tɔŋ miingua 13:4

la yaŋ nilan o sɔɛi vana-tɛɛngaa-diom Hala kon te, te kon te o sɔɛi vana sina kon kɔlɔ lɔma sɔlaan-ndo le. Kani a vanaa súú vaa lende Mɛlɛka Hala niaa vanin keiyo le niaa kɔlɔɔ solio ni. Lende o vanin tosaa ni le sinaa te la kaola ndu lekɛ́ndɛi a kɔlta niaalan kpow a á yoomu niaa kpow.

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

1Nsaŋ 2:7

Caaŋaa nia hɛnan ya-a, o co tɔŋ sɛnɛi le ya co niaa sɛvallo le, kɛ o paandoo ni, o niaa nɔ kabi o tasendɔ-o, tɔŋ paandu kon co sɔɛi niaa tuei-ye ni.