2Nsaŋ 1:2 - BII BILA

² Toɲa kon pɛɛn, o co naa o lakɔl-lo, o vanin vɛlɛ naa o lakɔl le fɛɛn a fɛɛn-ndo.

2Nsaŋ 1:2 Referans Kwoze

1Nsaŋ 2:17

Ceendo co hiovɔɔ a yeeman ndɔn, kɛ vana tosa pɛ hɛnan Hala-o, ndu co va yoomu le fɛɛn a fɛɛn.

1Nsaŋ 2:14

Niaa cuaambɔa, i co niaa sɛval, kani la sínà Pua. Niaa fuɲaa, i co niaa sɛval, kani la sínà vana co kabi o tasendɔ-o. Niaa felengia, i co niaa sɛval, kani la nɔ yoomuan, sɔɛi Hala-e co niaa o lakɔl, mì la nɔla Vana Vɔɔndo.

1Nsaŋ 1:8

Te n dimi pɛ maa n nɔ haki le, mɛɛ naa pila koni co palanndo ni, n co vanaa toɲa le.

2Piɛr 1:12

Lelan i vanin niaa sɔɔn mun yiyilanndo lɔ́ɔ́-lɔ́ɔ̀, o va bɛɛ maa la sina nin mun, mì la va isisi yili o toɲaa nin hau.

2Timote 1:5

I co loonɔnndo a laalan kpeekpei n nɔ-o o kɔɔ, laalan Lois mama nɔm ndóò nɔ sindɛ-o, laalan kon pɛɛn, ó va vɛlɛ Enise kala nɔm nin-ndo. Nduyɛ, i nɔ kɔlkɛsiaa maa laalan pilɛ kon koni co vɛlɛ nɔm nin nuaa ni.

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

1Korɛntea 9:23

I co kon kpow tosaa le sɔɛi Hala-e vannda tiiyallo haliko ma sɔla duaa ndɔɔ.

Nsaŋ 15:7

Te la lo o ya nin pɛ, mì sɔɔn nun lo niaa o lakɔl, la piɛinin ɲɛ-ɲɛ niaa yeema, mò cɛlnun niaa.

Nsaŋ 14:16

o kon, i piɛinin Pua, mò ke niaa vana ɲɔɔlaa celen, o vanin niaa ikɛi le lɔ́ɔ́-lɔ́ɔ̀-o: