2Masaa 9:7 - BII BILA

⁷ Nɔm diwnin poaa Akab-a ni, ó va paandu vana nɔm bɛndoo-o pɛɛn. Lende ya mingulnin Yesabɛl màá ni le vanaa nia baalaa, vanaa-tɛɛngaa-diom Hala-a a le vanaa baalaa Mɛlɛka-a o diw kpow-va.

2Masaa 9:7 Referans Kwoze

1Masaa 21:15

Yesabɛl tueyɔɔ dɔ́ɔ́ maa a vii Nabɔt a powtan mó vu, mó kɔ dimul Akab aa: «Cɔn ma kɔ cua niko nakɔ Nabɔt Yisrɛeliinɔ-o, o ndóò kɛɛ kon le nɔm pisio o ba-o pɛɛn. Kani Nabɔt co lɛ yoomu le, o vi.»

1Masaa 18:4

Telen kon kpeekpei Yesabɛl va vanaa-tɛɛngaa-diom Hala-a diwvo ni. Mí Obadia cua vanaa-tɛɛngaa-diom Hala-a n'van kɛmɛ, mó kɔ vian nda kundalan tan tiɔn o buululan nin, ba pilɛ n'van beleŋuɛɛnu, baa pilɔɔ vɛlɛ n'van beleŋuɛɛnu. Mó va nda mɛnndan a baloo yɔngoo.

Tɔŋ miingua 32:43

Niaa vanaa-mangalaa-isɔaa, la tem vanaa ndɔa balan a ɲaaloo. Niaa halaa kpow, la baŋ vulan Hala o labɛngunin. Kani Mɛlɛka co màá mingi le vanaa ndɔa baalaa nda diw-va. O tuisin yaamɔaa ndɔa sanga bɛnda a nda-o coo, o salanin vanaa nɔ nɛyɔn ndɔɔ-a. Kɛ o tosa faleŋii dindiannde le lɛŋnde ndɔlen a le vanaa ndɔa ni›».

1Masaa 21:25

Kabi sindɛ, vana-vana óò vɔngulun-ndɔ o dɛnnda vɔɔnndan tosaa nin Mɛlɛka o hɔl nuaa maa Akab le. Nduyɛ Yesabɛl laa ndɔ va ndu balan lueiyo o sɔɔn mun nin ni.

1Masaa 21:21

Lelan, Mɛlɛka dimi aa o co nɔm dɛnɛ palaa tuisi coo, mò diw vanpiaandua o yungu nɔm Akab-o nin kpow o lɛŋnde Israɛl-ten nin, cɛa a vanaa co n'cɛ le-a kpede.

Tɔŋ miingua 32:35

Ya co vana mingiaa màá ni, ya sala vanndo le ɲɛ o tosa-o ni. Tuma nda boŋnin-ndo, ya saalanin nda ni. Kani paale dɛnɛ palaalen le co nin le tiiyaa nda coo. Dɛnɛ palaa kelun le nda-o tamalanin le tolɔɔ nda coo le.

Dɛnnda cɔɔmuanndan 19:2

kani yaman ndɔn co yaman toɲa, n sandu. O kelu vanalanɔ suundɛi va lɛŋnden lueiyo o laasian ndɔɔ nin-ndo iyama, o mingi màá le vanaa ndɔa baalaa nda diw lon-nda.»

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Hebreea 10:30

N sínà maa vana dimio aa: «Ya bɛnda le màá mingi o ni. I salanin vana-vana mɛɛ o bɛnda yɛ». Ndu koni dimi vɛlɛ ni aa: «Mɛlɛka kialunin vanaa ndɔa iyama.»

Rɔmnda 13:4

kani baala Hala-o simlacia co tosaa ni, le dɛnɛ kɛndɛ nɔmndo. Kɛ taa tosa pɛ dɛnɛ vɔɔndo, mɛɛ yɔŋ siòònde, kani o co fondo le nda tuisi vana sangaa coo le, le baala Hala nda co tosaa-o ni, le maa ndɔɔ mingio a le kɔl ndɔ fulaa tuisio vanaa tosaa dɛnnda vɔɔnda coo.

Rɔmnda 12:19

Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

Matie 23:35

haliko mi dɛnɛ piɔ́m vanaa tɛɛmbuu isɔɔ le-a del niaa o lebol, vanaa nda diw o lɛŋnden coo-a pɛɛn. Kandɔɔ a piɔ́m Abɛl vana sandaa-o, kɔ bii háá a piɔ́m Sakari, po Berekia-o-o, ò niaa dii Cɛi-Diandaa a fonda-loamaa-lasálàá tɛɛn-ndo.

Dɛnnda cɔɔmuanndan 2:20

Kɛ sɔɛi ya hini kɔl a nɔm tei co hee ni: a co Yesabɛl, cua co veelɔnndo aa vana-tɛɛngaa-diom Hala-o-o malɔɔ vannda pɛɛkoo, mò va vanaa nia baalaa faŋaa o nɛi, haliko ma luɛi laasianndo, mà luɛi vɛlɛ visin nda solul piɔmnda sálàá-on dioo.

2Masaa 10:10

Lelan la sina pɛngu maa sɔɛi-sɔɛi Mɛlɛka dimi pɛ, i del lɛŋ te. Sɔɛi Mɛlɛka ndóò dimi a sondo Elii vana ndɔ baalaa a yungu Akab-o o kɔɔ-e, ndi Mɛlɛka pila cii peelu nuaa ni.»

2Dɛnnda lemasalan 22:7

Telen Ahasia kɔɛ kon Yoram yilɔɔ-o, mí Hala tosa mí ndu Ahasia sɔla piɔ́mndo. Ndóò tiiyaa dɔ́ɔ́, má kɔa Yehu, po Nimsi-o bɔŋa nda Yoram. Nduyɛ, Yehu kon Mɛlɛka ndóò hɛli le yungu Akab-o diwvo ni.

Yeremi 26:5

mì la cua sɔɔn vanaa nia baalaa balan tan tiɔn, vanaa-tɛɛngaa-diom Hala-a pɛɛn. O co lɛhau le ya co niaa nda vimndo le, kɛ la yeŋ nda lani le.

2Masaa 10:11

Mí Yehu diw vanaa tɔ̀a lo yoomu o yungu Akab-o nin Yisreɛl-la. Mó diw vɛlɛ vanaa baalaa Akab-a, vanayan ndɔn a vanaa ndɔa solia lasálàá, hali vanndo pilɛ bɛɛ o mɛi yoomu le.