2Masaa 9:3 - BII BILA

³ Te la luɛi pɛ o cɛi kon nin, a cua lee macuɛi kon, a taaliaa ndu cuɛiyan o lebol, a dimi aa: ‹Nuaa Mɛlɛka dimi ni aa o pɔla nɔm, mó siinguu nɔm masaa Israɛlla coo.› A cii pɛ, a kumbi dioo, a ɲaanun kɛ, tamala le dɛ!»

2Masaa 9:3 Referans Kwoze

1Masaa 19:16

O ndu kɔɔli, à pɔla Yehu po Nimsi-o, mì ndu siŋnun masaa Israɛlla coo, mà pɔla vɛlɛ Elise po Safat-o, po imama Abɛl-Mehola-o, mì ndu siŋnun vana-tɛɛngaa-diom Hala-o o fonda nɔmndo.

Matie 2:13

Vanaa kɔlkalua kɔnndan, mí mɛlɛkanɔ Hala-o cɔmnun Yosɛf o lɔma sɔlaan nin, mó dimul ndu aa: «Cɔn ma cua cɛlɛkpɔɔ nda kala ndɔ, mì la ɲaanun o lɛŋnde Esipte len nin. La kɔ lo lon háá telen ya dimulnin nɔm le muungoo-o, kani Herɔde nuwviaanin cɛlɛkpɔɔ ho le ndu diyɔɔ.»

Daniɛl 5:18

Òó masaa! Mí Hala-Hiow-Ɲɔɔn-Kpow-vo yɔngu Nebukanɛsar fuɲa nɔm masalen, vanabɛnduyɛi, bɔɔbɔɔyɛi a biiloo.

Daniɛl 2:1

O vɔsi diinndɔɔ nin, o masale Nebukanɛsar len bɛngu, mí ndu Nebukanɛsar pila sɔl lɔan. Mí yiyan ndɔɔ laasian háá mó kpennda lahɔl.

2Dɛnnda lemasalan 22:7

Telen Ahasia kɔɛ kon Yoram yilɔɔ-o, mí Hala tosa mí ndu Ahasia sɔla piɔ́mndo. Ndóò tiiyaa dɔ́ɔ́, má kɔa Yehu, po Nimsi-o bɔŋa nda Yoram. Nduyɛ, Yehu kon Mɛlɛka ndóò hɛli le yungu Akab-o diwvo ni.

2Masaa 8:13

Mí Hasaɛl dimi aa: «Yɛɛ ya co yɛ, ya buɛi nɔmndo, le sɔɔn bɛndun vaa lende tosaa? Ya tunndo ho!» Mí Elise mulul ndu aa: «Mɛlɛka cii ya cɔm maa a siŋnunnin masaa o lɛŋnde Aram-nden coo.»

1Samiɛl 16:2

Mí Samiɛl ɲuna aa: «Vɛ̀ɛ̀ ya looku yɛnin lakɔ? Te Saul tuei pɛ maa i kɔɛ lon, o dii ya.» Mí Mɛlɛka dimi aa: «Te a va pɛ kɔlan, a bii naw téndóó, a kɔɛ a ndu, a kɔ dimi aa: ‹Mɛlɛka ya hin sálàá solul ni›.

1Samiɛl 15:17

Mí Samiɛl dimi aa: «Paandu, nɔm pila va cɔnnɔnndo o pɔmbɔ, vɛ̀ɛ̀ o co nɔm kon te siŋnun simlacinɔ polama Israɛlla le? Vɛ̀ɛ̀ o co nɔm kon te Mɛlɛka pɔla ma siŋnun masaa o lɛŋnde Israɛl-ten coo le?

1Samiɛl 15:1

Mí Samiɛl dimul Saul aa: «Ya Mɛlɛka vem sindɛ le nɔm pɔlaa ma siŋnun masaa vanaa ndɔa coo ni, Israɛlla pɛɛn. Lelan yaŋ-ndɔ nilan, ma tuei ɲɛ Mɛlɛka kalaa dimi-o.

1Samiɛl 9:16

«Siɔdii a telen vaa nuaa kpafii, i cɔmnin nɔm langbanɔɔ pum, fulaa o polale Bɛnyamɛn-nden nin. Ndu n pɔlanin le siŋnɔnndo masaa vanaa nia coo ni, Israɛlla pɛɛn. Ndu baŋanin nda Filistia o ba ni. Kani i yiyan caŋnda vanaa nia co ya o lani le nda malaa lan.»

Tɔŋ lasálàá 8:12

O kon kɔɔli, mó tala Aarɔn cuɛima pɔlan o lebol, mó pɔla ndu le ndu siinguuo teengen le baala Mɛlɛka-o.

Fulaa 29:7

O kon kɔɔli, a cua cuɛima co le pɔlaa-an, a tala man ndu o lebol, a pɔla ndu.

Matie 10:16

«I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.

Matie 26:7

mí vanalanɔɔ pum sɔɔnguu ndu ikɛi. Ndóò nɔ sianio pum o ba a cuɛima cun kɛndɛma báà kalan mapum lenin. Tuma nda va ɲɛdiaa dioo-o, mó taaliaa cuɛima man Yeesu o lebol.

1Samiɛl 10:1

Mí Samiɛl cua lee macuɛi va ndu o ba-o, mó tala cuɛima va lenin-ndan Saul o lebol, mó kɔman ndu, mó dimul ndu aa: «Mɛlɛka pila hɛli nɔm ma va simlacinɔɔ vanaa co kɛ́ ndɔ-a coo.

1Masaa 1:34

La tiiya pɛ, Sadɔk vana-solia-lasálàá nda Natan vana-tɛɛngaa-diom Hala-o a kɔ pɔla ndu lon, o siŋnun masa Israɛlla. O kon kɔɔli, la hɔŋ buloo, la yonnda aa: ‹Salomɔn co nin masaa ni, màá o viow yoomu naa coo!›

2Masaa 9:6

Mí Yehu can, mó luɛi cɛinin. O kon, mí langbanɔ felengi kon taaliaa cuɛiyan ndu o lebol, mó dimul ndu aa: «Diom Mɛlɛka Hala Israɛlla dimi-o co hoo ni aa: ‹I pɔla nɔm, mí siinguu nɔm masaa vanaa Mɛlɛka-a coo, Israɛlla pɛɛn.