2Masaa 9:1 - BII BILA

¹ Mí Elise, vana-tɛɛngaa-diom Hala-o veelu vana pilɛ o vanaa-tɛɛngaa-diom Hala-a tɛɛn, mó dimul ndu aa: «Yiinun yáwlen o caŋ, ma cua lee macuɛiyo, ma kɔɛ Ramɔt o tàndá Kalaad-o nin.

2Masaa 9:1 Referans Kwoze

1Samiɛl 10:1

Mí Samiɛl cua lee macuɛi va ndu o ba-o, mó tala cuɛima va lenin-ndan Saul o lebol, mó kɔman ndu, mó dimul ndu aa: «Mɛlɛka pila hɛli nɔm ma va simlacinɔɔ vanaa co kɛ́ ndɔ-a coo.

2Masaa 4:29

Mí Elise dimul Kehasi aa: «Yiinun yáwlen o caŋ, mà bii tinda nuu o ba, mà kɔɛ. La bɔŋan bɛɛ niaa vannda, yil nda le. Vana yil vɛlɛ nɔm bɛɛ, muli le. A tiiya pɛ, a kɔ keeliaa tindaa poombɔ kalaa o hɔl.»

1Masaa 1:39

Mí Sadɔk vana-solia-lasálàá cua lee macuɛiyo o cɛi-kola-toandaa nin, mó pɔla Salomɔn. Má hɔŋ buloo, mí vannda kpow a yonda aa: «Salomɔn co nin masaa ni. Màá o viow yoomu naa coo!»

1Samiɛl 16:1

Mí Mɛlɛka ɲuna Samiɛl aa: «Ma lo caŋndo le Saul háá lɔ́ɔ́ kuɛɛ nɛ? Ya pila cii ndu kɛɛ, o ve lɛnin masa Israɛlla coo le lɔ́ɔ́-lɔ́ɔ̀ le. Cua lee macuɛi nɔmndo ma pei cuɛiyan lenin, ma kɔɛ o Yisai Bɛtlɛhɛmnɔ lo. Kani o poaa ndɔa tɛɛn ya hɛli masa ya yeema-o ni.»

1Piɛr 1:13

Lelan, la va a bɛɛndiannda, la va o lapɔɛɛnɔn nin te. La handu tiindan niaa kpede o kɛndɛi tosalannin niaa lɔ́ɔ́ Yeesu Krista fulanin ceen-nde coo.

2Masaa 2:3

Mí vanaa-tɛɛngaa-diom Hala va Betɛl-la fula Elise bɔŋa, má ɲuna ndu aa: «A sina pá maa Mɛlɛka co hau vana nɔm bɛndoo faŋa nɔm ikɛi mò heelu ndu o halataala?» Mó muli aa: «Oi, ya bɛɛ i sina nihau, niaa meinun tuŋ!»

Tɔŋ miingua 4:1

«Sisa, niaa Israɛlla, la yaŋ nilan o tɔŋndan a o silala ya co niaa pɛɛkoo lan. La bii lan haliko mi la va yoomu, mi la luɛi o lɛŋnde Mɛlɛka, Hala fuɲaa niaa mamaa co niaa yɔngu kɛ́ɔ len nin.

Yeremi 1:17

Lelan nɔm Yeremi, yiinun yáwlen kpeekpei, mà tɛɛngul nda ɲɛ-ɲɛ ya dimulnin nɔm. Ɲiiya nda o hɔl te, yɔŋii ya tosa mà ɲiiya niko nda o hɔl kpeekpei.

1Masaa 22:20

Mí Mɛlɛka ɲuna aa: ‹Nɛ̀ɛ́-nɛ̀ tiw yɛnin ba Akab dɛɛniaa, haliko mo kuel Ramɔt co o tàndá Kalaad-o nin-ndo a cɔwvo, mò kɔ vu lon?› Kɛ mí vana-vana muli muli ndɔ.

1Masaa 22:4

O kon mó ɲuna niko Yosafat aa: «Vɛ̀ɛ̀ a kɔanin ya cɔwvo mala Ramɔt co o tàndá Kalaad-o nin-ndo?» Mí Yosafat mulul ndu aa: «Oi, n siŋnunnin ɲɔɔ ndu pilɛ naa nɔm, vanaa nia baalaa a vanaa nɔmaa baalaa, soa nia a soa nɔmnda bɛɛ siŋnunnin ɲɔɔ ndu pilɛ.»

1Masaa 20:35

Tuma kon, mí vana-tɛɛngaa-diom Hala-o pum dimul caan ndɔ vana-tɛɛngaa-diom Hala-o aa: «Mɛlɛka dimi aa nɔm lɔɔ ya.» Kɛ mí caan ndɔ kalaa kɛɛ le ndu lɔɔ.

1Masaa 18:46

Mí Mɛlɛka luei Elii yoomuan, mó yiinun yáwlen o caŋ, mó va Akab ɲaanɔnndo laci háá Yisreɛl ciee-lekɔɔ.

Tɔŋ miingua 4:3

Niaa pila ce ciŋ a hɔlta niaalan ɲɛ Mɛlɛka Hala niaa tosa a dɛnɛ piɔmndo Baal-Peɔr-o. Mó diw vanaa va hala kon sooloo o niaa tɛɛn-nda.

2Masaa 4:1

Paale pum, mí vanalanɔ pum komal Elise. Vanalanɔ kon pɔnɔ ndɔ va vana pilɛ o kunda vanaa-tɛɛngaa-diom Hala-a pum nin, kɛ mí pɔnɔ kon vu. Mɛɛ o kɔɛ o Elise lo, mó ɲɔɔlu ndu aa: «Vana nɔm baalaa, o yɔŋnun pɔnɔ nuu-o vi, nduyɛ nɔm pila sina maa vana nɔ siòòŋii Mɛlɛka-e-o vana nɔm baala kon va ni. Vana naa n cua lɔ́ɔ́ kon kueo o ba-o hin le poaa nia ŋiɔnda biyɔɔ, le kɔlan nda siinguuo cɛa ndɔa.»

Matie 26:7

mí vanalanɔɔ pum sɔɔnguu ndu ikɛi. Ndóò nɔ sianio pum o ba a cuɛima cun kɛndɛma báà kalan mapum lenin. Tuma nda va ɲɛdiaa dioo-o, mó taaliaa cuɛima man Yeesu o lebol.

1Masaa 19:16

O ndu kɔɔli, à pɔla Yehu po Nimsi-o, mì ndu siŋnun masaa Israɛlla coo, mà pɔla vɛlɛ Elise po Safat-o, po imama Abɛl-Mehola-o, mì ndu siŋnun vana-tɛɛngaa-diom Hala-o o fonda nɔmndo.

2Masaa 9:4

Mí langbanɔ felengi kon can, langbanɔ tɛɛngaa diom Hala kon pɛɛn, mó kɔa Ramɔt o tàndá Kalaad-o nin.

2Masaa 2:5

Mí vanaa-tɛɛngaa-diom Hala-a va Yeriko-a sɔɔnguu Elise ikɛi, má ɲuna ndu aa: «A sina pá maa Mɛlɛka co hau vana nɔm bɛndoo faŋa nɔm ikɛi mò heelu ndu o halataala?» Mó muli aa: «Oi, ya bɛɛ i sina nihau, niaa meinun tuŋ!»

2Masaa 2:7

Mí vanaa-tɛɛngaa-diom Hala-a fula kundaa n'van beleŋuɛɛnu, má kɔa nda kɔɔli. Elii nda Elise simndan o peo Yurdɛn kɔngɔ, mí vanaa kan nda sim tiŋ kɔɔli-kɔɔli.

2Masaa 2:15

Mɛɛ vanaa-tɛɛngaa-diom Hala-a va Yeriko-a ce Elise kɔɔli-kɔɔli, má dimi aa: «Kɔl Elii-o tol Elise coo!» Má kɔa ndu bɔŋaa, má tundun ndu o labɛngunin háá lɛŋ.

2Dɛnnda lemasalan 22:1

Mí vannda Yerusalɛm a hɛli Ahasia po lum masaa Yoram-ndo le ndu siinguuo masaa o fonda fuɲa ndɔ-o. Kani telen vanaa cɔvaa Arabua hun luɛi o dɔ́ɔ́ngɔ́ɔ̀ nin-ndo, má diw poaa tasea kpow. Nuaa Ahasia po Yoram-ndo sɔla masalen Yuda ni.

2Dɛnnda lemasalan 22:5

Silala ndalan koni la tosa vɛlɛ ni mó kɔa nda Yoram, po Akab va masaa Israɛl-lo, le Hasaɛl masa Aramiia cɔlɔbaa Ramɔt, o tàndá Kalaad-o nin. O cɔw kon nin, mí Aramiia yɔŋul Yoram.