2Masaa 8:9 - BII BILA

⁹ Mí Hasaɛl cua ɲɛm hiow naŋɔɔ o kobio Damas nin-ndon háá tùú ɲɔɔmɛɛa belehiɔɔlu a nɔla cuaa, mó kɔa a mun o Elise lo. Ndóò tiiyaa, mó cɔmnun ndu, mó dimul ndu aa: «Bɛn-Hadad po nɔm, masaa Aram pɛɛn, ndu vem ya o nɔm ndo nuaa ni, le nɔm ɲunaa aa vɛ̀ɛ̀ o siangunin pá a nàá ho?»

2Masaa 8:9 Referans Kwoze

Filemɔn 1:14

Kɛ i yeema mì tosa ɲɛ-ɲɛ le, taa cɛl te, yɔŋii dɛnɛ kɛndɛ n co tosaa-o va maa baŋɔɔ nda baŋ nɔm le ndu tosaa, kɛ mò va a kɔl nɔmndo.

2Masaa 16:7

Mí Ahas viam kiilaa o Tiklat-Pilesɛr masaa Asiri lo, mó dimul ndu aa: «Buɛi nɔmndo a po nɔmndo ya co ni. Lelan, hun ma baŋa ya, ma soli ya masaa Aram a masaa Israɛl o ba, kani à hun del-la coo a cɔwvo.»

2Masaa 13:14

Nàà piɔ́mndo biyɔɔ Elise, mí Yoas masaa Israɛl komal ndu, mó tundun ndu coo, mó caŋ. Mó va dimio aa: «Pua nuu ndee! Pua nuu ndee! Maa ɲɛla ɲaanannda Israɛlla, la soa nan-ndan a vanaa ndɔa ɲaanun o soa coo-a n co ni, Pua!»

2Masaa 6:21

Masa Israɛlla cɔu nda, mó ɲuna Elise aa: «Pua! Vɛ i diw nda?»

2Masaa 5:13

Kɛ mí buɛyaa ndɔa sɔɔnguu ndu ikɛi, má dimul ndu aa: «Éé Pua! Te vanaa-tɛɛngaa-diom Hala-o ho ndóò dimul nɔm pɛ le dɛnɛ kàlà-kálàá pum tosaa, vɛ̀ɛ̀ nɔm óò tosanin te? Ɛ̀ɛ̀ le yɛɛ n co yɛ niko kɛɔ le ɲɛ o dimul nɔm-ndo tosaa? Aa nɔm del o peelo daama, mà sengu.»

2Masaa 5:5

O kon, mí masaa Aram dimi aa: «I co sɛbɔɔ sɛva, mì yɔngu nɔm, ma yoo masaa Israɛl.» Naaman vaa kɔlan Samari, mó cua volin latámán le kilolan kɛmɛ leyáá, sianion kilolan belaŋɔmpum a volɔɔla cuɛinannda kafolan tɔ́.

1Masaa 19:15

Mí Mɛlɛka dimul ndu aa: «Muungu, kei o nɛi n hin coo-o, o kei o lɛŋnde veselɛilen nin-ndo, ma kɔɛ Damas. A tiiya pɛ lon, a pɔla Hasaɛl, ò siŋnun masaa o lɛŋnde Aram-nden coo.

1Samiɛl 25:8

O ɲuna pɛ nda, nda pila co ndu dimul. Lelan aa o pɔɛɛnun naa le paale kafo len nden te. Ɲɛ-ɲɛ o nɔla pɛ sɔla, o ke niaa le niaa pila a le ya David po ndɔ.»

1Samiɛl 9:7

Mí Saul mulul buɛi ndɔ kon aa: «Te n kɔɛ pɛ, yɛɛ nɛ naa n yoo yɛnin vana-tɛɛngaa-diom Hala kon? Kani n nɔ lɛhau ɲɛdiaa o ba le. N nɔ vɛlɛ ɲɛ celen te, yɛɛ kpeekpei naa n ke yɛnin ndu?»

1Masaa 15:18

Mí Asa cua volion a sianin tɔ̀un va o Cɛi-Mɛlɛka-on nin-ndon kpow a bolofaa va o masaa lo cɛinin-ndo, mó viam vanaa bɛndua va ndu o ba bɛngu-a a mun Damas o Bɛn-Hadad, po Tabrimɔn-ndo lo, po imama Hɛsiɔn va masaa Aram-ndo pɛɛn. Mó viam nda le kɔlan ndu dimullo aa:

1Masaa 14:3

Kɔ a bululan tɔ́, a dɛɛla toaŋaalan a á hem malɛɔ o ba, mà kɔ luɛi ndu coo. O dimulnin nɔm mɛɛlula nàà poombɔɔ ho.»

2Masaa 1:2

Paale pum, mí masaa Ahasia hialun o dio-pɔmbɔɔ nɛɛ o va coocoo o cɛi ndɔ lemasaa nin Samari-a, mó del lɛŋ, mó yɔŋulun taw. O kon, mó viam vannda le kɔlan yavaa vomɔɔ o Baal-Sebub lo, hala va o kobio Ekrɔn nin-ndo, le ndu ɲunaa te ndóò siangunin a yɔŋulɔn kon.

Vana Kɔlkaloo 3:6

Telenndo co le nuwviaa, telenndo co le malɔɔ, telenndo co le mandaa, telenndo co le viovɔɔ.