2Masaa 8:7 - BII BILA

⁷ Telen pum vɛlɛ, mí Elise kɔa Damas. Bɛn-Hadad va masaa Aram-ndo va a nàá. Má kɔ dimul ndu aa: «Vana-tɛɛngaa-diom Hala-o hin háá nanu.»

2Masaa 8:7 Referans Kwoze

2Masaa 6:24

Telen pum o dɛnnda lan kɔɔli, mí Bɛn-Hadad va masaa Aram-ndo mɔɔsiaa vanaa ndɔa cɔwva kpow, mó kɔ tiila kobio Samari.

1Masaa 11:24

Tuma David va vanaa cɔvaa Hadadesɛr-a diwvo-o, mí Resɔn cuungiaa langbaa sɛ́lɔ́ɔ́ taw, mó sim nda laci, má can má kɔ cal Damas, má va masalen tosaa lon.

1Masaa 20:1

Mí Bɛn-Hadad, ó va masaa Aram-ndo cuungiaa vanaa ndɔa cɔwva kpow, masaa beleyaa a à ŋiɔn, soa a ɲɛla ɲaanannda soa nan-ndan, má kɔ tiila kobio Samari le ndu delɔɔ coo a cɔwvo.

Dɛnnda kiilaa 17:6

Kɛ a komal nda lon te. O kon má kɔa a Yasɔn nda vanaa laalannda a pum vanaa kialaa n'yamaa kobia o hɔl, má yonda aa: «Langbaa ha co keiyo vannda palaa o lɛŋnden coo kpow, má cè nda nihau nanu.

Esai 7:8

Kani Damas co kobi lebollo le lɛŋnde Aram-nden ni, Resin yɛ, ndu co masa lebollo le kobio Damas ni. Nanu a vɔsilan belaŋɔmpum a laŋuɛɛnu, polale Efraim-nden le co cuvɔɔ kpede, le ve lɛnin yungu le few-few.

2Masaa 6:12

Mí vana pilɛ o vanaa bɛndua va ndu o ba bɛngu-a tɛɛn mulul ndu aa: «Àá masaa! Suansuaannɔ kɛ́-kɛ̀ co naa tɛɛn te. Kɛ vana-tɛɛngaa-diom Hala co kon Israɛl lon-ndo, Elise pɛɛn, o tiwba mo kɔ hivul masaa sɔɔn n dimi hali o cɛi nɔm lɔlaa nin-ndon.»

2Masaa 2:15

Mɛɛ vanaa-tɛɛngaa-diom Hala-a va Yeriko-a ce Elise kɔɔli-kɔɔli, má dimi aa: «Kɔl Elii-o tol Elise coo!» Má kɔa ndu bɔŋaa, má tundun ndu o labɛngunin háá lɛŋ.

1Masaa 20:34

Mí Bɛn-Hadad dimul Akab aa: «I co nɔm kobila fuɲa nuu ndóò poonda fuɲa nɔm o ba lan kpow mingul. O kon mà toosiaa fondala dɔavaa lɔ́ɔ́lan Damas mɛɛ fuɲa nuu ndóò toosiaa lan Samari yɛ.» Mí Akab dimi vɛlɛ aa: «N yii kpemaa, o kon mì mal nɔm kɔnndan.» Ndáà ciiyo kpemaa yiiyo nda ŋiɔn, mó mal ndu niko kɔnndan.

1Masaa 15:18

Mí Asa cua volion a sianin tɔ̀un va o Cɛi-Mɛlɛka-on nin-ndon kpow a bolofaa va o masaa lo cɛinin-ndo, mó viam vanaa bɛndua va ndu o ba bɛngu-a a mun Damas o Bɛn-Hadad, po Tabrimɔn-ndo lo, po imama Hɛsiɔn va masaa Aram-ndo pɛɛn. Mó viam nda le kɔlan ndu dimullo aa:

1Masaa 13:1

Mí Mɛlɛka viam vana-tɛɛngaa-diom Hala-o pum cɔnɔnndo Yuda, mó kɔa Betɛl. O komal kpafii Yeroboam va isisi o fonda-loamaa-lasálàá, o va ansan lomɔɔ.

Masaa kialaa n'yamaa 16:2

Má dimul vanaa va o kobi kon nin-nda maa Samsɔn co lon. O kon má balu simndan pindo, má lɔl ndu cumul pii o dio kobio. Icɔl kon pii, a yɔŋ Samsɔn ɲɛ-ɲɛ le, kani má dimi aa: «A paalen siaalen n diinin ndu.»

Tɔŋ miingua 33:1

Duaa Moise vana baala Hala-o dɔw Israɛlla telen pá mó vu-o yɔŋnun hoo ni:

O Kandɔɔ 14:15

Mɛɛ o bendal nda, mó piɔw vanaa ndɔa cɔwva kundalan, má del yaamɔaa ndaa kan coo o ɲumndan nin, má tiw nda ba. Má lo nda kɔlan a soŋɔɔ háá Hoba, Damas a ba luaŋ-ndo.

2Masaa 1:2

Paale pum, mí masaa Ahasia hialun o dio-pɔmbɔɔ nɛɛ o va coocoo o cɛi ndɔ lemasaa nin Samari-a, mó del lɛŋ, mó yɔŋulun taw. O kon, mó viam vannda le kɔlan yavaa vomɔɔ o Baal-Sebub lo, hala va o kobio Ekrɔn nin-ndo, le ndu ɲunaa te ndóò siangunin a yɔŋulɔn kon.

2Masaa 5:20

mí Kehasi, buɛi Elise vana-tɛɛngaa-diom Hala-o dimin o kɔl nin aa: «Vana ni bɛndoo cɛl le ɲɛm Naaman Aramiinɔ hin mùn-ndon biyɔɔ le. Kɛ nduyɛ, te Mɛlɛka co yoomu, mɛɛ mì dem ndu, mì kɔ sɔla ndu ɲɛ pum o ba!»

2Masaa 8:6

Mí masaa ɲuna cuaa, mí ndu cuaa pila cɔm ndu mɛ̀ɛ́-mɛ̀ɛ́ i yɔŋnun kpow. O kon, mí masaa yɔngu ndu vana bɛndoo pum, mó dimul ndu aa: «Yaasiaa sɔɛi cuaa ho, ma mingul ndu ɲɛm ndɔn kpow. Mà yɔngu ndu tɔnɔ yondo ndɔɔ luei o vɔsilan ndan kpow bɛngu-o, kandɔɔ paale o faŋan nanu len háá hau.»

Yeremi 40:5

Kɛ le mɛɛ Yeremi yala muli le yɛ, mí Nebusaradan dimi vɛlɛ aa: «A tiwba ma muungu o Kedalia po Ahikam-ndo, po imama Safan-ndo lo, o masaa Babilɔn siinguu simlacinɔɔ le kobilan Yuda-o pɛɛn. Mà kɔ lo o ndu lo vannda tɛɛn, te kon te, a kɔɛ nɛɛ n yeema-a.» Mí simlacinɔ kpalilla ke ndu ɲɛm dian le dio nɛi-tɛɛn a ɲɛ-sɔlaa. O kon mó mal ndu n'pelu. O kon mí Yeremi kɔa Mispa o Kedalia lo, mó kɔ va ndu o bɛngu coo vanaa lo o lɛŋnden nin-nda tɛɛn.