2Masaa 8:5 - BII BILA

⁵ Tuma Kehasi va masaa dimullo mɛɛ Elise mingi vana vílɛ́iyo yoomu yɛ-o kpafii, mí cua Elise ndóò mingi kon po ndɔɔ yoomu-o hun o masaa lo le sɔɛi cɛi ndɔɔ a yondo ndɔɔ. Mí Kehasi dimi aa: «Masaa sei, cua o mingul kon po ndɔɔ yoomu-o nda po ndɔ kon kpeekpei co haa hunɔɔ ni.»

2Masaa 8:5 Referans Kwoze

2Masaa 4:35

Mí Elise can, mó balu cɛinin, mó muungu vɛlɛ, mó kɔ kuumbun poombɔɔ coo. O kon kɔɔli, mí poombɔɔ kalaa kpisiŋa leŋɔmmɛw, mó kumbi hɔltan.

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Vana Kɔlkaloo 9:11

Mí dɔaw vɛlɛ dɛnndan lapum taasi o paalen bɛngu. O kiltan nin bɛɛ, vanaa hiow keleɲaa-a hiw laci lelan te. O cɔwvo nin bɛɛ, o co kuubaa le a yam cɔwvo kangalan te. Vanaa hiow kɔlkaloo-a sɔla baloo le kɔlkalu ndaa le, vanaa dɛnɛ sinaa sɔla bolofaa le dɛnɛ sinaa ndaa le, vanaa kɔlkalu bɛndu-a sɔla bɛɛlen le kɔlkalu nda bɛndoo le. Nda kpow, dɛnnda kɛndɛlan a dɛnnda vɔɔnndan la komal nda ni.

Talelan 16:9

Mì vanacieo tuu le ipum tosaa, kɛ Mɛlɛka tosa ni mò tiwba tuu kon peeloo.

Condii lisai 145:1

Condii lisai, í fula o condun David-on nin-nde. Hala nuu, masa nuu, i yeema mì lisa nɔm, mì sina kɛndɛi nɔmnde le lɔ́ɔ́-lɔ́ɔ̀.

Ɛstɛr 5:14

O kon, mí Serɛs laa ndɔ a caaŋaa ndɔa kpow a dimul ndu aa: «Mɛɛ baŋ yɔmndo bandei dunndo beleŋuɛɛnu, o kon siɔdii púŋ, a dimul masaa, vana pena ndu Mardosee kalaa landɔɔ lon. À landu pɛ ndu, nɔm kɔɛnnun niko a ɲaaloo fɛkɛi le ɲɛdiaa sɔvɛɔ dio niaa masaa.» Mí tuula lan la hɛnan Haman, mó cɛl mì yɔmndo baŋnun.

2Masaa 6:26

Paale pilɛ, mí masa Israɛlla va hiovɔɔ o kpakio coo, mí vanalanɔɔ pum deŋi aa: «Mala ya fɔ vana ni bɛndoo, masaa!»

2Masaa 6:12

Mí vana pilɛ o vanaa bɛndua va ndu o ba bɛngu-a tɛɛn mulul ndu aa: «Àá masaa! Suansuaannɔ kɛ́-kɛ̀ co naa tɛɛn te. Kɛ vana-tɛɛngaa-diom Hala co kon Israɛl lon-ndo, Elise pɛɛn, o tiwba mo kɔ hivul masaa sɔɔn n dimi hali o cɛi nɔm lɔlaa nin-ndon.»

1Samiɛl 26:17

O kon mí Saul sina David diomndo, mó ɲuna aa: «Vɛ̀ɛ̀ nɔm David po ni co sɔɛi nuaa ni nɛ?» Mí David muli aa: «Oi, ya ni masaa, vana ni bɛndoo.»

Ruti 2:3

Mí Ruti can dɔ́ɔ́, mó kɔa yasalan nuwviaa vanaa koavaa kɔɔli o ciɛi pum nin, mí ɲɔɔ bendalan, mó kɔa o ciɛi Boas-e nin. Nduyɛ vanayɛi fɔ̀nɔ̀ Elimelɛk-e Boas kon va ni.

2Masaa 4:12

Mí Elise dimul Kehasi buɛi ndɔ aa: «Veelul-lɔ ya cua Sunɛmnɔɔ ho.» Mó veelu ndu, mí cuaa kɔ sim o dio.

2Masaa 8:6

Mí masaa ɲuna cuaa, mí ndu cuaa pila cɔm ndu mɛ̀ɛ́-mɛ̀ɛ́ i yɔŋnun kpow. O kon, mí masaa yɔngu ndu vana bɛndoo pum, mó dimul ndu aa: «Yaasiaa sɔɛi cuaa ho, ma mingul ndu ɲɛm ndɔn kpow. Mà yɔngu ndu tɔnɔ yondo ndɔɔ luei o vɔsilan ndan kpow bɛngu-o, kandɔɔ paale o faŋan nanu len háá hau.»

1Masaa 20:1

Mí Bɛn-Hadad, ó va masaa Aram-ndo cuungiaa vanaa ndɔa cɔwva kpow, masaa beleyaa a à ŋiɔn, soa a ɲɛla ɲaanannda soa nan-ndan, má kɔ tiila kobio Samari le ndu delɔɔ coo a cɔwvo.