2Masaa 8:4 - BII BILA

⁴ Tuma kon kpafii, masaa va suukanndo nda Kehasi, buɛi Elise-o. Ndóò ɲuna Kehasi le ndu dɛnnda kɔndɔfilta Elise tosa lan kpow dimullo.

2Masaa 8:4 Referans Kwoze

Dɛnnda kiilaa 24:24

Palɛi bɔɔ-bɔɔ o kon kɔɔli, mí Felisi hun a Drusil laa ndɔ, Yuifinɔɔ laa ndɔ kon va ni. Mó viam vannda, má kɔa Pol kɔɔli. Mí Felisi yaŋ nilan o ɲɛ Pol dimi a Yeesu Krista laalanndo o kɔɔ-o coo.

Nsaŋ 9:27

Mó mulul nda aa: «I dimul nihau niaa ndi, la yeŋ ya lani le. Le yɛɛ niaa yeema yɛ vɛlɛ ndi tueyɔɔ? Mò va maa yeemɛi niaa bɛɛ nɔ le siŋnɔnndo kaandeŋaa ndɔa ni?»

Luke 23:8

Herɔde ndóò cɔu Yeesu, mí ɲɔɔ hɛnan ndu taw, kani ndóò tuei nin isɔɔ a ndu o kɔɔ, ndóò nɔ yeemɛi taw le ndu cɔu. O va yiyanndo maa Yeesu va hunɔɔ dɛnɛ kɔndɔfillo pum tosa ndu o hɔl.

Luke 9:9

Kɛ mí Herɔde dimi aa: «Ya vem vannda ni le Nsaŋ bollen kiolɔɔ. Ɔ́ɔ̀ niko Nsaŋ ya co hoo sɔɔn ndɔn tueyɔɔ-o?» O va nɛilan nuwviaa le ndu cɔu.

Matie 2:8

O kon kɔɔli, mó viam nda Bɛtlɛhɛm, mó dimul nda aa: «La kɔ ɲuuniaa sɔɛi poombɔ kalaa tɛɛ-tɛɛ. La saalun pɛ ndu, la tosa mì sina, haliko mi ya bɛɛ i kɔ biilu ndu».

2Masaa 7:10

Má kɔa, má veelu vana pilɛ o kpalilaa va dio kobio kpalillo-a tɛɛn, má downun ndu kona aa: «N kɔɛ mí n luɛi o dɔ́ɔ́ngɔ́ɔ̀ Aramiia nin, kɛ n komal vana-vana lon te, n tui vɛlɛ vanaciee isɔɔ le. Soa a sofɛlɛa co a bayiaa, a mɛi cɛila-kolala-toandaalan lende yɛngɛsɛɛ.»

2Masaa 7:3

Vanaa nàà siaŋaa pum va nda hiɔɔlu o dio luɛyaa kobio sondoo. Má dimulan aa: «Le yɛɛ naa n co yɛ lou nanu háá mí n va piɔ́mndo cumndo?»

2Masaa 7:1

Mí Elise dimi aa: «La tuei-yɔ sɔɛi Mɛlɛka-e! O dimi aa: ‹A telen vaa nuaa siɔdii, o lɔ́ɔ́ Samari nin, kpeyanndo vanin kiloo tɔ́ a lediin le volii támái ndii pilɛ, mì ɔrse ndu va kiloo bidiin a lehiɔɔlu le volii támái ndii pilɛ.›»

2Masaa 6:32

Nduyɛ Elise va icali o ndu lo cɛinin, nda kaasoŋaa kɔlkalua kobia latulu. Mí masaa viam vanndo o ndu lo. Kɛ lɔ́ɔ́ pá kiila kon hun tiiya, mí Elise dimul kaasoŋaa kɔlkalua kan aa: «La ce! Po vana diyaa n'vanndo ho vem vanndo le hunɔɔ ya bollen kiolɔɔ. Lelan la caa dɛ! Te langbanɔ kalaa hin pɛ, la kinda dioo, la ɲindu ndu a koŋndo latulu. Vɛ̀ɛ̀ o co pelun vana ndɔ bɛndoo le ya co tueyɔɔ hunɔɔ ndu kɔɔli nuaa le?»

2Masaa 6:6

Mí Elise ɲuna ndu aa: «Kuɛɛ cuei kalɛi del-lɛ?» Mí langbanɔɔ cɔm ndu fonda kon. Mí Elise kialu yɔm bingio, mó vuu ndu o mɛnndan nin o fonda cuei del kon-ndo. Mí cuei hel dɔ́ɔ́ o mɛnndan coo.

2Masaa 5:14

O kon mí Naaman del bɛmbɛ leŋɔmmɛw Yurdɛn o peelo, maa mɛɛ vana-tɛɛngaa-diom Hala-o ndóò dimi yɛ. Mó siangu, mí yáw ndɔɔ muungu maa yáw poombɔ pɔmbɔ.

2Masaa 4:12

Mí Elise dimul Kehasi buɛi ndɔ aa: «Veelul-lɔ ya cua Sunɛmnɔɔ ho.» Mó veelu ndu, mí cuaa kɔ sim o dio.

2Masaa 2:24

Mó mulin, mó tofa nda, mó dɔaw nda danga o diola Mɛlɛka lan. O kon, mí kɔ́lɔ́vúlua fula o bundɔɔ nin nda ŋiɔn, má sɛɛsiaa n'van belehiɔɔlu a vanaa ŋiɔn o poambɔa kan tɛɛn.

2Masaa 2:14

Mó bii doma kon, mó lɔaa mɛnndan a ndu, mó deŋi aa: «Kuɛɛ nɛ Mɛlɛka, Hala Elii-o co yɛ? Kuɛɛ nɛ o co yɛ kpeekpei?» Lende ndu bɛɛ lɔɔ mɛnndan ni, mí ma sɛyan tɛɛn o ba kɛndɔɔ a o ba mɛllo coo, mó taŋ.

2Masaa 8:3

Vɔsila ŋɔmmɛwlan cuvɔɔ, mí cua kon faŋan o lɛŋnde Filistia nin, mó muungu. Mó kɔa o masaa lo le cɛi ndɔɔ a le yondo ndɔɔ ndu mingio o ba.

2Masaa 4:25

O kon mó kɔa, mó komal Elise o pembei Karmɛl coo. O lo levil pɔ́-pɔ́, mí Elise ca ndu, mó dimul Kehasi buɛi ndɔ aa: «Cua Sunɛmnɔɔ ho co hunɔɔ nuaa ni.»