2Masaa 8:12 - BII BILA

¹² Mí Hasaɛl ɲuna ndu aa: «Le yɛɛ n co yɛ caŋndo, vana ni bɛndoo?» Mí Elise muli aa: «Kani i sina dɛnɛ vɔɔn n tosalnin Israɛlla-o, a luminin kobila ndala co o kpakilan nin-ndan, ma diw langbaa felengia ndaa a mɔɛi cɔwve, ma ciimiaa cuaambɔa ndaa pɔmbɔa, ma tɛɛndiaa laandaa ndaa vanin a folilan-nda dembelan.»

2Masaa 8:12 Referans Kwoze

Nahum 3:10

Kɛ a kon kpede, vanaa kan Tɛb bɛɛ, má kɔa a nda o biyɔɔ nin. Má vɔɔciaa cɛlɛkpɛa ndaa o nɛilan kpow demullo. Mí vannda mal siondei, má piɔvan simlacia ndaa, má kɔa a vanaa ndaa bɛndua kpow o yɔlɔn.

2Masaa 15:16

Tuma kon mí Menahɛm del kobio Tifsa coo a cɔwvo, mó diw vanaa va lenin-nda kpow, mó tɛɛmbuu ɲɛ-ɲɛ va o tàndá kon nin, kandɔɔ o kobio Tirsa kɔlan háá Tifsa. Le tùú ndáà kɛɛ le ndu diola luɛyaala kobi kon kumbillo-o o diw vanaa va o kobi kon nin-nda ni, mó tɛɛndiaa vanaa lafolia kpow dembelan.

2Masaa 13:3

Le hee, mí Mɛlɛka fula kɔllo a Israɛlla, mó mal nda Hasaɛl masa va Aram-ndo, a Bɛn-Hadad po Hasaɛl kon o ba. O telennda masaa ŋiɔŋaa kan va masalen tosaa lan kpow bɛngu, Israɛlla va nda o ba bɛngu.

2Masaa 12:17

Volin vannda va hunɔɔ le sálàla kɔlɲululan a sálàla va le hakio sɔlaa malɔɔ lan solio-on yɛ, ndáà luei mun o kesu Cɛi-Hala-o nin te, le vanaa-solia-lasálàá mun va ni.

Amɔs 1:13

Nuaa Mɛlɛka soo ni aa: «Le yɔŋnda vɔɔnnda yàála Amɔnnda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a tɛɛndiaa vanlaandua lafolia Kalaad dembelan le lɛŋnde ndalen cɔɔloo.

Esai 13:16

Vannda pesipesinin cuavaa ndaa imamaa nda pila o hɔl. Vannda cuanin ɲɔɔn o cɛila ndalan nin, mà kpuwviaa laandaa ndaa ma va a nda.

2Masaa 13:7

Vanaa cɔvaa Mɛlɛka ndóò mel Yoahas daama-a va haa ni: vanaa ɲaanun o soa coo-a n'van beleŋuɛɛnu, ɲɛla ɲaanannda soa nan-ndan tɔ́ a vanaa tosa cɔwvo a n'pelu-a vaalan tɔ́. Kani mí masaa Aram ndóò diw nda taw, mó mingi nda maa cundu vannda kei nɛw a n'pelu-o.

Osee 10:14

Lelan, vɔkɔ-vɔkɔ bɛndu-bɛndoo tosannin vanaa niaa tɛɛn, mì kobila mayoomula niaalan kpow la piɔsipiɔsi mɛɛ Salman pesi Bɛt-Arbɛl o paale cɔwlen coo yɛ. Paale len, mó vɔɔciaa kalaa a cuavaa ndɔa latulu.

Esai 13:18

A diwnin felengia a kpaasiaala ndalan, a nɔnin iɲíí le cɛlɛkpɛa lendea diwvo le. Cuaambɔ oo cuaambɔ nda del pɛ lehɔl, a tosanin iɲíí a ndu le.

2Masaa 4:28

Mí cuaa mɛli yeelan kpélén, mó dimi aa: «Vana ni bɛndoo sei, mò va maa yáà piɛi nɔm hɔ́ɔ́ ni? Vɛ̀ɛ̀ mí yáà dimul nɔm aa hui ya le le?»

1Masaa 18:13

Vɛ̀ɛ̀ kabi bɛɛ a tui ɲɛ ya tosa lɔ́ɔ́ Yesabɛl va vanaa-tɛɛngaa-diom Hala-a diwvo-o le? Yáà ven nda lende o buululan nin kundalan tan tiɔn ni, mí vian nda baa n'van beleŋuɛɛnu, baa pilɔɔ vɛlɛ n'van beleŋuɛɛnu. Mí va nda mɛnndan a baloo keo.

1Masaa 19:17

O kon, vana-vana hɛlun pɛ mɔɛi cɔvii Hasaɛl-le, Yehu kɔ dii vana kon, vana-vana hɛlun pɛ mɔɛi cɔvii Yehu-e, Elise kɔ dii vana kon.

2Masaa 13:22

O telen Yoahas va o masalen-ndo kpow bɛngu, Hasaɛl, masaa Aram va Israɛlla mɔnɛi lueiyo.

2Masaa 12:18

Tuma Hasaɛl va masaa Aram-ndo, mó kɔ del kobio Kat coo a cɔwvo, mó bii ndu. Mí kɔllo kɔa ndu vɛlɛ le Yerusalɛm kuello a cɔwvo.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»