Biblia Todo Logo
Bib sou entènèt

- Piblisite -




2Masaa 8:1 - BII BILA

1 Mí Elise dimul cua ndóò mingi po ndɔɔ yoomu-o aa: «Cɔn mì la faŋan nanu niaa yungu nɔmndo, mì la kɔ cal nɛɛ niaa tiwnin ba-a. Kani Mɛlɛka co yima fofolan tuisi o lɛŋnden nden nin háá le vɔsilan tan ŋɔmmɛw.»

Gade chapit la Kopi




2Masaa 8:1
31 Referans Kwoze  

I tuisi valoo o lɛŋnden coo, o pembon coo, o ciɛɛn n'mallon coo, o nakɔla n'rɛsɛnndan coo, o nakɔla olivieelan coo a o tɔlɔɔla tɔ̀lan kpede coo, mí tuisi vɛlɛ valoo vanndacieea a cɔlua coo, mí baalala niaalan kpow la va tambei.›»


Mó tuisi yiaan o lɛŋnden coo, balo ve lɛ le.


Tuma Masaa kialaa n'yamaa va masalen tosaa o lɛŋnde Israɛl-ten coo-o, mí yima fofolan ma luɛi o lɛŋnden nin. Mí langbanɔ pilɛ can Bɛtlɛhɛm o tàndá Yuda-o nin nda laa ndɔ a poaa ndɔa ŋiɔnda, le kɔlan calle le telen pum o lɛŋnde Moab len nin.


Mí poombɔɔ sul. Paale pum, mó kɔa nɛɛ fuɲa ndɔ va baalaa nda vanaa koavaa-a.


Mí yima fofolan ma luɛi o lɛŋnde Kanaan-nden nin, o kon, mí Abram kɔa o lɛŋnde Esipte len nin le telen bingi tosaa lon. Kani fofola kon va bɔɔ o lɛŋnde Abram va icali nin-nden nin.


I co niaa toɲaa dimul, vanlaandua piandaa ndaa vi-a a va taw o lɛŋnde Israɛl-ten nin o palɛi Elii-e bɛngu, telen halataalaa kindan o vɔsilan tan yáá a paangon mún ŋɔmpum, mí yima fofolan ma luɛi o lɛŋnden kpow nin-ndo pɛɛn.


Mí Elii kɔa, mó kɔ cɔmnun Akab. Telen kon, yiaan ma va Samari taw-taw.


Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»


I tuŋnin niaa ɲɛdiaa. Vanlaandua tɔ́ a loamnin bulu niaa o fonda loamaa buloo ndu pilɛ nin, mà cuu niaa ndu ɲɛ-pɔmbɔ cuinii. La dianin ndu kɛ la pimnin ndu le.


Mí vana pilɛ o nda tɛɛn, diolan Akabus, o can a kpaaya Hala Kɔl-Diandaa, mó dimul vannda siɔdii lacio maa yima fofolan ma va hunɔɔ luɛyɔɔ fɔ́ɔ́fɔ̀, o ceendo ho coo kpede. (Telen Klode va masalen tosaa-o dɛnɛ kon yɔŋnun ni.)


Kani palɛi ken Mɛlɛka mingulnin vanaa ndɔa maa ni, haliko mi ɲɛ sɛvan-ndo peelun.


Lɛŋnden le ɲiiyanin taw, mì nààla halimaalan a yima fofolan ma luɛi o fondalan lapum. Dɛnnda kɔndɔfiltan a kaamaala bɛndulan la cɔmnunnin o halataala.»


Kani o kobi co le ya-o coo ya co kandɔɔ dɛnɛ palaa tuisio ni. Vɛ̀ɛ̀ niaa niaa looku yɛnin hiɔlɔn? I biinin niaa maa vanaa tɛɛmbuu isɔɔ le-a le. Kɛ i veelunin mɔɛi cɔwve, mì i hinul vanndacieea o ceendo coo kpede.» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.


mò mingi lɛŋnde tɔlɔɔlan la naŋ nin-nden lɛŋnde ihɛlten, te vanaa co o lɛŋnden coo-a kela pɛ kela vɔɔnndo pɛɛn.


O kon mí Kad kɔa o David lo, mó kɔ tɛɛngul ndu diom Mɛlɛka dimi-o. Mó ɲuna David aa: «Yiaan luɛyɔɔ o lɛŋnde nɔmnden nin le vɔsilan tan ŋɔmmɛw-ou, yaamɔaa nɔmnda nɔm tovɔɔ o paangon mún yáá bɛngu-ou, nàà halimaa pum tolɔɔ o lɛŋnde nɔmnden coo le palɛi ndii yaa-ou, cuan-cuaa! O kuɛɛ nɛ n hɛli yɛ? Yiyan ma dimul-la ɲɛ ya kɔ mulul vana vem ya-o-o.»


O masale David len bɛngu, mí yiaan ma luɛi o lɛŋnden nin le vɔsilan tan yáá. Mí David ɲuna Mɛlɛka le sinaa a sɔɛi ken o kɔɔ, mí Mɛlɛka mulul ndu aa: «Le tùú Saul nda yungu ndɔɔ a diw Kabaɔnnda-o yiaan man ma tol niaa coo ni.»


Má cɔɔlu vɛlɛ dimi aa: «N hin le calle o lɛŋnde nɔmnden nin. Kani yima fofolan ma co ma bɔɔ o lɛŋnde Kanaan-nden nin, hali bil puiyaa, o co lɛ lon le cɔlua naa le. Lelan, yiyan naa coo ma cɛl mì n cal o tàndàá Kosɛn nin.»


Taa ce pɛ má sɔl lɔan man sala tiɔn, kon co cɔmndo ni maa Hala cii dɛnɛ kon kiolɔɔ kpali, fɔ mò yɔŋnun kangalan. O viw lɛnin le ɲɛ o kelu kon-ndo tosaa le.


O kon mí Yosɛf dimul Faraɔnnɔɔ aa: «Lɔma sɔlaama sala tiɔmma man kpede, lɔma pilɛan ma co ni, kɔlɔ pilɔɔ ma nɔ ni. Hala cɔm nɔm masaa ɲɛ o co hunɔɔ tosa-o nuaa ni.


Tuma kon vɛlɛ, mí yima fofolan ma luɛi o lɛŋnde len nin, yima man maa hiow yima fofolama luɛi o paale Abraham-nden ndan. Le hee, mí Isaak kɔa Kerar o masaa Abimelɛk lo, masa Filistia pɛɛn.


mí vɔsila ŋɔmmɛwla fofolalan la kandun mɛɛ Yosɛf ndóò dimi yɛ. Mí yima man má tiw o lɛŋnde kpow nin. Kɛ ɲɛdiaa va o lɛŋnde Esipte len nin taw.


Mí Elise muungu Kilkal, nduyɛ yiaan ma va o tàndà kon nin a telen kon. Mí Kunda vanaa-tɛɛngaa-diom Hala-a pum sɔɔnguu ndu ikɛi. Mó dimul buɛi ndɔɔ aa: «Handu kpɛɛnɛi bɛnduei o yin, mà yowlu naa mbooyaa.»


Ɛ̀ɛ̀ lekɛ́ndɛi, lende i tosan ni, mí vannda nɛw ndu o dio, mó vu.


Mí cuaa can dɔ́ɔ́ mɛɛ vana-tɛɛngaa-diom Hala-o dimul ndu yɛ, mó cua yungu ndɔɔ, má kɔ calnun o lɛŋnde Filistia nin le vɔsilan tan ŋɔmmɛw.


Mí Elise veelu Kehasi, mó dimul ndu aa: «Kɔ veelu kalaa poombɔɔ.» Mí Kehasi kɔ veelu ndu, mó hun o Elise lo. Mí Elise dimul ndu aa: «Cua po nɔmndo!»


Ya Mɛlɛka yɛ, mí tuŋ niaa ɲɛdiaa, mí la lo sondola fondo o kobila niaalan nin, mí tuisi niaa yima fofolan coo o calta niaalan kpede. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.


Swiv nou:

Piblisite


Piblisite