2Masaa 7:8 - BII BILA

⁸ Vanaa nàà siaŋaa kan tiiyaa o dɔ́ɔ́ngɔ́ɔ̀ pɛɛngulan, má luɛi o cɛi-kola-toandaa pum nin, má dia, má kol. Má cua volion, sianion a volɔɔla cuɛinanndan, má kɔ vian. Má muungu, má kɔ luɛi o cɛi-kola-toandaa celen nin, má cua vɛlɛ ɲɛm va lenin-ndon, má kɔ vian.

2Masaa 7:8 Referans Kwoze

Matie 13:44

«Masale halataala len le co vɛlɛ ko kpen maa bolofaa co o vianaa yondoo pum nin-ndo. Vanndo saalɔnndo ndu, mó cɔɔlu ndu vionɔɔ. O lo ɲaale kon dɔwnɔnndo tei, mó pisi ɲɛm ndɔn kpow, mó kɔ piandu yondo kon.

Yosue 7:21

Mɛɛ ya ce doma bɛndu kɛndɛ-kɛndɛ fula o lɛŋnde Sinear len nin-ndo, volin latámán kɛmɛ lediin a sianin n'kpungban kalamulan kɛmɛ leŋɔmpum o ɲɛm naa n sɔla o cɔwvo nin-ndon tɛɛn, mí yeemɛi bii ya a mun, o kon mí cua mun. N co n'vianaa lɛŋ o soondo nin o cɛi-kola-toandaa nuu kɔllo, volion co lebɛngu dí.»

Matie 25:18

Kɛ mí vana sɔla sianin n'kpungban kɛmɛ-o kɔ toaw soondo lɛŋ, mó vian sianin vana ndɔ bɛndoo lon.

Yeremi 41:8

Kɛ mí n'van tɔ́ o vanaa kan tɛɛn a dimul Ismaɛl aa: «Dii naa le! N nɔ baloo o vianaa yondoo nin, maalon, ɔrse, cuɛiyan a lɛan.» O kon mí Ismaɛl nda vanaa ndɔa mal nda, a dii lɛ nda le.

2Masaa 5:24

Ndáà tiiyaa Ofɛl, mí Kehasi bii nda volɔɔla lan o ba, mó luei lan o ndu lo cɛinin, mó mingi vanaa liila ndu kan-nda, má kɔannun.

2Masaa 7:9

O kon kɔɔli, má dimulan vellaa-velle aa: «O co dɛnɛ kɛndɛ le naa n co hoo tosaa le dɛ! Paalen nden hau, paale Yoongu kɛndɛlen le co ni. Te n lo pɛ meiyo nuaa, mì n lo cumndo háá mì paalen le sɛ, dɛnɛ palaa co naa tolɔɔ coo le ken. Lelan la hun n kɔnnun, mì n kɔ tiiyan yoongoo ho o cɛi lemasaa nin.»

Esai 33:23

Kɛ nɔm, yoei nɔmnde i yɔnyɔlan, i co lɛ yɔm heelaa lɛfɛ landaa tumndo ŋɔvɔɔ le, i co lɛ kolala vuaalan tondɔɔ mì la kindun te. O kon, vannda co ɲɛm nda poonda o cɔwvo nin taw-von piɔvanndo, hali namtaa tinda-a bɛɛ co ɲɔɔn poondiaa.