2Masaa 7:6 - BII BILA

⁶ Kani Mɛlɛka ndóò tosa ɲɛ pum ni, mí vanaa cɔvaa Aramiia va o dɔ́ɔ́ngɔ́ nin-nda tuɛi diom bɛndoo pum, vanáà tuɛi ko aa kunda vanaa cɔwva pum co hunɔɔ sɛ́lɛ́ bɛndoo a soa ndaa a á ɲɛla ɲaanannda soa nan-ndan taw-taw ni. Má dimulan vellaa-velle aa: «Má cè mɛɛ masa Israɛlla cii masa Hitiia a masa Esiptea volion yɔngu, má mɔɔsiaa vanaa ndaa cɔwva le naa hunɔɔ delɔɔ coo yɛ!»

2Masaa 7:6 Referans Kwoze

2Samiɛl 5:24

Tuma n tuɛinin bɛngulan diom o yúii ken coo-o, a keleŋa cɔnɔn cɔ́-cɔ́. Kani ya Mɛlɛka vanin nɔm fulaa laci lende le vanaa cɔvaa Filistia tolɔɔ coo ni.»

Esai 31:1

Dɛnɛ palaa co le vanaa co tuusoo Esipte le kɔlan malaa sɔlaa lon-nda. Vanaa tiindan soa, má kɔngan ɲɛla ɲaanannda soa nan-ndan kunda bɛndoo-a. A nɔ laalanndo o yoomuma vanaa ɲaanun o soa coo-a nin-ndan-a pɛɛn. Kɛ vanaa kan co O-Diandaa Israɛlla tofa le, a co sɔɔnguu Mɛlɛka o ibuŋ te!

1Masaa 10:29

A va ɲɛ ɲaanan soa nan-ndo pilɛ piondɔɔ Esipte volin latámán kɛmɛ leŋɔmpum, sow o pilɛ támálan kɛmɛ a beleŋuɛɛnu. Yulaa pilɛa kan koni ndáà yoo vɛlɛ masaa Hitiia a masaa Aramiia ɲɛm mun le piondɔɔ ni.

Dɛnnda cɔɔmuanndan 9:9

Vanáà ce pɛ nda takpalan aa domala cɔwla icilinndan ni, vanaa tuei pɛ bɔɔla ndalan diom aa ɲɛla ɲaanannda soa sɛ́lɛ́a nanndan la co ɲaanɔnndo le kɔlan o cɔwvo ni.

Esekiɛl 10:5

Vanáà lo o bɛ́ɛ̀ va lekɔɔli-o nin, mí vanáà tuei diom kumbannda mɛlɛkaa kanda ɲɛm Hala-on-nda. Vanáà tuɛi lan ko diom aa Hala Vana-Kpaayaa-Kpow co sɔɛi ni.

Esai 36:9

Vɛɛ nɛ n nɔla yɛnin ma tow bolle vanaa cɔwva o pilɛ, hali o vana kon va o pɔmbɔ vanaa baalaa vana ni bɛndoo tɛɛn? Lɛŋnde Esipte len n tiindan ni le ɲɛla ɲaanannda soa nan-ndan a le vanaa ɲaanun o soa coo-a.

Condii lisai 14:5

Kɛ tuma Hala cɔmnunnin vanaa sandaa tɛɛn-ndo, siòònde biinin nda, mà ɲiiya.

SƐBƐ YƆB-O 15:21

Ɲɛm vueinanndon co sɔɛi ndu o lani. Tuma o vànnùn o kɔlɲuloo nin-ndo, vana tɛɛmbua kuel ndu.

2Masaa 19:7

I co ndu yiyanndo pum malɔɔ o kɔl, te o tuei dɔ́ɔ́ pɛ yoongoo pum, o cannin mò muungu o lɛŋnde ndɔlen nin. O lɛŋnde ndɔle len nin ya tuisinin ndu mɔɛi cɔwve coo ni.»

1Samiɛl 14:15

Mí siòònde bii Filistia tɔ̀a lo o dɔ́ɔ́ngɔ́ kon nin-nda a Filistia tɔ̀a va o tàndà kon nin-nda kpede. Mí siòònde bii a va cumullo-a, mí siòònde bii vɛlɛ kuubaa ndaa cɔwva taw. Handɔɔ o kon kpow coo, mí lɛŋnden le ɲiiya, mí kɔltan la laasian vannda kpede a dɛnɛ bɛndu Hala tosa kon-ndo.

1Samiɛl 26:6

Mí David veelu Ahimelɛk Hitiinɔ nda Abisai po Seruya-o, pɔmbɔɔ Yoab pɛɛn, mó ɲuna nda aa: «O niaa tɛɛn, ɔ́ɔ̀ vana cɛlnin mì n kɔɛ naa ndu háá o dɔ́ɔ́ngɔ́ Saul-lo nin-ndo?» Mí Abisai muli aa: «Ya i co lakɔ nɔm kɔɔli.»

2Samiɛl 10:6

Mí Amɔnnda sina maa a nɛinun David le dɛnɛ nda tosa kon-ndo. Le hee, má cua vanaa cɔwva vaalan bidiin o Aramiia Bɛt-Rehɔb a o Aramiia Soba tɛɛn, má cua vɛlɛ vanaa cɔwva vàá pilɛ masaa Maaka o ba, má cua vɛlɛ vannda vaalan tɔ́ a latiɔn o vannda Tob tɛɛn.

2Masaa 7:5

O kon, má can telen paale yɔngannden, má bii nɛiyo le kɔlan o dɔ́ɔ́ngɔ́ Aramiia nin. Kɛ ndáà tiiyaa o pɛɛngula dɔ́ɔ́ngɔ́ɔ̀, a komal vana-vana lon te.

Yeremi 46:21

Vanaa cɔvaa mialaa Esiptea co salaa le cɔwvo tosaa-a co o biilu bɛndu nin. Kɛ hali nda, a kɔannunnin, a ɲaanunnin nda ndaa latulu. Vana-vana simulnin lɔ́ɔ́ paale dɛnɛ palaalen le komal nda-o le, paale ya tuisinin nda sangaa coo len pɛɛn.

Esekiɛl 1:24

Te ndáà va pɛ kɔlan, yáà tuei kumbannda ndalan diom maa mɛɛ mɛmma bɛndu-bɛnduan ma và kuŋndo nuaa yɛ, maa mɛɛ diom Vana-Kpaayaa-Kpow co yɛ. Vanáà tuɛi ko ɲɔɔ sɔɛi ivɔkɔ-vɔkɔɛi aa bɔɔluu vanaa cɔwva ni. Te ndáà sim pɛ, ndáà liima kumbannda ndalan.

Masaa kialaa n'yamaa 7:21

Mí vana-vana lo o fonda ndɔɔ o dɔ́ɔ́ngɔ́ɔ̀ balɔɔ sɔ́, kɛ mí vanaa va o dɔ́ɔ́ngɔ́ɔ̀ nin-nda kpow yom a kiltan, má ɲaanun a yeelan.

1Masaa 20:20

Mí vana-vana dii yaamɔɔ o pilɛ. O kon mí Aramiia ɲaanun, mí Israɛlla ɲaanun nda kɔɔli. Mí Bɛn-Hadad nda vanaa ɲaanun o soa coo-a pum hel o soa coo, má sɔɔndian.