2Masaa 7:4 - BII BILA

⁴ Te n dimi pɛ aa n kɔnnun ciee, n co lakɔ vu lon, kani yima fofolan ma co lon. Te n dimi yɛ vɛlɛ pɛ le lou nanu, vuo koni naa n vunin vɛlɛ ni. Lelan, n kɔnnun o dɔ́ɔ́ngɔ́ Aramiia nin, mì naa pila n kɔ malnún nda o ba. Taa mɛi naa pɛ yoomu, n lo yoomu, taa diw yɛ naa pɛ, mɛɛ n kɔɛnnun ciee-piɔ́m.

2Masaa 7:4 Referans Kwoze

Yeremi 14:18

Te i kɔɛ pɛ yondoo nin, vanvílɛ́iya tuŋ ya saalun ni, a cɔwvo co diwvo-a. Te i kɔɛ pɛ ciee, vanvílɛ́iya tuŋ ya ca ni, vanaa-tɛɛngaa-diom Hala-a a vanaa-solia-lasálàá co kelanndo o lɛŋnden nin, ɲɛ-ɲɛ bɛɛ a co bila biyɔɔ le.»

Yonas 3:9

Bɔɔle mì Hala ɲulul kɔl, mò yiyan le ɲɛ o dimi le tosaa-o mangalaa, o kon mì kɔl ndɔ tuwvo ɲulul, yɔŋii naa n cuu.»

Yeremi 8:14

«Le yɛɛ naa n co yɛ lou icali? N cuungian nɛɛ pilɛ, mì n kɔɛnnun o kobila kpakilan nin, mì n kɔ vunnun ndon! Kani le vuo Mɛlɛka Hala naa kɛsi naa ni, o co naa mɛmma bɔ̀tàán koesi, le tùú naa n cua hakio a ndu Mɛlɛka-o.

Ɛstɛr 4:16

«Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

2Samiɛl 14:14

Naa kpow n hun vunin, mì n siŋnun maa mɛmma coŋ lɛŋ-ndan, vana tiw lɛ ba man kɔndɔɔ le. Kɛ o co vɔ telen Hala tuu le Absalɔm vuo le co hoo le. Lelan, o toosiaa nɛilan haliko vana co kon o lekáá-o lo o malnanndo ndu levil te.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

1Dɛnnda lemasalan 12:19

O kon, mí Kɔl Hala-o luɛi Amasai va simlacinɔ pilɛ le kunda n'van beleyaa-o nin, mó dimi aa: «Le nɔm naa n co ni yoo David! Nɔm po Yisai-yo naa n co kɔɔli ni. Kɔlɲuloo co le nɔm a le vanaa co nɔm malaa-a! Kani Hala nɔmndo cii nɔm mala.» Mí David naŋ kɔl a nda, mó ke nda simlacilen o fondalan lapum vanaa ndɔa cɔwva tɛɛn.

2Masaa 6:24

Telen pum o dɛnnda lan kɔɔli, mí Bɛn-Hadad va masaa Aram-ndo mɔɔsiaa vanaa ndɔa cɔwva kpow, mó kɔ tiila kobio Samari.

2Masaa 7:5

O kon, má can telen paale yɔngannden, má bii nɛiyo le kɔlan o dɔ́ɔ́ngɔ́ Aramiia nin. Kɛ ndáà tiiyaa o pɛɛngula dɔ́ɔ́ngɔ́ɔ̀, a komal vana-vana lon te.