2Masaa 7:3 - BII BILA

³ Vanaa nàà siaŋaa pum va nda hiɔɔlu o dio luɛyaa kobio sondoo. Má dimulan aa: «Le yɛɛ naa n co yɛ lou nanu háá mí n va piɔ́mndo cumndo?»

2Masaa 7:3 Referans Kwoze

2Masaa 7:4

Te n dimi pɛ aa n kɔnnun ciee, n co lakɔ vu lon, kani yima fofolan ma co lon. Te n dimi yɛ vɛlɛ pɛ le lou nanu, vuo koni naa n vunin vɛlɛ ni. Lelan, n kɔnnun o dɔ́ɔ́ngɔ́ Aramiia nin, mì naa pila n kɔ malnún nda o ba. Taa mɛi naa pɛ yoomu, n lo yoomu, taa diw yɛ naa pɛ, mɛɛ n kɔɛnnun ciee-piɔ́m.

Kundalan 12:14

Kɛ mí Mɛlɛka mulul ndu aa: «Te fuɲa ndɔ ndóò tufu pɛ ndu lɔlɔan o hɔl, ndóò venin a siɛmbula lan le palɛi ndii ŋɔmmɛw le? Te o co pɛ lende, mɛɛ o bɛnda mò faŋan o dɔ́ɔ́ngɔ́ɔ̀ nin le palɛi ndii ŋɔmmɛw. Te palɛi ken cuu pɛ, o muungu niko niaa tɛɛn.»

Yeremi 27:13

Le yɛɛ niaa cɛl-lɛnin mì la cuu o mɔɛi cɔwve bɛngu, a yima fofolan a á nàà n'kɔnyaa, maa mɛɛ Mɛlɛka dimi le tosaa a vanaa kɛɛnin le masaa Babilɔn baalaa tosallo-a yɛ?

Yeremi 8:14

«Le yɛɛ naa n co yɛ lou icali? N cuungian nɛɛ pilɛ, mì n kɔɛnnun o kobila kpakilan nin, mì n kɔ vunnun ndon! Kani le vuo Mɛlɛka Hala naa kɛsi naa ni, o co naa mɛmma bɔ̀tàán koesi, le tùú naa n cua hakio a ndu Mɛlɛka-o.

2Masaa 8:4

Tuma kon kpafii, masaa va suukanndo nda Kehasi, buɛi Elise-o. Ndóò ɲuna Kehasi le ndu dɛnnda kɔndɔfilta Elise tosa lan kpow dimullo.

2Masaa 5:1

Naaman va bolle vanaa cɔvaa masaa Aram ni. Vana vana ndɔ bɛndoo ndóò ce ɲia taw-vo o va ni, kani a ndu Mɛlɛka kei le Aramiia kpaayaa yɔngoo le yaamɔaa ndaa nɔlaa ni. Kɛ a tɔ́ɔ́ bɛndu ndóò nɔ kon-ndo kpow, nàà siaŋaa va ndu.

Kundalan 12:10

Mɛɛ kumnde faŋan dɔ́ɔ́ o cɛi-kola-toandaa-labɔɔŋianndo coo, mí pongan humbon fula Miriam kɔɔlen kpow maa nàà siaŋa, mí Aarɔn ca ndu a nàà vɔɔn kon.