2Masaa 7:10 - BII BILA

¹⁰ Má kɔa, má veelu vana pilɛ o kpalilaa va dio kobio kpalillo-a tɛɛn, má downun ndu kona aa: «N kɔɛ mí n luɛi o dɔ́ɔ́ngɔ́ɔ̀ Aramiia nin, kɛ n komal vana-vana lon te, n tui vɛlɛ vanaciee isɔɔ le. Soa a sofɛlɛa co a bayiaa, a mɛi cɛila-kolala-toandaalan lende yɛngɛsɛɛ.»

2Masaa 7:10 Referans Kwoze

Condii lisai 127:1

Condii fula o condun Salomɔn-ndon nin-nde, condii vannda keì solio nɛi-tɛɛn o kɔlan-nde. Te o co mì Mɛlɛka baŋ cɛiyo le, mɛɛ sanga fondo fúú vanaa co ndu cɔvɔɔ-a co ni. Te o co mì Mɛlɛka kanda kobio le, mɛɛ sanganndo fúú vanaa co ndu kandaa-a co ni.

2Masaa 7:11

Mí kpalilaa cumulaa dio-a yonda, mí vannda hiw sɔɛi kalɛi o cɛi lemasaa nin.

2Samiɛl 18:26

mí kpalilnɔɔ ca vɛlɛ vana celen hunɔɔ a kiltan. Mó yondal vana va dioo kandaa-o aa: «Tofa vɔ vana celen hunɔɔ vɛlɛ ndu pilɛ a kiltan!» Mí masaa mulul ndu aa: «A yoongula kɛndɛlan ndu co vɛlɛ hunɔɔ nuaa ni.»

2Masaa 7:9

O kon kɔɔli, má dimulan vellaa-velle aa: «O co dɛnɛ kɛndɛ le naa n co hoo tosaa le dɛ! Paalen nden hau, paale Yoongu kɛndɛlen le co ni. Te n lo pɛ meiyo nuaa, mì n lo cumndo háá mì paalen le sɛ, dɛnɛ palaa co naa tolɔɔ coo le ken. Lelan la hun n kɔnnun, mì n kɔ tiiyan yoongoo ho o cɛi lemasaa nin.»

1Dɛnnda lemasalan 15:18

O nda kɔɔli, leviaa celen va vɛlɛ lon nda ikɛi, kpalilaa cumulaa ladioa: Sakari, Bɛn, Yasiɛl, Semiramɔt, Yehiɛl, Unni, Eliab, Benaya, Maaseya, Matitia, Elifelehu, Mikneya, Obɛd-Edɔm a Yeiɛl.

1Dɛnnda lemasalan 16:38

Mó mɛi Obɛd-Edɔm, po Yeditun-ndo nda Hosa a puapilɛa ndaa n'van belaŋɔmpum a à ŋɔmaa (68) lon, le diolan cumullo.

2Dɛnnda lemasalan 23:19

Mí Yehoyada kɛsi kpalilaa cumulaa ladioa o diola luɛyaala Cɛi-Hala-o sondoo yɔŋii vanaa nɔɔlɛiya súúlan kpow ndáà luɛi.