2Masaa 7:1 - BII BILA

¹ Mí Elise dimi aa: «La tuei-yɔ sɔɛi Mɛlɛka-e! O dimi aa: ‹A telen vaa nuaa siɔdii, o lɔ́ɔ́ Samari nin, kpeyanndo vanin kiloo tɔ́ a lediin le volii támái ndii pilɛ, mì ɔrse ndu va kiloo bidiin a lehiɔɔlu le volii támái ndii pilɛ.›»

2Masaa 7:1 Referans Kwoze

Yosue 3:5

Mí Yosue dimul vannda aa: «La dindin, kani Mɛlɛka tosanin dɛnnda kɔndɔfiltan niaa tɛɛn siɔdii.»

Fulaa 16:12

«I tuei sɔɔn pɔmbɔn Israɛlla soo-on. Lelan, soo o nda lo mà dimul nda aa: ‹Cɔɛllɛn, la co vision dio, mì la de vɛlɛ ɲɛdiaa siɔdii. O kon la sinanin maa ya co Mɛlɛka ni, Hala niaa pɛɛn.›»

Esekiɛl 37:4

Mó dimul-la aa: «Tɛɛnguu diom Hala-o o paalan-ndan coo. Dimul tan aa: Niaa paala vesɛilan sei, la yaŋ-ndɔ nilan o sɔɛi Mɛlɛka-e.

1Samiɛl 11:9

Má dimul kiilaa fula Yabɛs o tàndá Kalaad-o nin-nda aa: «La kɔ dimul puapilɛa niaa aa: ‹Siɔdii, lɔ́ɔ́ pá mì paalen le tiiyaa o pol, la sɔlanin baŋaa.›» O kon, mí kiilaa kan kɔ dimul vannda Yabɛs diom kɛndɛ kon, má dɔawnun ɲaale taw.

Fulaa 14:13

Mí Moise mulul nda aa: «La yɔŋ isiòòn te. La sim yili mì la mɛɛndan. La canin hau mɛɛ Mɛlɛka co niaa ciindiaa yɛ. Esiptea niaa co haa cɔu sisa-a, la ci lɛnin nda le fɛɛn a fɛɛn te.

Condii lisai 46:5

Pee bɛndoo pum co, o tɛyun ndɔn co kobi Hala-o kɔllo nɛŋio-o, fonda diandaa-diandaa Hala-Hiow-Ɲɔɔn-Kpow-vo-o.

Fulaa 8:23

N bɛnda mì n kɔɛ kɔla palɛi yaa o lɛŋnde veselɛilen nin, mì n kɔ solul Mɛlɛka Hala naa sálàá lon mɛɛ ndu pila cɔmnin naa falenndon yɛ.»

2Masaa 20:16

O kon mí Esai dimul Esekia aa: «Tuei-yɔ diom Mɛlɛka dimi-o:

Dɛnnda cɔɔmuanndan 6:6

Mí tuɛi diomndo pum ɲaa yoomaa hiɔɔlua tɛɛn, mó dimi aa: «Maalon panio ca le sala vali paale pilɔɔ, ɔrse panio leyàá le sala vali paale pilɔɔ, cuɛiyan a mɔiyan man, pilan man te.»

2Masaa 4:42

O telen kon nin, mí langbanɔɔ pum can o lɛŋnde Baal-Salisa len nin, mó hun. Mó cuu vana-tɛɛngaa-diom Hala-o bulula ɔrselan bidiin, a yasala n'malta ɲululan o bɔlɔɔ nin. Mí Elise dimi aa: «Yɔngu vannda ha mà de.»

Nsaŋ 6:9

«Poombɔɔ pum nɔ bulula ɔrselan nanu tan ŋuɛɛnu a suwva nda ŋiɔn, kɛ kan co ɲɛ-ɲɛ le sɛ́lɛ́ bɛndu vaa nuaa le.»

2Masaa 6:25

Mí yima fofolama bɛnduan ma luɛi o kobio Samari nin. Mí tiila nda tiila nda kon-ndo kiandu Samaria coo háá mí bolle sofɛlɔɔ le tiiya vɔngoo volin latámán belaŋɔmaa, mí poola kangboo ɲɛ-pɔmbɔ la tiiyaa báà volin latámán mún ŋuɛɛnu.

2Masaa 6:33

O va vɔ nda sɔɛi ken dimullo, mí kiilanɔɔ tiiya o ndu lo, mó dimul ndu aa: «Mɛlɛka tuisi dɛnnda palaalan ndan kpow naa coo ni. Vɛ̀ɛ̀ ya nɔla yɛ vɛlɛ mì tiindan ndu Mɛlɛka?»

Esai 1:10

Niaa vanaa bɛndua Sodɔm, la yaŋ nilan o sɔɛi Mɛlɛka-e! Niaa vanaa co Komɔr-a, la yaŋ nilan o tɔŋ Hala naa!

1Masaa 22:19

Mí Misee dimi vɛlɛ aa: «Tuei-yɔ niko diom Mɛlɛka dimi-o. A toɲa, i ce Mɛlɛka icali o kpɛŋɛ ndɔ lemasaa nin o halataala, vanaa ndɔa baalaa va isisi ndu ikɛi, a va a balaa sɔ́ o ba kɛndɔɔ coo a o ba mɛllo coo.

2Masaa 7:16

Fɔ́ɔ́fɔ̀, mí vannda Samari kɔa o dɔ́ɔ́ngɔ́ Aramiia mɛi má ɲaanun-ndo nin, má yunga ndu kpede. O kon, mí vannda piandu kpeyanndo kiloo tɔ́ a lediin le volii támái ndii pilɛ, mí ɔrse ndu va kiloo bidiin a lehiɔɔlu le volii támái ndii pilɛ, maa mɛɛ Mɛlɛka ndóò dimi yɛ.

1Samiɛl 15:1

Mí Samiɛl dimul Saul aa: «Ya Mɛlɛka vem sindɛ le nɔm pɔlaa ma siŋnun masaa vanaa ndɔa coo ni, Israɛlla pɛɛn. Lelan yaŋ-ndɔ nilan, ma tuei ɲɛ Mɛlɛka kalaa dimi-o.