2Masaa 6:9 - BII BILA

⁹ Mí Elise dimul masa Israɛlla aa: «La caa dɛ! La kei o fondaa ho nda le, kani vanaa cɔvaa Aramiia co lon.»

2Masaa 6:9 Referans Kwoze

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Dɛnnda cɔɔmuanndan 1:1

Dɛnnda viannannda cɔmnun Yeesu kpendekele lan la co o sɛbɔɔ ho nin ni. Hala cɔm ndu lan haliko mo cɔm buɛyaa ndɔa dɛnnda co hunɔɔ tosan o telen bingi bɛngu lan. Mí Krista viam mɛlɛkanɔ ndɔɔ o Nsaŋ buɛi ndɔ lo, haliko mo kɔ cɔm ndu lan.

2Masaa 6:12

Mí vana pilɛ o vanaa bɛndua va ndu o ba bɛngu-a tɛɛn mulul ndu aa: «Àá masaa! Suansuaannɔ kɛ́-kɛ̀ co naa tɛɛn te. Kɛ vana-tɛɛngaa-diom Hala co kon Israɛl lon-ndo, Elise pɛɛn, o tiwba mo kɔ hivul masaa sɔɔn n dimi hali o cɛi nɔm lɔlaa nin-ndon.»

2Masaa 4:27

Ndóò tiiyaa dɔ́ɔ́ Elise ikɛi nɛɛ o va o pembei coo-a, mó bii ndu pelon, mó del ndu o labɛngunin. Mí Kehasi hun le cuaa ɲindɔɔ, kɛ mí Elise dimul ndu aa: «Mal ndu, kani kɔl ndɔɔ co o mɔnɛi nin ni, Mɛlɛka vin ya dɛnɛ kalaa, o cɔm ya ɲɛ-ɲɛ a dɛnɔɔ ho o kɔɔ le.»

1Masaa 20:28

Mí vana-tɛɛngaa-diom Hala-o komal vɛlɛ masa Israɛlla, mó tɛɛngul ndu diom Mɛlɛka dimi-o aa: «Le tùú Aramiia dimi aa Mɛlɛka Hala n'pemboo ya co ni, kɛ i co Hala ladɛngbɛ loo, i malnin vanaa cɔvaa sɛ́lɛ́ bɛndua ndaa ha kpow nɔm o ba. O kon la sinanin maa ya co Mɛlɛka ni.»

1Masaa 20:13

Mí vana-tɛɛngaa-diom Hala-o pum kɔ dimul Akab masa Israɛlla aa: «Kámáá a ce vanaa cɔvaa co haa hunɔɔ sɛ́lɛ́ bɛndoo-a? Mɛlɛka dimi aa o co nda hau malɔɔ nɔm o ba. O kon n sinanin ni maa ndu co Mɛlɛka ni.»

2Masaa 4:1

Paale pum, mí vanalanɔ pum komal Elise. Vanalanɔ kon pɔnɔ ndɔ va vana pilɛ o kunda vanaa-tɛɛngaa-diom Hala-a pum nin, kɛ mí pɔnɔ kon vu. Mɛɛ o kɔɛ o Elise lo, mó ɲɔɔlu ndu aa: «Vana nɔm baalaa, o yɔŋnun pɔnɔ nuu-o vi, nduyɛ nɔm pila sina maa vana nɔ siòòŋii Mɛlɛka-e-o vana nɔm baala kon va ni. Vana naa n cua lɔ́ɔ́ kon kueo o ba-o hin le poaa nia ŋiɔnda biyɔɔ, le kɔlan nda siinguuo cɛa ndɔa.»

2Masaa 4:7

Mí cuaa kɔ downun Elise kona. Mí Elise dimul ndu aa: «Kɔ pisi cuɛima man, mà sala kuee pilaa. Ɲɛ co lo-o, la dɔwnun balo niaa poaa nɔmnda a kon.»

2Masaa 6:8

Tuma cɔwvo va masaa Aram tɛɛn nda Israɛlla-o, mó tundu nda simlacia ndɔa cɔwva, mó cɔm nɛɛ ndóò yeema mì vanaa ndɔa cɔwva ndáà kila dɔ́ɔ́ngɔ́ ndaa-a.

2Masaa 6:10

O kon, mí masa Israɛlla viam vannda le kɔlan fɛfɛlaa o fonda vana-tɛɛngaa-diom Hala-o ndóò dimul ndu kon-ndo. Dɛnɛ kon va tosanndo cuɛi-cuɛi, Elise va kɔlan masa Israɛlla dimullo, mí ndu masaa bɛɛ va kelaa a taasi.

Yeremi 11:18

Mí Mɛlɛka cɔm ya dɛnɛ kon, mí bii ndu bila. O kon mó cɔm ya kela nda co-o.

SƐBƐ YƆB-O 5:12

Ndu tɛɛmbuu tuula vanaa kɔlkalu vɔɔnda ni, mì kɛɛsuula ndalan la laasian nda o ba.

Condii lisai 33:10

Mɛlɛka cii tuula vanaa-mangalaa-isɔɔa puusiaa, mó tɛɛmbuu kɛɛsuula vannda súúla celennda.

Talelan 22:12

Hɔlta Mɛlɛka lan la co sinapɛngoo kandaa, kɛ o co sɔɔn vanaa huiyaa n'vannda kɛɔ.