2Masaa 6:12 - BII BILA

¹² Mí vana pilɛ o vanaa bɛndua va ndu o ba bɛngu-a tɛɛn mulul ndu aa: «Àá masaa! Suansuaannɔ kɛ́-kɛ̀ co naa tɛɛn te. Kɛ vana-tɛɛngaa-diom Hala co kon Israɛl lon-ndo, Elise pɛɛn, o tiwba mo kɔ hivul masaa sɔɔn n dimi hali o cɛi nɔm lɔlaa nin-ndon.»

2Masaa 6:12 Referans Kwoze

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Esai 29:15

Dɛnɛ palaa co le vanaa co tulaa ndalan vionɔɔ-a, vanaa co lan Mɛlɛka vinndo-a pɛɛn. A co dɛnnda ndalan tosaa o ɲumndan nin, a co dimio aa: «Nɛ̀ɛ́-nɛ̀ co yɛ naa cɔu? Nɛ̀ɛ́-nɛ̀ sina yɛ naa nɛ?»

Vana Kɔlkaloo 10:20

Hali nɔm o kɔl, congu masaa le, dɔaw vana ɲɛ-sɔlaa danga o nɔm ndo cɛinin te, yɔŋii yow co kelaa coocoo-o kɔ hivul ndu sɔɔn mun, mí ɲɛ nɔ kumbanndan-ndo kɔ tɛɛngul ndu sɔɔn n dimi-on.»

2Masaa 5:3

Paale pilɛ, mí cuaambɔɔ dimul cua o va kon o ba o cɛlen nin-ndo aa: «Àá! Te vana ni bɛndoo ndóò sɔɔnguu pɛ vana-tɛɛngaa-diom Hala-o Samari ikɛi, o va ndu singi a nàà siaŋaa ho.»

2Masaa 5:8

Elise, vana-tɛɛngaa-diom Hala-o tueyɔɔ maa masaa Israɛl sɛɛsian volɔɔlan lekɔɔ, mó viam kiilaa le ndu kɔlan ɲunaa aa: «Le kɔlɔ yɛɛ nɛ n sɛɛsian yɛ volɔɔlan lekɔɔ? Langbanɔ kon hún o ya lo. O sinanin maa vana-tɛɛngaa-diom Hala-o co o lɛŋnde Israɛl-ten nin.»

Fulaa 8:3

Mí vanaa mangalaa Esipte bɛɛ a tosa dɛnɛ kɔndɔfili kon a kpaaya nda mangalaa. Má soli ŋɔɔŋɔɔnda, mí ŋɔɔŋɔŋaa kan hel o kɔngɔ o lɛŋnde Esipte len coo.

2Masaa 6:11

Mí kɔndɔfili bɛndoo bii masaa Aram, mí kɔllo hiilun ndu. Le hee, mó veelu vanaa bɛndua va ndu o ba bɛngu-a kpow, mó dimul nda aa: «Vɛ̀ɛ̀ la cɔɔmuu vana co suansuannden tosaa le masaa Israɛl o naa tɛɛn-ndo le?»

2Masaa 6:13

O kon, mí masaa Aram dimi aa: «La kɔ mì la kɔ tofa nɛɛ o co-a, haliko mi vem vannda, mà kɔ bii ndu.» Má hun downun ndu kona aa: «Elise co Dotan.»

2Masaa 5:26

Kɛ mí Elise dimul ndu aa: «Kɔl nuu va lon telen langbanɔɔ pum va tolɔɔ o ɲɛ ɲaanan ndɔ soa nan-ndo coo le nɔm bɔŋaa-o. Vɛ̀ɛ̀ telen biyaa lavolɔɔ a telen biyaa n'volio co hoo ni? Sisa a sɔla volion le nakɔla olivieelan a nakɔla n'rɛsɛnndan piondɔɔ a mun, le cɔlua pɔmbɔa a cɔlua bɛndua piondɔɔ a mun a le cɛa piaandua a cɛa laandua piondɔɔ a mun.

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

Esai 8:10

La tuu dɛnndan taw le tosaa, kɛ tuula lan la co cuvɔɔ laasian. La dimi sɔɔn, kɛ sɔɔn mun tosannin te. Kani Hala co a naa latulu.