2Masaa 6:1 - BII BILA

¹ Paale pilɛ, mí kunda vanaa-tɛɛngaa-diom Hala-a dimul Elise aa: «Tofa vɔ, fonda naa n co hoo icali naa niaa-o dɔɔnan bɔɔ a naa.

2Masaa 6:1 Referans Kwoze

2Masaa 2:3

Mí vanaa-tɛɛngaa-diom Hala va Betɛl-la fula Elise bɔŋa, má ɲuna ndu aa: «A sina pá maa Mɛlɛka co hau vana nɔm bɛndoo faŋa nɔm ikɛi mò heelu ndu o halataala?» Mó muli aa: «Oi, ya bɛɛ i sina nihau, niaa meinun tuŋ!»

2Masaa 4:1

Paale pum, mí vanalanɔ pum komal Elise. Vanalanɔ kon pɔnɔ ndɔ va vana pilɛ o kunda vanaa-tɛɛngaa-diom Hala-a pum nin, kɛ mí pɔnɔ kon vu. Mɛɛ o kɔɛ o Elise lo, mó ɲɔɔlu ndu aa: «Vana nɔm baalaa, o yɔŋnun pɔnɔ nuu-o vi, nduyɛ nɔm pila sina maa vana nɔ siòòŋii Mɛlɛka-e-o vana nɔm baala kon va ni. Vana naa n cua lɔ́ɔ́ kon kueo o ba-o hin le poaa nia ŋiɔnda biyɔɔ, le kɔlan nda siinguuo cɛa ndɔa.»

1Masaa 20:35

Tuma kon, mí vana-tɛɛngaa-diom Hala-o pum dimul caan ndɔ vana-tɛɛngaa-diom Hala-o aa: «Mɛlɛka dimi aa nɔm lɔɔ ya.» Kɛ mí caan ndɔ kalaa kɛɛ le ndu lɔɔ.

1Samiɛl 19:20

Mí Saul viam vɛlɛ kiilaa le kɔlan David biyɔɔ. Kɛ a komal vanaa-tɛɛngaa-diom Hala-a kundaa kpilin, a va diom Hala-o tɛɛnguuo, Samiɛl va nda bollen ni. Mí kɔl Mɛlɛka-o luɛi kiilaa Saul vem kan-nda nin, mí nda bɛɛ kandu diom Hala-o tɛɛnguuo.

Yosue 19:47

Kɛ vanaa fula o polale Dan-nden nin-nda tiwba le lɛŋnde ndalen hiɔlɔɔ le. Le hee, má kuel Lesɛm a cɔwvo, má bii kobi kon, má diw vanaa va lon-nda kpow a mɔɔn cɔwvon. Mɛɛ nda cii kobi kon biyɔɔ, má cal lon, má ke kobi kalaa diola fuɲa nda mamaa aa Dan.

Yosue 17:14

Mí poaa Yosɛf-a soaa o Yosue lo, má ɲuna ndu aa: «Le yɛɛ nɛ n yɔngu yɛ naa lɛŋnden bungɛi ndii pilɛ kpé? Nduyɛ, Mɛlɛka dɔw naa duaa, mí n kui taw?»

SƐBƐ YƆB-O 36:16

Nɔm bɛɛ, o soli nɔm o pɛŋnden nin, mó kuilu nɔm ɲɛ-ɲɛ co ɲɛ kɛndɔɔ. Ɲɔɔn taw n va nɔm o ba, ɲɛm dian kɛndɛ-kɛndɔn kposon va o nɔm ndo ni.

2Masaa 4:38

Mí Elise muungu Kilkal, nduyɛ yiaan ma va o tàndà kon nin a telen kon. Mí Kunda vanaa-tɛɛngaa-diom Hala-a pum sɔɔnguu ndu ikɛi. Mó dimul buɛi ndɔɔ aa: «Handu kpɛɛnɛi bɛnduei o yin, mà yowlu naa mbooyaa.»

Hebreea 11:34

Má ɲumi kpaaya leyinndo, má hialun mɔɛi cɔwve, má deli a nààlan, má siangu. Telen lacɔwvo, má yɔŋnun vanaa dialun kalaa, má toaw vanaa cɔvaa va nda hinullo-a.

2Masaa 6:2

Lelan cɛl mì n kɔɛ Yurdɛn o peelo, mí vana-vana o naa tɛɛn cua pɛngɛi pilɛ, mì n tangulun fonda calaa lon.» Mí Elise mulul nda aa: «Ava, la kɔ.»

2Masaa 2:5

Mí vanaa-tɛɛngaa-diom Hala-a va Yeriko-a sɔɔnguu Elise ikɛi, má ɲuna ndu aa: «A sina pá maa Mɛlɛka co hau vana nɔm bɛndoo faŋa nɔm ikɛi mò heelu ndu o halataala?» Mó muli aa: «Oi, ya bɛɛ i sina nihau, niaa meinun tuŋ!»

2Masaa 2:7

Mí vanaa-tɛɛngaa-diom Hala-a fula kundaa n'van beleŋuɛɛnu, má kɔa nda kɔɔli. Elii nda Elise simndan o peo Yurdɛn kɔngɔ, mí vanaa kan nda sim tiŋ kɔɔli-kɔɔli.

2Masaa 2:15

Mɛɛ vanaa-tɛɛngaa-diom Hala-a va Yeriko-a ce Elise kɔɔli-kɔɔli, má dimi aa: «Kɔl Elii-o tol Elise coo!» Má kɔa ndu bɔŋaa, má tundun ndu o labɛngunin háá lɛŋ.