2Masaa 5:8 - BII BILA

⁸ Elise, vana-tɛɛngaa-diom Hala-o tueyɔɔ maa masaa Israɛl sɛɛsian volɔɔlan lekɔɔ, mó viam kiilaa le ndu kɔlan ɲunaa aa: «Le kɔlɔ yɛɛ nɛ n sɛɛsian yɛ volɔɔlan lekɔɔ? Langbanɔ kon hún o ya lo. O sinanin maa vana-tɛɛngaa-diom Hala-o co o lɛŋnde Israɛl-ten nin.»

2Masaa 5:8 Referans Kwoze

Rɔmnda 11:13

I co niaa dimul, niaa co N'Yuifi le-a, maa kiilaa le vanaa co N'Yuifi le-a ya co ni. Lelan, i naŋ kɔl le baala kennun ya kon-ndo.

Osee 12:13

Mí Yakɔb ndóò ɲaanun lɔ́ɔ́ kon, mí ndóò kɔannun Aram, mí Israɛl tosa baalaa le lanɔɔ sɔlaa, mó manda cɔlua le lanɔɔ sɔlaa.

Esekiɛl 2:5

I sinà maa vanaa nila kalua kposon nda co ni. Lelan, a yaŋ lani, a yaŋ lani le, a sinanin maa vana-tɛɛngaa-diom Hala-o co nda tɛɛn.

2Masaa 5:15

Mí Naaman muungu nda vanaa va ndu kɔɔli-a kpow o vana-tɛɛngaa-diom Hala-o lo. Ndóò tiiyaa, mó dimul ndu aa: «I sina o laan maa o lɛŋnden kpow coo, hala celen co o Hala Israɛlla kɔɔli le. Lelan cɛl ɲɛ ya buɛi nɔmndo cuu nɔm-ndo.»

2Masaa 5:7

Masaa Israɛl ciiyo dɔ́ɔ́ sɛbɔɔ tofaa, mó sɛɛsian volɔɔlan lekɔɔ, mó deŋi aa: «Mò va maa ya co Hala le vannda diyɔɔ a le nda mingio yoomu ni? Vɛ mó vim ya vanndo le ndu singio a nàà siaŋaa? Vannda la ce isɔɔ nɛ? Kela tandaa daama hoo cɛn ya kɔɔli nuaa ni!»

2Masaa 5:3

Paale pilɛ, mí cuaambɔɔ dimul cua o va kon o ba o cɛlen nin-ndo aa: «Àá! Te vana ni bɛndoo ndóò sɔɔnguu pɛ vana-tɛɛngaa-diom Hala-o Samari ikɛi, o va ndu singi a nàà siaŋaa ho.»

2Masaa 1:6

Má mulul ndu aa: «Langbanɔɔ pum naa n bɔŋan ni, mó dimul naa aa: ‹La kɔ, la muungu o masaa vem niaa-o lo, mì la kɔ dimul ndu aa: Diom Mɛlɛka dimi-o co hoo ni aa: Mò va maa Hala co o lɛŋnde Israɛl-ten nin te, le kɔlan Baal-Sebub, hala kobio Ekrɔn ɲunaa? Lelan kpele n hini hoo coo-o, a tul-lɛnin lecoo le few, vuo n co ni kangalan!›»

1Masaa 17:24

Mí cua kon dimul Elii aa: «I laalan nihau lekɛ́ndɛi maa vana-tɛɛngaa-diom Hala-o n co ni, toɲaa kpeekpei sɔɛi Mɛlɛka-i co nɔm fulaa o sondo-e co ni.»

2Samiɛl 3:31

Mí David dimul Yoab a vanaa va ndu kɔɔli-a kpow aa: «La sɛɛsiaa volɔɔla niaalan, mì la vownun volɔɔla yuululan le Abnɛr caŋndo.» Masaa David pila va kɔlan sángá ndáà heelu Abnɛr coo-o kɔɔli.

Fulaa 11:8

Mí Moise cɔɔlu vɛlɛ dimi aa: «Paale len le tiiya pɛ, vanaa baalaa nɔmnda ha kpow a hunnin, mà del-la o labɛngunin, mà dimi aa: ‹Cua vanaa nɔmnda mì la kɔɛ›. O kon, i cuanin nda mì n kɔɛnnun.» Mí Moise fula o Faraɔnnɔɔ lo a kɔltuwvo taw.

1Samiɛl 9:6

Mí buɛi kon mulul ndu aa: «Vana-tɛɛngaa-diom Hala-o pum co o kobio ho nin, o fula tɔ́ɔ́ taw. Ɲɛ-ɲɛ o dimi pɛ, mɛɛ mo tosan lekɛ́ndɛi. N kɔ vɔ hau o ndu lo, bɔɔle mo cɔm naa nɛi naa n bɛnda mì n kɔɛ coo-o.»

1Masaa 12:22

Kɛ mí Hala dimul Semaya, vana-tɛɛngaa-diom Hala-o aa:

2Masaa 5:9

Mí Naaman kɔa a soa ndɔa a á ɲɛ ndɔ ɲaanan soa nan-ndo, mó kɔ sim o cɛi Elise-o sondoo.