2Masaa 5:7 - BII BILA

⁷ Masaa Israɛl ciiyo dɔ́ɔ́ sɛbɔɔ tofaa, mó sɛɛsian volɔɔlan lekɔɔ, mó deŋi aa: «Mò va maa ya co Hala le vannda diyɔɔ a le nda mingio yoomu ni? Vɛ mó vim ya vanndo le ndu singio a nàà siaŋaa? Vannda la ce isɔɔ nɛ? Kela tandaa daama hoo cɛn ya kɔɔli nuaa ni!»

2Masaa 5:7 Referans Kwoze

1Samiɛl 2:6

Mɛlɛka yɔngù piɔ́mndo ni, ndu koni yɔngù yoomoo ni. Ndu tuisi vana ciee-piɔ́m ni, ndu koni soli vɛlɛ vana ciee-piɔ́m ni.

1Masaa 20:7

O kon mí masa Israɛlla veelu kaasoŋaa kɔlkalua lelɛŋnda kpow, mó dimul nda aa: «Niaa kpede la dɔ́w taasi maa langbanɔɔ ho nɔ yiyan kɛndɛ a naa le. O vim ya kiilaa le laandaa nia, poaa nia, volin nun a sianin nun ndu yɔngoo, nduyɛ i tuŋ ndu ɲɛ-ɲɛ le.»

O Kandɔɔ 30:2

Mí Yakɔb tambu kɔl a ndu, mó ɲuna ndu aa: «Mò va maa o fonda Hala-o ya co ni? O co Hala le tuŋ nɔm violɔɔ le?»

Tɔŋ miingua 32:39

Lelan, la sina maa ya co Hala ni, maa hala celen co o ya kɔɔli le. Ya yɔngù piɔ́mndo ni, ya yɔngù yoomoo ni. Ya boli vana ni, ya koni singi vana ni. Vana-vana nɔla mò hɛlu ɲɛ-ɲɛ ya o ba le.

Luke 11:54

A va nɛilan nuwviaa, haliko mi ndóò biinun o sɔɛi ndɔɛi nin.

Osee 6:1

«La hun mì n muungun Mɛlɛka o ibuŋ! Kani ndu lɔɔ naa ni, kɛ o co naa cɛw. Ndu booluu naa ni, kɛ o co pavii nɛi holiholi.

Daniɛl 2:11

Ɲɛ n co ɲunaa-o kendu taw. Vanaciee oo vanaciee nɔla nɔm mulio yɔngu le, fɔ halaa, a fonda nda calaa co vanndacieea tɛɛn te-a.»

Dɛnnda kiilaa 14:14

Kɛ Barnabas nda Pol tueyɔɔ sɔɛi ken, má sɛɛsian volɔɔlan lekɔɔ, má luɛi sɛ́lɛ́ kon tɛɛn, má yonda aa:

Matie 26:65

O kon, mí bolle vanaa-solia-lasálàá sɛɛsian volɔɔlan lekɔɔ, mó dimi aa: «O dimi sɔɛi tana-i a Hala. Ɔ́ɔ̀ seyaa naa n co vɛlɛ ɲuna le hee-a? Kámáá niaa pila langa tuei mɛɛ o dimi sɔɛi tanɛi a Hala yɛ! Ɔ́ɔ̀ yiyan niaa?»

Yeremi 36:24

Mí masaa nda vana ndɔa baalaa kpow a tuɛi sɔɔn mun, kɛ siòòŋii bii vana-vana le, vana-vana mɔnɛi bii mó sɛɛsian doma lekɔɔ le.

2Masaa 18:37

O kon mí Eliakim po Hilkiya-o, ó va simlacinɔ cɛi lemasaa-o, Sɛbna vana sɛvaa a Yoa po Asaf vana mandaa lasɛbɔɔ hun o masaa Esekia lo a volɔɔla sɛɛsiɛilan lekɔɔ, má downun ndu kona a sɔɔn bolle vanaa yɔngù masaa Asiri mɔiyan-nda ndóò dimi mún-ndon kpow o kɔɔ.

2Masaa 11:14

Ndóò mɛɛndianndo, mó ca masaa isisi o sungbulen ikɛi nɛɛ masaa dema lasisi-a, simlacia a vanaa hɔŋaa labulua va ndu ikɛi kpɛɛlun. Mí vanaa va lon-nda kpow a dɔawnun ɲaale, mí vanaa hɔŋaa labulua va bululan hɔŋndo. Mí Atali sɛɛsian volɔɔlan lekɔɔ, mó dimi aa: «A yii ya dúmbú! A yii ya dúmbú fɔ́!»

Tɔŋ miingua 32:29

Bau te ndáà nɔ pɛ kɔlkaloo, ndáà biinin dɛnɔɔ ho bila, ndáà dɔawnin ɲɛ co nda cumndo-o taasi.

Kundalan 14:6

Mí Yosue, po Nun-ndo a Kalɛb, po Yefune-o a sɛɛsiaa volɔɔla ndala cuɛinanndan, nda bɛɛ va o kunda vanaa kɔɛ suansuaannden o lɛŋnde len nin-nda tɛɛn.

O Kandɔɔ 37:29

Tuma Rubɛn muungu o soon kon-ndo, o komal lɛ Yosɛf lon te. Mí mɔnɛi bii ndu, mó sɛɛsiaa volɔɔla ndɔla cuɛinanndan.

2Masaa 5:6

Mó yoo masaa Israɛl sɛbɔɔ. Sɔɔn masaa Aram ndóò sɛva lenin-ndon yɔŋnun mun ni: «I vem Naaman o nɔm ndo, simlacinɔ vanaa niaa cɔwva o co ni, ó co kɔlan a sɛbɔɔ ho-o pɛɛn, haliko ma singi ndu nàà siaŋa co ndu-o.»

O Kandɔɔ 50:19

Kɛ mí Yosɛf dimul nda aa: «Siòòŋii bii niaa le. Mò va maa o fonda Hala-o ya co ni?

2Samiɛl 1:11

Mí David sɛɛsian volɔɔlan lekɔɔ, mí vanaa va ndu ikɛi-ya bɛɛ sɛɛsian volɔɔlan lekɔɔ.