2Masaa 5:2 - BII BILA

² Nduyɛ telen pum, mí Aramiia can o nda lo, má hun del lɛŋnde Israɛl-ten coo, má bii cuaambɔle laandulen lepum, má kɔannun a len. Mí le kɔ va lanɔɔ Naaman o ba o cɛlen nin.

2Masaa 5:2 Referans Kwoze

2Masaa 6:23

Mí masa Israɛlla ke nda ɲɛdiaa taw, má dia, má kol. O kon kɔɔli, mó mal nda kɔlan. Má muungun vana nda bɛndoo o ibuŋ. Kandɔɔ nin telen kon, vanaa cɔvaa Aramiia muungu lɛ o lɛŋnde Israɛl-ten nin te.

2Masaa 13:20

Mí Elise vu, má kumbu ndu. Vɔsi oo vɔsi, vanaa del vannda coo fulaa o lɛŋnde Moab len nin-nda va hunɔɔ vannda delɔɔ coo o lɛŋnde Israɛl-ten nin.

Condii lisai 123:2

Mɛɛ buɛyaa piaandua tofa vana nɔ nda baa coo-o nuaa yɛ, mɛɛ a laandua tofa vanalanɔ nɔ nda baa coo-o nuaa tuŋ yɛ, lende koni, n co Mɛlɛka Hala naa tofaa ni háá, mò tuinun naa iɲíí, mò mala naa.

Masaa kialaa n'yamaa 9:34

Diimandɔɔ icɔllo, mí Abimelɛk nda vanaa ndɔa piɔvan kundalan tan hiɔɔlu, má kɔ vionnun Sikɛm ciee-lekɔɔ.

2Masaa 5:3

Paale pilɛ, mí cuaambɔɔ dimul cua o va kon o ba o cɛlen nin-ndo aa: «Àá! Te vana ni bɛndoo ndóò sɔɔnguu pɛ vana-tɛɛngaa-diom Hala-o Samari ikɛi, o va ndu singi a nàà siaŋaa ho.»