2Masaa 5:16 - BII BILA

¹⁶ Kɛ mí Elise muli aa: «Te Mɛlɛka ya co hoo simndan o hɔl le ndu baalaa tosallo-o co yoomu, i biinin ɲɛ-ɲɛ le.» Mí Naaman baŋnun ndu lafi-lafi le ɲɛm mun biyɔɔ, kɛ mó kɛɛ.

2Masaa 5:16 Referans Kwoze

2Masaa 5:26

Kɛ mí Elise dimul ndu aa: «Kɔl nuu va lon telen langbanɔɔ pum va tolɔɔ o ɲɛ ɲaanan ndɔ soa nan-ndo coo le nɔm bɔŋaa-o. Vɛ̀ɛ̀ telen biyaa lavolɔɔ a telen biyaa n'volio co hoo ni? Sisa a sɔla volion le nakɔla olivieelan a nakɔla n'rɛsɛnndan piondɔɔ a mun, le cɔlua pɔmbɔa a cɔlua bɛndua piondɔɔ a mun a le cɛa piaandua a cɛa laandua piondɔɔ a mun.

2Masaa 5:20

mí Kehasi, buɛi Elise vana-tɛɛngaa-diom Hala-o dimin o kɔl nin aa: «Vana ni bɛndoo cɛl le ɲɛm Naaman Aramiinɔ hin mùn-ndon biyɔɔ le. Kɛ nduyɛ, te Mɛlɛka co yoomu, mɛɛ mì dem ndu, mì kɔ sɔla ndu ɲɛ pum o ba!»

2Masaa 3:14

Mí Elise dimi aa: «Le Mɛlɛka yoomaa, Mɛlɛka-Nɔ-Kpaayaa-Kpow-vo, o ya co baalaa tosallo-o, i co niaa mulul le bɛɛle ya nɔ le Yosafat masaa Yuda len. Te ndóò ve le ndu le, i ve bɛɛ nɔm saalan te, i ve nɔm tofa le.

Daniɛl 5:17

Mí Daniɛl cua sɔɛi, mó mulul ndu aa: «Manda ɲɛm-kéan nɔmndon, te kon te yɔngu vanaa celen ɲɛm nɔm kɛndɛn mun. Ya yɛ, i co nɔm sɛvaa ho tɛɛsial, mì cɔm nɔm kɔlɔ ndɔɔ.

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

2Korɛntea 12:14

I cii nin bɛɛndian le niaa kɔlan yilɔɔ, kɔla yàándɔlan la vanin ndan ni. I venin o ba vana bɛngu le. Kani o co bolofaa niaa le ya co nuwviaa le, kɛ niaa pila. Kani, o co cuawva le a cuungiaa volion le kala-ncuawva le, kɛ kala-ncuawva a cuungiaa mun le cuavaa ndaa ni.

1Korɛntea 6:12

La co dimio aa: «I nɔ dí mì tosa dɛnndan kpow.» I co toɲa, kɛ o co dɛnndan kpow le la mala vana le. I dimul-lɔ niaa: «I nɔ dí mì tosa dɛnndan kpow, kɛ i cɛl mì yeemɛi kɛ́-kɛ̀ i siinguu ya cɛ le.»

Matie 10:8

La singí vanaa lanàá, la mingí vanvílɛ́iya yoomu, la singí vanaa nàà siaŋaa mi la tow ɲinaa vɔɔnda vannda kɔɔli. La sɔla a vɔngu le, niaa bɛɛ la yɔ́ngu a vɔngu le.

1Masaa 18:15

Kɛ mí Elii dimul ndu aa: «Te Mɛlɛka co yoomu, Mɛlɛka-Nɔ-Kpaayaa-Kpow-vo, o ya co baalaa tosallo-o, fɔ mì kɔ cɔmnun hau Akab!»

1Masaa 13:8

Mí vana-tɛɛngaa-diom Hala kon mulul masaa aa: «Hali yɔngu bɛɛ ya bolofaa nɔmndo táláá pilɔɔ, i kuenin o nɔm ndo cɛinin te. I dinin ɲɛ-ɲɛ diaa mì kol o nɔm ndo le few.