2Masaa 5:1 - BII BILA

¹ Naaman va bolle vanaa cɔvaa masaa Aram ni. Vana vana ndɔ bɛndoo ndóò ce ɲia taw-vo o va ni, kani a ndu Mɛlɛka kei le Aramiia kpaayaa yɔngoo le yaamɔaa ndaa nɔlaa ni. Kɛ a tɔ́ɔ́ bɛndu ndóò nɔ kon-ndo kpow, nàà siaŋaa va ndu.

2Masaa 5:1 Referans Kwoze

Luke 4:27

Vanaa nàà siaŋaa va vɛlɛ taw Israɛl o palɛi Elise, vana-tɛɛngaa-diom Hala-o-e bɛngu, kɛ vana-vana o nda tɛɛn sɔla siongɔɔ le, fɔ Naaman Sirinɔ.»

Rɔmnda 15:18

Kani i diminin isɔɔ oo isɔɔ le, te o co sɔɛi Krista tosa o ya nin-nde le, sɔɛi o tosa mí vanaa co n'yuif le-a bii sɔɛi Hala-e yɛ. A sɔɛi sondoei a á dɛnndan o tosa ken

Talelan 21:31

Vana nɔlà mì vana toosiaa soa ɲɛkɛndɛi le paale cɔwlen, kɛ Mɛlɛka tosa ni mì vana nɔla yaamɔɔa o cɔwvo.

Ɛstɛr 9:4

Kani Mardosee ndóò nɔ fonda bɛndoo o cɛi lemasaa nin, mí diola ndɔlan la tiw o kobila leboltan kpow nin. Tɔ́ɔ́ ndɔɔ va hiovɔɔ laci a handɔnndo lecoo tuŋ.

Tɔŋ miingua 2:37

Kɛ n pilan lɛŋnde poaa Amɔn-nda le, n pilan fonda-fonda o pee pɔmbɔɔ Yabɔk kɔngɔ le, n pilan kobila co o pembon coo lan te. Fondala Mɛlɛka Hala naa dimul naa le mɛiyo lan kpow mí n mɛi lan ndon.»

Ɛstɛr 10:3

Mardosee Yuifinɔ va vana diinndɔɔ o masale Sɛrsɛs len nin ni. Yuifia ndáà nɔ bɛɛle Mardosee len taw-taw, ndóò hɛnan vɛlɛ vannda kpow. Kani o va baalaa le dɛnɛ kɛndɛ yungu ndɔɔ, mó va vɛlɛ sɔɛi le kɔlɲulu ndaa.

2Masaa 4:8

Paale pilɛ, mí Elise kei Sunɛm. Vanalanɔɔ pum va o ciee kon nin, vana bolofaa o va ni. Mí vanalanɔ kon veelu Elise le kɔlan ɲɛdiaa dio o ndu lo cɛinin. Kandɔɔ yɛnin paale len, lɔ́ɔ́-lɔ́ɔ̀ Elise ndóò kɔɛ pɛ kpengii ken, lon ndóò kɔa ɲɛdiaa dioo ni.

Fulaa 11:3

Mí Mɛlɛka yoola mí Esiptea ca Israɛlla ɲia taw-taw. Handɔɔ o kon coo, vana kúndàá bɛndoo Moise va o lɛŋnde Esipte len nin ni. Kandɔɔ a buɛyaa Faraɔnnɔɔ, kɔ bii a vanaa tɔ̀a Esipte kpede, ndáà nɔ bɛɛlen a Moise.

2Korɛntea 12:7

Kɛ nduyɛ, yɔŋii yongaa piɔ ya nin ca le kaamaala bɛndula ya ce o vunduan nin-ndan, mí sɔla sangaa o falon nin taw vana ca ko aa mɛlɛkanɔ Setana-o hun lɔɔ ya le ya kuunaa yɔŋii yongaa piɔ ya o n'dial ni.

Nsaŋ 19:11

Mí Yeesu muli aa: «A nɔ kpaaya kɛ́-kɛ̀ ya coo le, te o co mò kennun nɔm fulaa o halataala le. Lelan, vana mal-la nɔm o ba-o hiow tɛɛmbuu a nɔm.»

2Masaa 7:3

Vanaa nàà siaŋaa pum va nda hiɔɔlu o dio luɛyaa kobio sondoo. Má dimulan aa: «Le yɛɛ naa n co yɛ lou nanu háá mí n va piɔ́mndo cumndo?»

2Samiɛl 3:29

Màá sɔɛi piɔ́m ndɔɔ i va Yoab pila a yungu ndɔɔ kpow o lebol! Màá nààla kɔɔsinalan, te kon te nàà siaŋaa va vannda biyɔɔ lɔ́ɔ́-lɔ́ɔ̀ o yungu Yoab-o nin! Màá vanpiaandua o yungu kon nin a siŋnun vanaa vomulaa! Màá a va piɔ́mndo sɔlaa o mɔɔn cɔwvon bɛngu! Màá yima fofolan ma cúù nda kuee le!»

2Masaa 5:27

Nàà siaŋa va Naaman-ndo co nɔm biyɔɔ a polale nɔmnden kpede, mò va niaa coo le fɛɛn a fɛɛn.» O kon, mí Kehasi faŋan Elise ikɛi, mí nàà siaŋaa fula ndu, mí kɔɔlen kpow le siŋnun ndu lehumbu fo-fo maa fengbɔ.

2Masaa 5:2

Nduyɛ telen pum, mí Aramiia can o nda lo, má hun del lɛŋnde Israɛl-ten coo, má bii cuaambɔle laandulen lepum, má kɔannun a len. Mí le kɔ va lanɔɔ Naaman o ba o cɛlen nin.