2Masaa 4:4 - BII BILA

⁴ A yow lan pɛ lende, a luɛi o nɔm ndo cɛinin niaa poaa nɔmnda, la kindan dioo kɔɔli kpáŋ, a tala cuɛiyan o kpángàla lan nin. O pia ko a mingi kon ikɛi.»

2Masaa 4:4 Referans Kwoze

Matie 6:6

Kɛ nɔm, a va pɛ Hala piɛiyo, luɛi o nɔmndo cɛinin di-di, mà kindan dioo kɔɔli, mà piɛi Fuɲa nɔm o vionɔnndo nin-ndo. Fuɲa nɔm ca o vionnɔnndo nin-ndo yɔngunin nɔm ɲɛ n piɛi-yo.

Efɛsea 3:20

Màá Hala co dɛnnda bɛndulan tosaa, mò va bɛɛ hiovɔɔ piɛile naalen a yiyannda naalan coo mɛɛ kpaaya ndɔ co naa nin-ndo co yɛ-o, sɔla biiloo vanaa laalannda tɛɛn a Yeesu Krista o kɔɔ o telenndan kpow nin a le fɛɛn a fɛɛn! Amiina!

Dɛnnda kiilaa 9:40

Mí Piɛr soli nda kpow o dio, mó baŋ vulan, mó piɛi Hala. O kon kɔɔli, mó muli hɔlla nɛɛ vana vílɛ́i kon va-a, mó dimi aa: «Tabita, cɔn.» Mí Tabita kumbi hɔltan. Ndóò cɔu Piɛr, mó can, mó cal.

Nsaŋ 6:11

Mí Yeesu cua bululan, mó mal balikaa, mó piɔw vanaa va lon-nda lan. Mó tosa vɛlɛ lende a suwva.

Marke 5:40

Má muungu ndu mamɔɔ. O kon, mó soli nda, mó cua fuɲaa a kalaa cuaambɔɔ, mó cua vɛlɛ vanaa o hin kɔɔli-a, mó luɛi a nda nɛɛ cuaambɔɔ va-a.

Esai 26:20

Lelan, niaa co vanaa niaa-a, la kɔ, la luɛi o cɛila niaala lɔlaalan nin mì la kindan koŋndan niaa kɔɔli, la kɔ vionnun ndon le telen bingi háá mi kɔltuwvo ɲulul.

2Masaa 4:3

Mí Elise dimul ndu aa: «Kɔ o nɔm ndo bɛɛ, mà kɔ yow vanaa nia co bɛ́ɛ̀la pilɛlan-nda kpángàla fondolan o ba, yow lan taw-taw.

2Masaa 4:5

O kon, mí cua kon faŋan Elise ikɛi, mó muungu. Mó kɔ kindan dioo kɔɔli nda poaa ndɔa. Mí poaa ndɔa kan va ndu kpángàlan yɔngoo, mí ndu pila va cuɛiyan talaa lenin.