2Masaa 4:16 - BII BILA

¹⁶ Mí Elise dimul ndu aa: «A telenndo ho ɲinasiaŋ, a nɔnin hɔ́ɔ́ piaandoo o balan coo.» Mí cuaa dimi aa: «Ken i nɔla tosan te, vana ni bɛndoo! Nɔm vana Hala-o, hui ya buɛi nɔmndo le.»

2Masaa 4:16 Referans Kwoze

O Kandɔɔ 18:10

O kon mí o pilɔɔ dimul ndu aa: «A boondei he ɲinasiaŋ, i muungunin o nɔm ndo nanu, nduyɛ Sara laa nɔm co hɔ́ɔ́ piaandoo violɔɔ a telen kon.» Sara va nilan yaŋɔɔ o cɛi-kola-toandaa dio, mó tuɛi sɔɛi ken.

Luke 1:13

Kɛ mí mɛlɛkanɔɔ dimul ndu aa: «Siòòŋii bii nɔm te Sakari, kani piɛile nɔmnden le mulin. Elisabɛt laa nɔm vilulnin nɔm hɔ́ɔ́ piaandoo, mà ke ndu diolan aa Nsaŋ.

2Masaa 4:28

Mí cuaa mɛli yeelan kpélén, mó dimi aa: «Vana ni bɛndoo sei, mò va maa yáà piɛi nɔm hɔ́ɔ́ ni? Vɛ̀ɛ̀ mí yáà dimul nɔm aa hui ya le le?»

O Kandɔɔ 17:21

Kɛ a Isaak ya co hunɔɔ kpema nuu yii ni, po Sara laa nɔm vilulnin nɔm a boondei he ɲinasiaŋ-ndo pɛɛn.

Condii lisai 116:11

I va o sangaa nin mí dimi aa: «Vannda kpow, còòlan nda dimi ni.»

2Masaa 2:19

Mí vanaa va o kobio Yeriko nin-nda dimul Elise aa: «Vana bɛndoo, mɛɛ nɔm pila co cɔu nuaa yɛ koni, kobi naa ho naŋ o calle, kɛ nduyɛ, n nɔ mɛmma kolaama kɛndɛ le, lɛŋnden le niŋ vɛlɛ ɲɛ-ɲɛ le.»

1Masaa 17:18

Mí cua kon ɲuna Elii aa: «Yɛɛ nɛ co yɛ naa tɛɛn naa nɔm? Vɛ̀ɛ̀ le Hala hakila nilan cɔɔmullo n hin nanu ni haliko mi po nuu sɔla piɔ́mndo?»

1Masaa 18:9

Kɛ mí Obadia ɲuna ndu aa: «Haki yɛɛ nɛ ya tosa yɛ ma va ya malɔɔ Akab o ba, ya buɛi nɔmndo? Le ya diyɔɔ le n co ya yɔɔ lon nuaa le?

2Masaa 4:15

Mí Elise dimi aa: «Mɛɛ veelu vɔ ndu.» Mí Kehasi veelu ndu. Mó hun sim o dioo coo.

2Masaa 4:17

Mí cua kalaa cua folio, mó vialu hɔ́ɔ́ piaandoo o vɔsio pilɔɔ a telen pilɛ kon, maa mɛɛ Elise ndóò dimi yɛ kpafii.

1Masaa 17:24

Mí cua kon dimul Elii aa: «I laalan nihau lekɛ́ndɛi maa vana-tɛɛngaa-diom Hala-o n co ni, toɲaa kpeekpei sɔɛi Mɛlɛka-i co nɔm fulaa o sondo-e co ni.»