2Masaa 4:13 - BII BILA

¹³ Mí Elise dimul Kehasi aa: «Ɲuna ndu aa: ‹A co dɛnnda kɛndɛlan taw tosaa le naa. Lelan, yɛɛ nɛ n yeema yɛ mì naa n tosal nɔm? Vɛ̀ɛ̀ n soo le nɔm o masaa lo, te kon te o simlacinɔ vanaa cɔwva lo?›» Mí cuaa muli aa: «La balika, kɛ o va lende, vanaa nia tɛɛn ya co icali ni, ɲɛ-ɲɛ co ya lepɛŋ te.»

2Masaa 4:13 Referans Kwoze

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

Hebreea 13:5

La káolà volion mò hiow ɲɛ-ɲɛ fee le, kɛ la hinì kɔl a ɲɛm niaa nɔ-on. Kani Hala pila dimi aa: «I kɛɛnin nɔm te, i melnin nɔm te.»

Rɔmnda 16:6

Mì la yil-la Mari. O tosa bɔɔ baalaa le niaa.

Rɔmnda 16:2

haliko mi la bii ndu o Maalii nin maa mɛɛ niaa vanaa laalannda bɛnda le vana biyɔɔ yɛ. O kɛ́-kɛ̀ o yeema pɛ, la mala ndu le kon, kani o co vanaa bɔɔ-bɔɔ malaa, ya pila bɛɛ.

Condii lisai 37:3

Laalan Mɛlɛka, mà tosa dɛnɛ kɛndɔɔ. O kon, a calnunnin nila ɲulu o lɛŋnden nin, ma dɔwnun balo a vanakɛndɛyɛi.

2Samiɛl 19:13

Lelan mó dimul nda le nda tɛɛngullo aa: «Niaa co puapilɛa nia ni, niaa co vanayɛi nii kpeekpei ni. Lelan la vá vanaa mɛɛlaa le ya mingio o masale nilen coo le.

2Masaa 9:5

Ndóò tiiyaa, o komal simlacia vanaa cɔwva va icali nɛɛ pilɛ, mó dimi aa: «Vana bɛndoo sei! I nɔ isɔɔ le nɔm dimullo.» Mí Yehu dimi aa: «O naa ha kpow tɛɛn, ɔ́ɔ̀ vana kon?» Mó muli aa: «Nɔm kpeekpei ni, vana bɛndoo.»

2Masaa 8:1

Mí Elise dimul cua ndóò mingi po ndɔɔ yoomu-o aa: «Cɔn mì la faŋan nanu niaa yungu nɔmndo, mì la kɔ cal nɛɛ niaa tiwnin ba-a. Kani Mɛlɛka co yima fofolan tuisi o lɛŋnden nden nin háá le vɔsilan tan ŋɔmmɛw.»

1Masaa 2:32

Abnɛr po Nɛr va simlacinɔ vanaa cɔwva Israɛl-lo a Amasa po Yetɛr va simlacinɔ vanaa cɔwva Yuda-o pɛɛn. Vanaa ŋiɔŋaa kan ndáà hiow ndu sandei, ndáà va vɛlɛ fisa a ndu ni. Kɛ mó diw nda, fuɲa nuu sina le. Lelan Mɛlɛka co ndu pila màá kon mingi coo.

O Kandɔɔ 14:24

I yeema ɲɛ-ɲɛ nɔm te, fɔ ò langbaa felengia de-o. Langbaa liila ya-a yɛ, Anɛr, Ɛskɔl a Mamre pɛɛn, nda co o ndaa cua.»

2Masaa 4:12

Mí Elise dimul Kehasi buɛi ndɔ aa: «Veelul-lɔ ya cua Sunɛmnɔɔ ho.» Mó veelu ndu, mí cuaa kɔ sim o dio.

2Masaa 4:14

O kon mí Elise ɲuna Kehasi aa: «Yɛɛ kpeekpei vana tosa yɛ le cuaa ho?» Mí Kehasi muli aa: «Àá taanin! O nɔ hɔ́ɔ́ le, pɔnɔ ndɔ yɛ ndu yuuva nin.»