2Masaa 4:1 - BII BILA

¹ Paale pum, mí vanalanɔ pum komal Elise. Vanalanɔ kon pɔnɔ ndɔ va vana pilɛ o kunda vanaa-tɛɛngaa-diom Hala-a pum nin, kɛ mí pɔnɔ kon vu. Mɛɛ o kɔɛ o Elise lo, mó ɲɔɔlu ndu aa: «Vana nɔm baalaa, o yɔŋnun pɔnɔ nuu-o vi, nduyɛ nɔm pila sina maa vana nɔ siòòŋii Mɛlɛka-e-o vana nɔm baala kon va ni. Vana naa n cua lɔ́ɔ́ kon kueo o ba-o hin le poaa nia ŋiɔnda biyɔɔ, le kɔlan nda siinguuo cɛa ndɔa.»

2Masaa 4:1 Referans Kwoze

Matie 18:25

Le tùú ndóò nɔ ɲɛ le mun salaa loo, mí vana ndɔ bɛndoo dimi le ndu pila, laa ndɔ, cuavaa ndɔa a ɲɛ-ɲɛ ndóò ndɔ pisio, le kuee ndɔ kon salaa.

2Masaa 2:3

Mí vanaa-tɛɛngaa-diom Hala va Betɛl-la fula Elise bɔŋa, má ɲuna ndu aa: «A sina pá maa Mɛlɛka co hau vana nɔm bɛndoo faŋa nɔm ikɛi mò heelu ndu o halataala?» Mó muli aa: «Oi, ya bɛɛ i sina nihau, niaa meinun tuŋ!»

Dɛnnda cɔɔmuanndan 19:5

Mí diomndo pum fula a ba kpɛŋɛ lemasaa aa: «La lisà Hala naa, niaa kɛ́-kɛ̀ co vanaa ndɔa baalaa, niaa vanaa co ndu bɛɛlen keu-va, cuaambɔa a kaasonnda.»

Matie 18:30

Kɛ mó kɛɛ, mó kɔ mal caan ndɔ kon o kaasoo, mó lo lon háá mó cii kuee ndɔɔ sala.

Malasi 3:16

O kon, mí vanaa nɔ siòòŋii Mɛlɛka-e-a dimulan vellaa-velle aa: ‹Se Mɛlɛka yaŋ nilan, mó tuɛi. O kon mí sɛbɔɔ sɛvan ndu o hɔl le loonɔnndo a sɔɛi ken, le vanaa nɔ siòòŋii Mɛlɛka-e, má va ndu bɛɛlen keo-va.›

Condii lisai 147:11

Kɛ vanaa Mɛlɛka yeema-a co vanaa nɔ siòòŋii ndɔɛi, má va kɛndɛi ndɔɛi cumndo-a ni.

Condii lisai 103:17

Nduyɛ kabi sindɛ, háá le fɛɛn a fɛɛn vɛlɛ, Mɛlɛka vanin vanaa nɔ siòòŋii ndɔɛi-ya kaolaa. Taa bii pɛ kpema ndɔɔ, mà yiyan, mà bii silala ndɔlan. O tosalnin vɛlɛ cuavaa ndaa mamaa dɛnɛ sandaa.

Condii lisai 103:11

Kani mɛɛ halataalaa co coocoo nuaa lándán a lɛŋnden yɛ, lende koni kaola o nɔ le vanaa nɔ siòòŋii ndɔɛi-ya-o co o bɔɔ ni.

1Samiɛl 22:2

Handɔɔ o kon coo, mí vanaa va o sangalan nin-nda, vanaa kueelan la va coo-a a vanaa va a kɔlta tambɛilan-nda kpow a sɔɔnguu ndu ikɛi, a va le n'van kɛmɛ lehiɔɔlu. Mí David siŋnun simlacinɔ ndaa.

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Dɛnnda kiilaa 13:26

Puapilɛa nia, niaa fula o polale Abraham-nden nin, mí la nɔ siòòŋii Hala-e, mí la va naa tɛɛn nanu-a, naa Hala cuu sɔɛi cindɛi he ni.

Matie 18:35

Mí Yeesu dimi vɛlɛ aa: «Lende koni Fuɲa ni co o halataala-o tosanin a niaa ni, te la mel puapilɛa niaa haki a kɔlta niaalan kpow le.»

Yeremi 34:14

Mí yáà dimul nda maa nanu a vɔsilan laŋɔmmɛw, vana-vana bɛnda mò mal puapilɛ ndɔ Hebreenɔ ndóò pendu mí ndóò va cɛ ndɔɔ-o mò kɔɛnnun. Vana kon tosalnin nɔm vali lecɛo le vɔsilan laŋɔmpum. O kon kɔɔli, a mal ndu o kɔɛnnun. Kɛ fuɲaa niaa mamaa bii sɔɛi ken te, a yeŋnun bɛɛ ndi le.

Vana Kɔlkaloo 12:13

Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.

Vana Kɔlkaloo 8:12

Vana lahakio nɔla mò tosa dɛnɛ vɔɔndo háá bɛmbɔɔ kɛmɛ, mò viownun yoomu taw. Nuaa ndáà dimi ni aa: ‹Vanaa co Hala bɛɛlen keo-va a vanin o dɛnɛ kɛndɔɔ nin, kani a sinà kpaaya ndɔ lemasaa.

Nehemi 10:31

Mí yii kpemaa maa n bɛnda mì n kɛsi cuavaa naa laandua o nɔ̀lan vanaa súúla celeŋaa co o lɛŋnden nden nin-nda o ba le, n bɛnda vɛlɛ mì n cua cuavaa ndaa laandua o nɔ̀lan le poaa naa le.

Nehemi 7:2

Mí suili Hanani puapilɛ ni nda Hanania le hɔlten nɔu Yerusalɛm coo. Hanania kon va simlacinɔ cɛi vanaa cɔwva ni, Vana lo o lediom coo-o o va ni, ndóò nɔ siòòŋii Hala-e hiovɔɔ vanaa bɔɔ-bɔɔ coo.

2Masaa 4:38

Mí Elise muungu Kilkal, nduyɛ yiaan ma va o tàndà kon nin a telen kon. Mí Kunda vanaa-tɛɛngaa-diom Hala-a pum sɔɔnguu ndu ikɛi. Mó dimul buɛi ndɔɔ aa: «Handu kpɛɛnɛi bɛnduei o yin, mà yowlu naa mbooyaa.»

2Masaa 2:5

Mí vanaa-tɛɛngaa-diom Hala-a va Yeriko-a sɔɔnguu Elise ikɛi, má ɲuna ndu aa: «A sina pá maa Mɛlɛka co hau vana nɔm bɛndoo faŋa nɔm ikɛi mò heelu ndu o halataala?» Mó muli aa: «Oi, ya bɛɛ i sina nihau, niaa meinun tuŋ!»

1Masaa 20:35

Tuma kon, mí vana-tɛɛngaa-diom Hala-o pum dimul caan ndɔ vana-tɛɛngaa-diom Hala-o aa: «Mɛlɛka dimi aa nɔm lɔɔ ya.» Kɛ mí caan ndɔ kalaa kɛɛ le ndu lɔɔ.

1Masaa 18:3

Mí Akab veelu Obadia va simlacinɔ cɛi lemasaa-o. Obadia kon yɛ, ndóò nɔ siòòŋii Mɛlɛka-e taw-taw.

Tɔŋ lasálàá 25:48

o nɔ dí mò sɔla baŋaa o lendulɔn ndɔ kon kɔɔli. Puapilɛa ndɔa vana pilɛ bɛnda mò baŋa ndu.

O Kandɔɔ 22:12

Mí mɛlɛkanɔɔ dimul ndu aa: «Hol poombɔɔ baa le. Yɔŋ ndu ɲɛ-ɲɛ vɔɔn te. I sina nihau válán maa a nɔ siòòŋii Hala-e, kani a túŋ ya pole nɔmnde pilɛlen nden te.»

Condii lisai 115:13

o dɔawnin vanaa nɔ siòòŋii ndɔɛi-ya duaa, cuaambɔa a van-banaa kpede.

2Masaa 6:9

Mí Elise dimul masa Israɛlla aa: «La caa dɛ! La kei o fondaa ho nda le, kani vanaa cɔvaa Aramiia co lon.»

Esai 50:1

Mɛlɛka soo mó ɲuna aa: «Ɔ́ɔ̀ sɛbɛ lesei ya ke kala niaa le cɔmndo maa i kɛɛ ndu o nɔ̀u nin-ndo? Te kon te, o vanaa ya nɔ kueela ndalan-nda tɛɛn, ɔ́ɔ̀ vanaa ya pisi niaa ndu o ba-o? La tuei-yɔ, le yɔŋnda vɔɔnnda niaalan niaa pisin ni. Le hakila niaalan ya kɛɛ kala niaa ni.

Ruti 1:3

Kɛ mí Elimelɛk pɔnɔɔ Noemi vu, mó mɛi ndu a poaa ndɔa ŋiɔnda o labɛngunin.

2Masaa 2:7

Mí vanaa-tɛɛngaa-diom Hala-a fula kundaa n'van beleŋuɛɛnu, má kɔa nda kɔɔli. Elii nda Elise simndan o peo Yurdɛn kɔngɔ, mí vanaa kan nda sim tiŋ kɔɔli-kɔɔli.

2Masaa 2:15

Mɛɛ vanaa-tɛɛngaa-diom Hala-a va Yeriko-a ce Elise kɔɔli-kɔɔli, má dimi aa: «Kɔl Elii-o tol Elise coo!» Má kɔa ndu bɔŋaa, má tundun ndu o labɛngunin háá lɛŋ.

Talelan 22:7

Vanaa bolofaa o ba bɛngu vanaa bala fondoa co ni. Vana cua kueo-vo co cɛ vana o cua kueo o ba-o ni.