2Masaa 3:9 - BII BILA

⁹ O kon mí masaa Israɛl, masaa Yuda a hoo Edɔm a bii nɛiyo. Ndáà tosaa palɛi ndii ŋɔmmɛw o kɔlan nin, mí mɛnndan ma cuu nda o ba few le vanaa cɔwva a le cɔlua ndáà kɔɛ-a.

2Masaa 3:9 Referans Kwoze

1Masaa 22:47

Mó cii vanaa va suunda bilaa n'piɔmndo-a o lɛŋnden nin, áà lo o lɛŋnden nin telen Asa fuɲa ndɔ va masaa-o-a pɛɛn.

1Masaa 22:27

ma kɔ dimul nda aa ya laa a mal ndu o kaasoo, mà va ndu baloo dɔvɔɔ a buloo a á mɛnndan daama. A vá tosaa lende háá telen ya fulanin o cɔwvo mì muungu nanu kɛndia a kɔlɲuloo-o.»

Masaa kialaa n'yamaa 4:10

Mí Barak yoongu polale Sabulɔn-nden a polale Nɛftali len Kedɛs. Vannda vaalan tɔ́ fula le kɔlan ndu kɔɔli ni, má kɔa nda Debora.

Kundalan 33:14

má faŋan Alus, má kɔa Refidim, a komal mɛmma kólaa Refidim ndon te.

Kundalan 21:5

Má soaa sɔɔn vɔɔnndon a Hala nda Moise, má dimi aa: «Le yɛɛ niaa faŋa yɛ naa o lɛŋnde Esipte len nin mí la heelu a naa le naa diwvo o lɛŋnde veselɛilen-nden nin? Kani ɲɛdiaa co nanu le, mɛmma co vɛlɛ nanu le. Hali ɲɛdiaa imɔnɔɔ ho fula nin naa iyeema.»

Kundalan 20:4

Le kɔlɔ yɛɛ niaa hin yɛ a kunda Mɛlɛka-o o lɛŋnde veselɛilen nden nin? Vɛ̀ɛ̀ le naa diwvo a cɔlua naa niaa hin a naa ni?

Kundalan 20:2

Mɛmma kolaama ve lon te, mí Israɛlla cuungian, má simul Moise nda Aarɔn.

Fulaa 17:1

Mí Israɛlla kpow a faŋan o lɛŋnde veselɛilen Sin nin, má va kɔlan o pɔm-pɔmbɔ mɛɛ Mɛlɛka pila va nda nɛilan cɔmndo yɛ. Má kɔ kila dɔ́ɔ́ngɔ́ɔ̀ Refidim, kɛ a sɔla mɛmma kolaa lon te.

Fulaa 15:22

Mí Moise faŋan a Israɛlla o mɛmma makpɛ̀ndɛ̀ma man ikɛi, má kɔa a ba lɛŋnde veselɛilen Sur. Má kɔa o lɛŋnde veselɛile len nin háá palɛi ndii yáá, a ci mamɛn te.

Fulaa 11:8

Mí Moise cɔɔlu vɛlɛ dimi aa: «Paale len le tiiya pɛ, vanaa baalaa nɔmnda ha kpow a hunnin, mà del-la o labɛngunin, mà dimi aa: ‹Cua vanaa nɔmnda mì la kɔɛ›. O kon, i cuanin nda mì n kɔɛnnun.» Mí Moise fula o Faraɔnnɔɔ lo a kɔltuwvo taw.

2Masaa 3:1

O vɔsi tɔ́ a o ŋɔmaandɔɔ o masale Yosafat masaa Yuda len bɛngu, mí Yoram po Akab-o siŋnun masaa Israɛl, Samari o va icali ni. Mó tosa vɔsilan tɔ́ a latiɔn o masalen.

2Masaa 3:7

Mó viam kiilaa o Yosafat va masaa Yuda-o lo le ndu dimullo aa: «Masaa Moab simul-la, vɛ̀ɛ̀ a cɛl pá ma sɔɔnguu ya ikɛi le lɛŋnde ndɔlen kɔlan delɔɔ coo a cɔwvo?» Mí Yosafat mulul ndu aa: «I cɛl. Kani naa ŋiɔn ɲɛ pilɔɔ naa n co ni, ɲɛ pilɔɔ vanaa nɔmnda a vanaa nia co ni, ɲɛ pilɔɔ koni soa nɔmnda a á nia co ni.»

2Masaa 3:8

Mó ɲuna Yoram ndu aa: «Kɛ a nɛi kuɛɛ naa n co yɛ kei le heeloo?» Mí Yoram muli aa: «A nɛi kei o lɛŋnde veselɛilen Edɔm nin-ndo naa n keinin ni.»

2Masaa 3:10

Mí masaa Israɛl dimi aa: «Mbɔ̀ hee kendu a naa! Mɛlɛka veelu naa nanu naa masaa yáá-a ha le naa malɔɔ Moabua o ba nuaa ni.»

2Masaa 8:20

Tuma Yoram va kon masaa-o Edɔmnda simul masalen Yuda ni, mí nda pila hɛlulun masaa.

1Masaa 22:48

Tuma kon, masa ve o lɛŋnde Edɔm-nden nin te, masa ibunga masa bɛndu va Yuda-o ndóò suili-o daama va lon ni.