2Masaa 3:7 - BII BILA

⁷ Mó viam kiilaa o Yosafat va masaa Yuda-o lo le ndu dimullo aa: «Masaa Moab simul-la, vɛ̀ɛ̀ a cɛl pá ma sɔɔnguu ya ikɛi le lɛŋnde ndɔlen kɔlan delɔɔ coo a cɔwvo?» Mí Yosafat mulul ndu aa: «I cɛl. Kani naa ŋiɔn ɲɛ pilɔɔ naa n co ni, ɲɛ pilɔɔ vanaa nɔmnda a vanaa nia co ni, ɲɛ pilɔɔ koni soa nɔmnda a á nia co ni.»

2Masaa 3:7 Referans Kwoze

1Masaa 22:4

O kon mó ɲuna niko Yosafat aa: «Vɛ̀ɛ̀ a kɔanin ya cɔwvo mala Ramɔt co o tàndá Kalaad-o nin-ndo?» Mí Yosafat mulul ndu aa: «Oi, n siŋnunnin ɲɔɔ ndu pilɛ naa nɔm, vanaa nia baalaa a vanaa nɔmaa baalaa, soa nia a soa nɔmnda bɛɛ siŋnunnin ɲɔɔ ndu pilɛ.»

2Dɛnnda lemasalan 18:3

Mí Akab masa Israɛlla ɲuna Yosafat va masaa Yuda-o aa: «Vɛ̀ɛ̀ n kɔanin naa ŋiɔn le Ramɔt co o tàndá Kalaad-o nin-ndo delɔɔ coo a cɔwvo?» Mí Yosafat mulul ndu aa: «Naa nɔm, vanaa nɔmnda a vanaa nia, n kɔanin o cɔwvo latulu.»

2Dɛnnda lemasalan 19:2

mí Yehu vana-tɛɛngaa-diom Hala-o, po Hanani-o kɔa ndu bɔŋaa, mó ɲuna ndu aa: «Le yɛɛ nɛ n mala yɛ vana vɔɔndo ho? Vanaa Mɛlɛka nɛɛnun-nda nɔm kaola ni? Kɔltuw Mɛlɛka-o toalnin nɔm coo le ɲɛ n tosa hoo-o.

2Masaa 3:6

Tuma kon, mí masaa Yoram can Samari, mó hun mɛɛndian vanaa cɔvaa Israɛlla kpow.

2Masaa 3:8

Mó ɲuna Yoram ndu aa: «Kɛ a nɛi kuɛɛ naa n co yɛ kei le heeloo?» Mí Yoram muli aa: «A nɛi kei o lɛŋnde veselɛilen Edɔm nin-ndo naa n keinin ni.»

2Masaa 3:9

O kon mí masaa Israɛl, masaa Yuda a hoo Edɔm a bii nɛiyo. Ndáà tosaa palɛi ndii ŋɔmmɛw o kɔlan nin, mí mɛnndan ma cuu nda o ba few le vanaa cɔwva a le cɔlua ndáà kɔɛ-a.

2Masaa 13:20

Mí Elise vu, má kumbu ndu. Vɔsi oo vɔsi, vanaa del vannda coo fulaa o lɛŋnde Moab len nin-nda va hunɔɔ vannda delɔɔ coo o lɛŋnde Israɛl-ten nin.