2Masaa 3:11 - BII BILA

¹¹ Kɛ mí Yosafat ɲuna aa: «Vɛ̀ɛ̀ hali vana-tɛɛngaa-diom Hala-o pilɛ bɛɛ co nanu, o naa n kei kɔɔli le Mɛlɛka isɔɔ ɲuna le?» Mí simlacia va baalaa o masaa Israɛl-lo bɛ́ɛ̀-a o pilɛ muli aa: «Elise po Safat-o co nanu, ó va Elii mɛnndan cuuŋuuo o ba-o.»

2Masaa 3:11 Referans Kwoze

1Masaa 22:7

Kɛ mí Yosafat ɲuna aa: «Vɛ̀ɛ̀ vana-tɛɛngaa-diom Hala celen co nanu le Mɛlɛka ɲunaa le?»

1Masaa 19:21

Elise sɛyanndo nda Elii, mó kɔ bii navaa ndɔa váà kan nda ŋiɔn, mó soli nda sálàá, mó tuɛi visin ndan o yɔmii ndáà baa nda o lebol-le coo, mó yɔngu mun vanaa va lon-nda, má dia. O kon kɔɔli, mó del Elii kɔɔli, mó siŋnun vana baalaa ndɔɔ.

2Masaa 3:3

Kɛ ó va hakila Yeroboam po Nebat-o luei Israɛlla nin-ndan tosaa tuŋ, o mel-tan te few.

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Condii lisai 74:9

N co lɛ latɔɔmasele cɔ le. Vanaa-tɛɛngaa-diom Hala-a co lɛ le, nduyɛ o naa tɛɛn, vana-vana sina telen dɛnndan ndan la cuunin-ndo le.

1Dɛnnda lemasalan 15:13

Kani la ve nanu o tasendɔ le, mí Mɛlɛka Hala naa lɔaa naa, bau n cue ndu mɛɛ tɔŋnda ndɔlan la co yɛ le.»

1Dɛnnda lemasalan 14:14

Mí David piɛi vɛlɛ Hala. Mí Hala dimul ndu aa: «Ɲáánùn nda kɔɔli sanaa le! Muungu mà kɔ kiolu nda laci, mà kɔ fulal nda o bundɛ iyùúo dangalaa.

1Dɛnnda lemasalan 14:10

Mí David piɛi Hala, mó ɲuna aa: «Vɛ̀ɛ̀ o bɛnda pá mi kuel Filistia? A malnin pá nda ya o ba?» Mí Mɛlɛka mulul ndu aa: «Oi, kuel nda, i malnin nda nɔm o ba!»

1Dɛnnda lemasalan 10:13

Le tùú Saul kɛɛ lou o lediom coo a Mɛlɛka-o, le tùú o kɛɛ le tɔŋnda ndɔlan biyɔɔ, mó kɛɛ le Mɛlɛka ɲunaa, mó kɔ ɲuna vanaa soaa a vanvílɛ́iya-a-o,

2Masaa 2:25

Elise cɔnɔnndo lon, mó kɔa o pembei Karmɛl coo, cɔnɔnndo lon mó muungu Samari.

1Timote 5:10

mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.

Filipea 2:22

Kani niaa pila sínà mɛɛ Timote lo lediom coo a ya yɛ. Mɛɛ poo va fuɲaa ikɛi le ndu malaa nuaa yɛ, lende o co ya malaa le Yoongu kɛndɔɔ yondaa ni.

Masaa kialaa n'yamaa 20:23

O kon, mí vanaa cɔwva Israɛl sɔla vɛlɛ yoomuma sɛnɛi, má bɛɛndian, má kɔ ciŋilan nda nɛɛ ndáà ciŋilan nda o tasendɔ-a.

Masaa kialaa n'yamaa 20:18

O kon mí Israɛlla kɔa Betɛl, má ɲuna Hala le vanaa tasea va lakɔ o polama ndan tɛɛn le vanaa fula o polale Bɛnyamɛn-nden nin-nda delɔɔ coo a cɔwvo-a sinaa. Mí Mɛlɛka hɛli polale Yuda len.

Yosue 9:14

Mí Israɛlla bii ɲɛm dian ndan, kɛ a ɲuna Mɛlɛka le.

Yosue 1:1

Mɛɛ Moise vana baala Mɛlɛka-o vi, mí Mɛlɛka dimul Yosue po Nun-ndo, vana malaa Moise-o pɛɛn aa:

O Kandɔɔ 18:4

La cum ndɔ mì kɔ kondu niaa mɛnndan ɲɛ-pɔmbɔ le pelon pulɔɔ. La cii pɛ pelon pulɔɔ, la cal, la pɛngi o yɔmndo ho bɛngu.

2Masaa 3:10

Mí masaa Israɛl dimi aa: «Mbɔ̀ hee kendu a naa! Mɛlɛka veelu naa nanu naa masaa yáá-a ha le naa malɔɔ Moabua o ba nuaa ni.»

2Masaa 3:12

Mí Yosafat dimi aa: «Mɛɛ ɲɔɔ bɛnda, ndu tɛɛngulnin naa ɲɛ Mɛlɛka yeema le naa dimullo-o ni.» Mí masa Israɛlla, Yosafat a masa Edɔmnda kɔ komal Elise.

Yeremi 37:17

Paale pilɛ, mí masaa Sedekia viam vannda Yeremi veelu, mó kɔ ɲuna ndu o vionnɔnndo nin o cɛi ndɔ lemasaa nin aa: «Vɛ̀ɛ̀ Mɛlɛka dimul-lɔ nɔm isɔɔ le ya tɛɛngul te?» Mí Yeremi muli aa: «O dimul-la isɔɔ le nɔm, aa nɔm delnin masaa Babilɔn o ba.»

2Dɛnnda lemasalan 18:6

Kɛ mí Yosafat ɲuna aa: «Vɛ̀ɛ̀ vana-tɛɛngaa-diom Hala celen co nanu le Mɛlɛka ɲunaa le?»