2Masaa 24:4 - BII BILA

⁴ a le kooma vanaa ndóò diw mí ndóò pei Yerusalɛm a man-ndan. Nduyɛ vanaa kan ndáà tɛɛmbuu isɔɔ le. Mɛlɛka cɛl le haki kon malɔɔ le few.

2Masaa 24:4 Referans Kwoze

2Masaa 21:16

Handɔɔ o dɛnnda vɔɔnnda Manase luei Yudaa balan nin má tosa ɲɛ niŋ Mɛlɛka o hɔl too lan coo, mí Manase diw vanaa tɛɛmbuu isɔɔ le-a o kobio Yerusalɛm nin, háá mí kobio pia cá a koovan.

Esekiɛl 33:25

Le hee, dimul nda aa nuaa Maalii Hala dimi ni aa: «La co vision dioo a koovan lenin, la co hɔlla mulio o piɔmaa niaa lo, mì la va nda sooloo. La co vanndacieea diwvo! Yee a kon kpow la co vɔ yiyanndo maa ɲɛ niaa pɛpɛ lɛŋnden nden le co ni?

Cɛɛŋɔnnda Yeremi lan 3:42

N tosa dɛnnda hakilan mí n yɔŋnun vanaa nila kalua. Nɔm Hala, a mel naa haki le.

Yeremi 19:4

Kani a kɛɛ ya, má nɔɔliaa fondaa ho o halaa celennda sálàlan solullo, halaa nda pila, fuɲaa ndaa mamaa a masaa Yuda a sina le-a pɛɛn. Má pei fondaa ho a kooma vanaa tɛɛmbuu isɔɔ le-a.

Yeremi 2:34

Kooma vanaa tɛɛmbuu isɔɔ le-a ma suinun o domala niaalan kpengon. Nduyɛ, o co o diola niaa bɛŋi le niaa bii nda le.

Condii lisai 106:38

Má soli kooma vanaa tɛɛmbuu isɔɔ le-a sálà, koma poaa ndaa a ma cuavaa ndaa laandua pɛɛn, a nda solul piɔmaa va o lɛŋnde Kanaan-nden nin-nda sálàlan-nda. Mí lɛŋnde len le luɛi o màálan bɛngu a kooma ndan.

Tɔŋ miingua 19:10

O kon vana venin vanaa tɛɛmbuu isɔɔ le-a diyɔɔ o lɛŋnde Mɛlɛka Hala niaa ke niaa kɛ́ɔ len nin te, yɔŋii sɔɛi piɔ́m vanaa vaa lende hel niaa o lebol.

Kundalan 35:33

La laasiaa lɛŋnde niaa co nin-nden te, kani vana dii pɛ vanacieo mɛɛ ndu nɔɔliaa lɛŋnden. Nduyɛ le lɛŋnden dindinndo, fɔ mì vana dii vanacieo-vo sɔla piɔ́mndo.

2Masaa 21:11

«Le tùú Manase masaa Yuda tosa dɛnnda nɔɔlɛilan ndan, mó tosa dɛnɛ vɔɔndo hiovɔɔ Amoriaa va lon o tasendɔ-a coo-o, le tùú o luei vannda Yuda balan o hakilan nin a piɔmaa ndɔa-o,

2Masaa 24:5

Dɛnnda tɔ̀la Yehoyakim-ndan, ɲɛ-ɲɛ o tosa, kon co o sɛvaa o sɛbɛ Dɛnnda lemasalan Yuda nin.

Yeremi 15:4

Lende ya tosanin ni mì siòònde bii masɛi o lɛŋnden coo kpow. Le dɛnnda vɔɔnnda Manase po Esekia va masaa Yuda-o tosa Yerusalɛm-ndan ken kpow tosan ni.»

Yeremi 22:17

Kɛ nɔm yɛ, tɔnɔ nɔmndo daama n nɔ hɔlten coo ni. A co vanaa tɛɛmbuu isɔɔ le-a diwvo, mà va delɔɔcoo a kafalan tosaa.»

Yeremi 32:31

Kani kabi kobio ho kilan háá hun bii a paalen nden hau, kɔl tambɛiyo a kɔltuw bɛndoo tuŋ ya sɔla a ndu ni. Lelan maa i ca ndu bɛɛ a lehɔl te.

Esekiɛl 24:6

Lelan ɲɛ Maalii, o co Mɛlɛka-o co dimio-o co hoo ni aa: «Dɛnɛ palaa co le kobi diyaa n'vanndo ho, kpɛɛnɛi pɛ a ɲɛ sɔvɛiyo-e o co ni, sɔva ndɔ kon faŋan ndi. Vannda sooluunin visin n'kpungban lenin n'pilɛn-pilɛnndon, kɛ o venin a lesion malɔɔ le.

Tɔŋ miingua 29:19

Mɛlɛka cɛlnin le ndu hakio malɔɔ le. Kɛ kɔltuw Mɛlɛka-o a paŋala ndɔɔ toalnin vana kon coo. Dangala sɛvan o sɛbɔɔ ho nin-ndan la toalnin ndu coo, mì Mɛlɛka ɲumi diola ndɔlan o ceendo coo.

2Masaa 23:26

Kɛ a kon kpow, Mɛlɛka ɲulul kɔl a Yudaa le, kani dɛnnda Manase ndóò tosa lan kpow láà tɛɛmbuu bɔɔ ndu Mɛlɛka kɔllo.

Talelan 6:17

Lan la co lan ni: Tofa yongaa, sondo dimia lacòòvaa, bala diw vanaa tɛɛmbuu isɔɔ le-a lan,

Esekiɛl 22:3

Dimul ndu aa nuaa Maalii Hala soo ni aa: ‹Tofa vɔ, kobi nda co vannda diwvo nin-ndo. Nduyɛ, paale ndɔle kialaa n'yamalen le tiiya nuaa ni, kobi co piɔmnda toosialanndo le nɔɔlianndo-o n co ni.

Esekiɛl 24:8

O kɔltuw bɛndu-bɛndoo nin, mí cuiŋi kooma man o pow bandíláà coo le màá mingio, yɔŋii ma mɔɲamɔɲa.»