2Masaa 24:2 - BII BILA

² O kon mí Mɛlɛka viam kundala vanaa del vannda coo-a, má kɔ del Yehoyakim coo. Kundala Mɛlɛka vem lan-ndan la yɔŋnun ndan ni: Kaldea, Aramiia, Moabua a Amɔnnda. Ndáà kɔɛ le Yuda tɛɛmbuuo maa mɛɛ Mɛlɛka ndóò dimi sɔɛi ken a sondo vanaa ndɔa baalaa yɛ, vanaa-tɛɛngaa-diom Hala-a pɛɛn.

2Masaa 24:2 Referans Kwoze

Yeremi 35:11

Kɛ telen Nebukanɛsar masaa Babilɔn del lɛŋnden coo a cɔwvo-o, mí n ca maa o va fisa mí naa n kɔɛ Yeresalɛm, haliko mi n hɛlun vanaa cɔvaa Babilɔnnda a Aramiia. O telen kon mí n kɔ cal Yerusalɛm ciee.»

2Masaa 23:27

Mí Mɛlɛka dimi aa: «I co vanaa co Yuda-a kɔɔ mulul maa mɛɛ yáà tosa paandu a vanaa va Israɛl-la yɛ, mí yáà kɛɛ kobi yáà hɛli kon-ndo, Yerusalɛm pɛɛn, o kon kɔɔli mí yáà kɛɛ vɛlɛ cɛi yáà dimi aa lenin diola nilan la vanin piɔlnɔnndo ni-o.»

Esekiɛl 19:8

O kon, mí vanaa-mangalaa-isɔɔa va o lɛŋii va o tàndà kon nin-nde nin-nda mɛngɛla ndu, má toandu yala ndaa ndu coo, mó del o soon ndaa nin.

Yeremi 32:28

Lelan diom Mɛlɛka dimi-o co hoo ni aa: «I co kobio ho malɔɔ Babilɔnnda a Nebukanɛsar masa ndaa o ba, mà bii ndu.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

2Masaa 20:17

‹Telen pum co tiiya, vannda kɔannunnin Babilɔn a ɲɛm co o cɛi nɔm lemasaa nin-ndon kpow, n fuɲaa nɔmaa mamaa cuungiaa kandɔɔ paandu, mí n va n'kɛsiaa háá hau-von kpow, ɲɛ-ɲɛ lonin te.› Diom Mɛlɛka soo-o co kon ni.

2Masaa 6:23

Mí masa Israɛlla ke nda ɲɛdiaa taw, má dia, má kol. O kon kɔɔli, mó mal nda kɔlan. Má muungun vana nda bɛndoo o ibuŋ. Kandɔɔ nin telen kon, vanaa cɔvaa Aramiia muungu lɛ o lɛŋnde Israɛl-ten nin te.

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Yeremi 26:20

O telen kon, langbanɔ celen va vali tɛɛngaa-diom Hala-o tosaa o diola Mɛlɛka lan, diola ndɔlan Uria, po Semaya fula Kiriat-Yearim ndo. Mó soaa sáálélan a kobio ho a á lɛŋnden nden mɛ̀ɛ́-mɛ̀ɛ́ Yeremi soo nuaa yɛ.

Yeremi 26:6

Te la tui le, i tɛɛmbuunin Cɛi-Hala-o ho mɛɛ ya tɛɛmbuu hoo Silo yɛ. Mì siinguu Yerusalɛm tɔɔmasele mɛnaa vanaa-mangalaa-isɔɔa kpow tɛɛn.›»

Esai 13:5

O lɛŋnde levil vil-ten nin nda fula ni, nɛɛ halataalaa mɛɛlu-a nda cɛn ni. Mɛlɛka nda vanaa cɔ̀m kɔltuw ndɔɔ-a co tàndàá ho kpow tɛɛmbuu.

Esai 7:17

«Mɛlɛka tuisinin niaa, vanaa niaa a yungu fuɲa niaa-o palɛi sangɛi coo, kabi polale Efraim-nden le sɛiyan a polale Yuda len, palɛi vaa lende kei-yɔ niaa coo le. Masaa Asiri cuunin niaa kpundɛ kon ni.

SƐBƐ YƆB-O 1:17

O cii ken dimi le, mí kiilanɔ celen hun dimul ndu vɛlɛ aa: «Yungu fula Babilɔn-ndo hin kundalan tan yáá, má del ɲɔɔmɛɛa coo, má diw buɛyaa nɔmnda a mɔɔn cɔwvon, ya pilɛ kpé hɛlun ni, mí sɔndan le nɔm hunɔɔ yoongoo ho dimullo.»

2Dɛnnda lemasalan 33:11

O kon, mí Mɛlɛka viam simlacia vanaa cɔvaa masaa Asiri-a, má del nda coo a cɔwvo, má bii Manase. Má vow ndu ciliŋun tundanndon, má yii ndu a yɔlɔn n'daɲan, má kɔa a ndu Babilɔn.

Esai 28:19

Telen oo telen kpundɛ kon del pɛ, o komalnin niaa, kani o vanin tosanndo idii oo idii, o vanin tosanndo paalen a ɲumndan. O vanin dɛnɛ isiòòn bɛndu-bɛndoo le yoongu kpundɛ kon nɔ-o biyɔɔ bila.

Yeremi 12:9

Vɛ̀ɛ̀ vanaa va le ya-a siŋnun yow kɛndɛ-kɛndɛ yovaa biyaa co hoo hinullo-o ni? ‹La kɔ mɔɔsiaa visia yondoa kpow, mì la hin a nda le ɲɛdiaa!›

Yeremi 25:1

Vɔsi hiɔɔlundɔ Yehoyakim po Yosia-o va masalen tosaa Yuda-o yɔŋnun vɔsi tase Nebukanɛsar kandu masalen tosaa-o ni. Mí Mɛlɛka soaa o Yeremi lo a vannda Yuda kpede o kɔɔ.

Yeremi 52:28

Mɛɛ vanaa Nebukanɛsar bii Yuda, mó kɔɛ a nda o cɛlen nin-nda va sɛ́lɛ́ yɛ co hoo ni: O vɔsi ŋɔmmɛwndɔɔ nin, vàála yaa n'van bidiin a vanaa yaa (3 023).

Cɛɛŋɔnnda Yeremi lan 1:17

Siɔn sanga balan sɛndio, o sɔla vana ɲɔlaa kɛ́-kɛ̀ le. Mɛlɛka cii vannda dimul le Yakɔb delɔɔ coo, o cii yaamɔaa ndɔa balu ndu-a dimul. Yerusalɛm siŋnun ɲɛ nɔɔlɛiyo nda tɛɛn.

Esekiɛl 23:23

Poaa Babilɔn-nda, Kaldea kpow, vannda Pekɔd, haa Soa, haa Koa a poaa Asiri-a kpow a vanin nda ndaa latulu, felengia naŋ hɔlla-a nda co ni, nda kpow masaa n'bungaa a simlacia nda co ni, vanaa bɛndua lelɛŋnda a vanaa ɲaanun o soa coo-a nda co ni.

Habakuk 1:6

I co vannda vomɔɔ fulaa Babilɔn, kani nda nɔ iɲíí le, a nɛi vɛlɛ kɔl fula le. A kei kan vannda delɔɔ coo, mà poondiaa ɲɛm ndan-nda pɛɛn.

2Masaa 22:16

‹Mɛlɛka dimi aa: I co kobio ho a vanaa co lenin-nda dɛnɛ palaa tuisi coo, maa mɛɛ o co o sɛvaa o sɛbɛ masaa Yuda dimi hoo-o nin yɛ.