2Masaa 24:1 - BII BILA

¹ Tuma Yehoyakim va masaa Yuda-o Nebukanɛsar masaa Babilɔn hun luɛi a cɔwvo o tàndá Yuda-o nin ni. Mí Yehoyakim luɛi ndu o ba bɛngu le vɔsilan tan yáá, kɛ mó can vɛlɛ mó simul Nebukanɛsar.

2Masaa 24:1 Referans Kwoze

Daniɛl 1:1

O vɔsi yàándɔɔ nin, o masale Yehoyakim va masaa o tàndá Yuda-o coo len bɛngu, mí Nebukanɛsar va masaa Babilɔn-ndo hinul Yerusalɛm, mó tiila ndu.

Yeremi 25:1

Vɔsi hiɔɔlundɔ Yehoyakim po Yosia-o va masalen tosaa Yuda-o yɔŋnun vɔsi tase Nebukanɛsar kandu masalen tosaa-o ni. Mí Mɛlɛka soaa o Yeremi lo a vannda Yuda kpede o kɔɔ.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Yeremi 46:2

Sɔɛi dimin le Esipte a le vanaa cɔvaa Neko, masaa Esipte-a-e. O va o peo Efrate kɔngɔ Karkemis, telen Nebukanɛsar masaa Babilɔn nɔla ndu-o. O vɔsi hiɔɔlundɔ Yehoyakim po Yosia-o va o maselen Yuda-o.

2Masaa 17:5

O kon, mí ndu masaa Asiri kon hun del lɛŋnde Israɛl-ten coo a cɔwvo, mó kɔ tiila Samari háá le vɔsilan tan yáá.

Yeremi 35:1

O telen Yehoyakim po Yosia masaa Yuda va masalen tosaa-o, mí Mɛlɛka soaa o Yeremi lo, mó dimul ndu aa:

Yeremi 35:11

Kɛ telen Nebukanɛsar masaa Babilɔn del lɛŋnden coo a cɔwvo-o, mí n ca maa o va fisa mí naa n kɔɛ Yeresalɛm, haliko mi n hɛlun vanaa cɔvaa Babilɔnnda a Aramiia. O telen kon mí n kɔ cal Yerusalɛm ciee.»

Yeremi 36:1

O vɔsi hiɔɔlundɔ Yohoyakim, po Yosia-o va masalen tosaa Yuda-o, mí Mɛlɛka dimul Yeremi aa:

Yeremi 45:1

O vɔsi hiɔɔlundɔ Yehoyakim po Yosia-o va masalen tosaa Yuda-o, mí Baruk po Neriya-o va sɔɔn Yeremi va ndu dimullo-on sɛvaa. Mí Yeremi dimul ndu aa:

Yeremi 50:17

Màá saa laasian, mì yàlàá can ndu tovɔɔ-o Israɛlla va ni. O tase de ndu-o yɔŋnun masaa Asiri ni, o ndu kɔɔli, mí Nebukanɛsar masaa Babilɔn hun pesipesi ndu paalan.

Esekiɛl 21:14

«Po vanacieo sei, tɛɛnguu diom Hala-o, dimi aa: ‹Maalii dimi aa kpókò, la tofa vɔ! Mɔɛi cɔwve! Mɔɛi cɔvii cɛɛŋɛi, i iyikpɛi tɛm-tɛm.

Daniɛl 1:2

Mí Maalii mal Yehoyakim ndu o ba. Mó mal vɛlɛ Nebukanɛsar ɲɛm diandan va o Cɛi-Hala-o nin-ndon n tiŋ cuaa. Mó kɔannun a mun o lɛŋnde Sinear len nin, mó kɔ kɛsi mun o cɛi mandaa bolofaa halaa ndɔa nin.

2Masaa 24:20

Dɛnnda lan kpow la tosalan Yerusalɛmnda a Yudaa le tùú Mɛlɛka ndóò tuulu kɔl a nda-o. Lelan o tow nda levil polon ni. Kɛ mí Sedekia bɛɛ simul masaa Babilɔn.

2Dɛnnda lemasalan 36:1

Mí vanaa va o lɛŋnde len nin-nda hɛli Yoahas po Yosia-o, má suili ndu masaa Yerusalɛm o fonda fuɲa ndɔ-o.

Ɛsdras 4:12

Masaa, n yeema mà va o sinaa nin maa Yuifia cɛn o nɔm ndo má tiiya naa tɛɛn Yerusalɛm-nda co kobi lanila kalu kon a kobi laasian kon mingio tangullo, a cii kpakila ndɔlan kila ma kandu lan cɔvɔɔ.

Esai 36:5

A co yiyanndo maa sɔɛi sondoei tosa ni mì vana sɔla silaa a yoomuan o cɔwvo nin. Nɛ̀ɛ́-nɛ̀ n tiindan yɛ ma simul-la simullo ho?»

Esekiɛl 19:8

O kon, mí vanaa-mangalaa-isɔɔa va o lɛŋii va o tàndà kon nin-nde nin-nda mɛngɛla ndu, má toandu yala ndaa ndu coo, mó del o soon ndaa nin.

Habakuk 1:6

I co vannda vomɔɔ fulaa Babilɔn, kani nda nɔ iɲíí le, a nɛi vɛlɛ kɔl fula le. A kei kan vannda delɔɔ coo, mà poondiaa ɲɛm ndan-nda pɛɛn.