2Masaa 23:8 - BII BILA

⁸ Mó yoongu vanaa-solia-lasálàá va o kobilan Yuda nin-ndan kpow, cɔnɔnndo o kobio Keba kɔ bii háá Bɛɛr-Seba, mó tɛɛmbuu fondala-loamaa-lasálàla vanaa-solia-lasálàà kan ndáà loam sálàla cuɛima cun kɛndɛlan coo o tombon-ndan. Mó koombiaa vɛlɛ tombun va o diola luɛyaalan ikɛi-yon. Tombun mun, ipilɛ va tombii va o dio luɛyaa Yosue va simlacinɔ kobio-o ikɛi-ye ni, í va o dio luɛyaa kobio o ba mɛllo coo-e pɛɛn.

2Masaa 23:8 Referans Kwoze

1Masaa 15:22

O kon, mí masaa Asa veelu Yudaa kpow, vana-vana lo kɔɔli le, le kɔlan powtan a pɛngɛn Baesa ndóò cuungiaa Rama le tangullo-on vilio le kɔlan tangul celen Keba, o tàndá Bɛnyamɛn-ndo nin a Mispa.

Yosue 21:17

O tàndá Bɛnyamɛn-ndo nin, má sɔla Kabaɔn, Keba,

Sakari 14:10

Tàndá balu Yerusalɛm-ndo kpow siŋnunnin dɛɛlaa vesɛiyo, cɔnɔnndo Keba háá tiiyaa Rimɔn, Yerusalɛm a ba too. Yerusalɛm sɔlanin heeloo mo lo o fonda ndɔɔ. Kandɔɔ a dio Bɛnyamɛn-ndo háá o fonda dio tasoo, kɔlan háá o dio lasɔngio, keiyo a cɛi coocoo Hananeɛl-lo, kɔlan háá o doolala nda vayia mɔiyan le masaa-a.

Esai 10:29

Tofa vɔ, a taŋ bóllo má dimi aa: «Keba naa n lɔlnin cɔɛllɛn ni! Vannda Rama ɲiiya a siòònde,» vannda Kibea o Saul-lo ɲaanun.

1Dɛnnda lemasalan 6:60

Hukɔk a yondola balu ndu lan, Rehɔb a yondola balu ndu lan.

1Masaa 19:3

Elii cɔu lende, mó can, mó kɔannun le yoomu ndɔɔ ciindiaa. Mó kɔa Bɛɛr-Seba, o tàndá Yuda-o nin, mó kɔ mɛi buɛi ndɔɔ lon,

Masaa kialaa n'yamaa 20:1

Mí Israɛlla kpow a cɛlan, mí sɛ́lɔ́ɔ́ fula nɛɛ-nɛɛ ka, kandɔɔ Dan a ba luaŋ-ndo, kɔlan tiiyaa háá Bɛɛr-Seba a ba too, keiyo a tàndá Kalaad-o a ba paalen le can-ndo, má cuungian Mɛlɛka o hɔl Mispa maa vana pilɛ kpé.

O Kandɔɔ 26:23

Cɔnɔnndo lon, mó heelu Bɛɛr-Seba.

O Kandɔɔ 21:31

Lelan nda ke fonda kon diolan ni aa Bɛɛr-Seba, kani lon nda mɛnan nda ŋiɔn kpow ni.

O Kandɔɔ 21:14

Diimandɔɔ idiiyo púŋ, mí Abraham pena buloo cua, mó vow mɛnndan o bɔlɔ yáw cuinndo nin. Mó handu Akar ɲɛm mun o congú, mó yɔngu ndu vɛlɛ Ismaɛl po ndɔ, mó soli ndu cɛinin. Mí Akar kɔannun, mó kɔ luusian o lɛŋnde veselɛilen Bɛɛr-Seba nin.

Esekiɛl 44:10

Le leviaa faŋan o vali nuu nin, má kɔa ya levil telen Israɛlla va laasianndo, má mulul-la kɔɔ le kɔlan piɔmaa ndaa sooloo-a yɛ, yɔŋ vɔɔn ndaa toalnin nda coo.

Yosue 18:24

Kefar-Amɔnai, Ofni a Keba. Faw-faw, la va kobilan tɔ́ a latiɔn a cieon balu lan-ndon.

Amɔs 5:5

Kɛ la nuwviaa ya Betɛl te, la kɔa ya nuwviaa Kilkal te, la hiaw Bɛɛr-Seba le ya nuwviaa le. Kani Kilkal biinunnin o cɛlen nin, Betɛl tambunin few-few.