2Masaa 23:4 - BII BILA

⁴ Mí masaa Yosia viam Hilkiya bolle vanaa-solia-lasálàá nda vanaa-solia-lasálàà tɔ̀a a vanaa va kèédei cumullo-a, má kɔ cua ɲɛm-laandun vannda ndáà toosiaa le Baal, le Astartee a le ɲɛm pangelen co o halataala-on-ndon, má kɔ loam mun o kobio Yerusalɛm kɔɔli, o bóllo Sedrɔn nin. Má yaa pulta ɲɛm ŋɔalɛin mun Betɛl.

2Masaa 23:4 Referans Kwoze

2Masaa 21:7

Mó cua piɔmndo Astartee, mó kɔ luei ndu o Cɛi-Mɛlɛka-o nin. Nduyɛ, Cɛi kon Mɛlɛka ndóò dimul David nda Salomɔn po ndɔ ni aa: «O cɛiyo ho nin a o kobio Yerusalɛm nin, kobi ya hɛli kon o kobila polama tɔ́ a mamiɔmma Israɛlla tɛɛn-ndo diola nilan la vanin piɔlnɔnndo le fɛɛn a fɛɛn ni.

2Masaa 21:3

Mó mingi tombun Esekia fuɲa ndɔ ndóò puusiaa-on tangul, mó cɔaw fondala-loamaa-lasálàlan le Baal, mó cɔaw yɔm soolaa mɛɛ Akab masaa Israɛl ndóò tosa paandu yɛ, mó baŋ vulan ɲɛm pangelen co o halataala-on kpow o labɛngunin, mó sooluu mun.

2Dɛnnda lemasalan 33:3

Mó mingi tombun Esekia fuɲa ndɔ ndóò pesipesi-on tangul, mó cɔaw fondala-loamaa-lasálàlan le Baalla, mó cɔaw yɔmii soolɛi maa mɛɛ Akab va masaa Israɛl-lo ndóò tosa paandu yɛ. Mó baŋ vulan ɲɛm pangelen co o halataala-on o labɛngunin, mó sooluu mun.

2Masaa 25:18

Mí Nebusaradan, bolle vanaa kándà masaa-a bii vɛlɛ Seraya va bolle vana-solia-lasálàá-o, Sofoni va vana-solia-lasálà diinndɔɔ-o a vanaa yaa va dioo cumullo-a.

Nsaŋ 18:1

Yeesu ciiyo sɔɛi lende, mó fula latulu nda kaandeŋaa ndɔa le kɔlan o bóllo Sedrɔn leeloo, nɛɛ nakɔɔ pum va-a. Má kɔ luɛi lenin nda ndaa.

Matie 27:1

Ɲɔɔ tengaa, mí bolii vanaa-solia-lasálàá a simlacia lelɛŋnda yii diomnden le Yeesu diyɔɔ.

Matie 26:3

O kon, mí bolii vanaa-solia-lasálàá a simlacia lelɛŋnda cuungian o Kaif lo bɛ́ɛ̀, o va bolle vanaa-solia-lasálàá-o.

Amɔs 4:4

«La kɔ Betɛl mì la kɔ tosa hakilan! La kɔ vɛlɛ Kilkal mì la kɔ cɔɔlu hakilan tosa. La soli sálàlan idii oo idii, la yɔngu o-tɔ́ndɔ niaa o vɔsi yàándɔɔ coo.

Osee 4:15

Éé niaa Israɛlla, la luɛi bɔɔ suundaa! Mbɔ̀ màá Yudaa nda va lɛ lende le! La kɔa o fonda diandaa Kilkal te, la hel Bɛt-Avɛn te. La mɛnan o diola Mɛlɛka yoomaa le!

Yeremi 52:24

Mí bolle kpalilla bii Seraya bolle vanaa-solia-lasálàá, Sofoni vana va ndu ikɛi o baalaa nin-ndo a vanaa-solia-lasálàá yaa va le cumullo o dio Cɛi-Hala-o sondoo-a.

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Esai 27:9

Nuaa cuavaa Yakɔb-a sɔlanin baŋaa a tɛɛmbuu ndaa ni, tofa vɔ kɔmnde fulanin o haki nda malnin nda-o nin-nden, Mɛlɛka siinguunin powta nda cɔw máánnda soolaalan-ndan, maa powta humbula cuinun mì la cacun maa cundu lan, yɔmii soolɛi a piɔmaa nɔ tuulaa maa lepala-a la muungu lɛnin isisi lɔ́ɔ́-lɔ́ɔ̀ le.

2Dɛnnda lemasalan 33:7

Má sel ndu piɔmndo, mó cua piɔm sialaa kon, mó kɔ luei ndu o Cɛi-Hala-o nin. Nduyɛ mí Mɛlɛka ndóò dimul David nda Salomɔn po ndɔ aa: «O Cɛiyo ho a o kobio Yerusalɛm nin ya vanin le lɔ́ɔ́-lɔ́ɔ̀ ni. Kobio ho ya hɛli o kobila polama Israɛlla tɛɛn ni, lon ya vanin vannda cɔmnɔnndo lɔ́ɔ́-lɔ́ɔ̀ ni.

2Masaa 23:15

Mí Yosia puusiaa vɛlɛ fonda-loamaa-lasálà va Betɛl-lo, tombii Yeroboam po Nebat-o ndóò tangul-le, Yeroboam kon pɛɛn, o ndóò luei Israɛlla balan o hakio nin-ndo. Mí Yosia loam tombii ken, mó komba fonda-loamaa-lasálà kon, mó loam vɛlɛ yɔm soolaa, mó mingi ɲɛm mun kpow cundoo.

2Masaa 22:4

«Kɔ o Hilkiya bolle vanaa-solia-lasálàá lo, mó cɔm volin vannda yɔngu o Cɛi-Mɛlɛka-o nin-ndon, n kpalilaa cumulaa ladioa biw vannda o laba-on pɛɛn.

2Masaa 17:16

Má mulul silala Mɛlɛka Hala ndaa kɔɔ, má cɔaw navaa téndéa a ciliŋun teengian, má cɔaw yɔm soolaa. Má baŋ vulan ɲɛm pangelen co o halataala-on o labɛngunin, má sooluu vɛlɛ Baal.

1Masaa 19:18

Kɛ o Israɛlla tɛɛn, i mɛinin vannda vàálan tan ŋɔmmɛw yoomu, vanaa beŋ vulan Baal o labɛngunin te-a, vanaa kɔɔmian Baal má deembuu ndu a lasondo le-a.»

1Masaa 18:40

Mí Elii dimul nda aa: «La biw vanaa-tɛɛngaa-diom Baal-la kpow, o kɛ́-kɛ̀ hialun niaa le dɛ!» Má biw nda. Mí Elii toal a nda o pee pɔmbɔɔ Kison kɔngɔ, mó kɔ kili nda bololan.

1Masaa 18:26

Má bii naw tova ndáà cɔm nda-o, má toosiaa ndu. Kandɔɔ idiiyo háá a paale kálàlen, a va huuloo a yolan balɔɔ o fonda-loamaa-lasálà ndaa cɔwvo, má va Baal piɛiyo a dimio aa: «Baal mulul naa!» Kɛ kpɛkɛlɛ bɛɛ a tui le, a sɔla muli le.

1Masaa 18:19

Viom-ndɔ hau vannda, mà kɔ veelu Israɛlla kpow, mà hun cuungian ya ikɛi o peembei Karmɛl coo nanu, mà veelu vɛlɛ vanaa-tɛɛngaa-diom Baal-la n'van kɛmɛ lehiɔɔlu a beleŋuɛɛnu, a co sɔɔn Baal-lon tɛɛnguuo-a, a n'van kɛmɛ lehiɔɔlua co vanaa-tɛɛngaa-diom piɔmndo Asera-a, a dia ɲɛdiaa latulu nda Yesabɛl-aa-a kpow.»

1Masaa 16:31

O hini kɔl le hakila o tosa mó vial Yeroboam, po Nebat-o lan te, kɛ mó mulin, mó kɔ yil Yesabɛl, cua Ɛtbaal va masa Sidɔnnda-o o nɔ̀u nin. O va vɛlɛ piɔmndo Baal sooloo.

1Masaa 12:29

Mó kɛsi navaa n'siania kan o pilɛ Betɛl o pilɔɔ Dan.

2Samiɛl 15:23

Tuma sɛ́lɔ́ɔ́ va hiovɔɔ David laci-o, mí vannda kpow va caŋndo fúkpàà-fùkpàà. Mí masaa pila taŋ pee pɔmbɔɔ Sedrɔn, mó bii nɛi kɔɛ a kpengii lɛŋnde veselɛilen-ndo a vanaa va ndu kɔɔli-a kpow.

Masaa kialaa n'yamaa 2:13

Má mulul Mɛlɛka kɔɔ, má va Baal a Astartee sooloo.

2Masaa 21:5

Mó cɔaw fondala-loamaa-lasálàlan o bɛ́ɛ̀la tiɔnnda Cɛi-Hala-o nin le ɲɛm pangelen co o halataala-on kpow.

2Masaa 23:12

Mó pesipesi fondala-loamaa-lasálàla va o cɛi coocoo Ahas-o coo lan, la masaa Yuda ndáà tangul tan pɛɛn, mó pesipesi vɛlɛ fondala-loamaa-lasálàla Manase ndóò tangul o bɛ́ɛ̀la tiɔnnda Cɛi-Mɛlɛka-o nin-ndan. Ndóò ciiyo lan pesipesio, mó kɔandu cundu kon, mó kɔ viaw ndu o bóllo Sedrɔn nin.

Esekiɛl 8:6

Mó ɲuna ya aa: «Po vanacieo sei, a ce ɲɛ nda co tosaa-o? A ce dɛnnda nɔɔlɛila lamààla bɛndula cuavaa Israɛlla co tosaa nanu, haliko mi piow cɛi-kola-toandaa diandaa nuu, mì kɔɛnnun polon-ndan nɛ? Kɛ, a canin vɛlɛ dɛnnda nɔɔlɛila hiow lan vɔwlen polon-ndan.»

1Masaa 15:13

Mó faŋa hali Maaka kala ndɔ bolle vanlaandua le tùú Maaka ndóò sɛl piɔmndo le hala laandoo Asera-o. Mí Asa pesipesi sungbule len, mó loam-nden o pee pɔmbɔɔ Sedrɔn kɔngɔ.

2Masaa 10:26

Má soli powta sálàla va o cɛi máán Baal-lo nin-ndan, má loam ndan,

2Masaa 12:10

O kon mí Yehoyada vana-solia-lasálàá cua kesoo, mó buli ndu tɛɛngei o kumboo coo, mó kɛsi ndu o fonda-loamaa-lasálàá ikɛi o ba kɛndɔɔ coo, nɛɛ vannda ndáà kei le luɛyɔɔ o Cɛi-Hala-o nin-nda. Mó dimul vanaa-solia-lasálàá va dio luɛyaa cumullo-a le volin vannda va hunɔɔ o Cɛi-Hala-o nin-ndon vowvo lenin.

2Dɛnnda lemasalan 15:16

Mí masaa Asa faŋa vɛlɛ Maaka mama ndɔ bolle vanlaandua le tùú Maaka ndóò sɛl piɔmndo le hala laandoo Asera-o. Mí Asa pesipesi sungbule len, mó loam-nden o pee pɔmbɔɔ Sedrɔn kɔngɔ.

Sofoni 1:4

«I co vanaa co icali o tàndá Yuda-o nin-nda a vanaa co Yerusalɛm ciee-a lɔɔ. I tɛɛmbuunin ɲɛm tɔ̀un lo o kaannde Baal-ten nin-ndon, mì ɲumi mun o fondaa ho. I tɛɛmbuunin vanaa baalaa ndɔa a vanaa-solia-lasálàà ndɔa, háá mì vannda pɔɛɛnun a dɛnɛ ndaa.