2Masaa 23:3 - BII BILA

³ Mí masaa sim o fonda yesaa coo, mó yii kpemaa nda Mɛlɛka tɛɛn, mó cua ciɛ́ɔn le kelaa o nɛi Mɛlɛka-o coo, le kelaa o tɔŋnda ndɔlan coo, le silala ndɔlan a pɛɛkula ndɔlan biyɔɔ a kɔl ndɔɔ a á yoomu ndɔɔ kpow, a le sɔɔn co n'sɛvaa o sɛbɛ kpema kon nin-ndon tosaa. O kon mí vannda kpede cɛl, má luɛi o ciɛ́ɔn masaa cua mun-ndon bɛngu.

2Masaa 23:3 Referans Kwoze

2Masaa 11:14

Ndóò mɛɛndianndo, mó ca masaa isisi o sungbulen ikɛi nɛɛ masaa dema lasisi-a, simlacia a vanaa hɔŋaa labulua va ndu ikɛi kpɛɛlun. Mí vanaa va lon-nda kpow a dɔawnun ɲaale, mí vanaa hɔŋaa labulua va bululan hɔŋndo. Mí Atali sɛɛsian volɔɔlan lekɔɔ, mó dimi aa: «A yii ya dúmbú! A yii ya dúmbú fɔ́!»

2Masaa 11:17

Mí Yehoyada yii kpemaa Mɛlɛka, masaa a vannda tɛɛn haliko mi vanaa kan ndáà lo Mɛlɛka o ibuŋ. Mó yii vɛlɛ kpemaa masaa a vannda tɛɛn.

Tɔŋ miingua 13:4

la yaŋ nilan o sɔɛi vana-tɛɛngaa-diom Hala kon te, te kon te o sɔɛi vana sina kon kɔlɔ lɔma sɔlaan-ndo le. Kani a vanaa súú vaa lende Mɛlɛka Hala niaa vanin keiyo le niaa kɔlɔɔ solio ni. Lende o vanin tosaa ni le sinaa te la kaola ndu lekɛ́ndɛi a kɔlta niaalan kpow a á yoomu niaa kpow.

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.

Yeremi 50:5

A ɲunanin nɛiyo le kɔlan Siɔn, mà muli hɔlla a ba kon. A hunnin mà yiinun a ya Mɛlɛka, mì kpema fɛɛn a fɛɛn-ndo va naa tɛɛn, o nda pɔɛɛnnin lɔ́ɔ́-lɔ́ɔ̀ loo.

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Vana Kɔlkaloo 8:2

Te masaa soo pɛ, mò dimi isɔɔ le tosa, vana bɛnda mi vana bii sɔɛi ndɔɛi. Naa n cua ciɛ́ɔn Hala o hɔl le ndu diomndo biyɔɔ ni.

Ɛsdras 10:3

N cuannun niko ciɛ́ɔn o Hala naa lo, o kon mì n kɛɛnun laandua kan a cuavaa naa n velu a nda-a kpow. N biinun sila nɔm Ɛsdras vana naa bɛndoo a vanaa nɔ siòòŋii Hala-e-a sila naa-o. O bɛnda mì n kela mɛɛ tɔŋndo dimul naa yɛ.

2Dɛnnda lemasalan 29:10

Ya ya, i co yiyanndo le kpemaa yiiyo a Mɛlɛka Hala Israɛlla, haliko mi kɔl ndɔ tuwvo faŋan naa coo.

2Dɛnnda lemasalan 23:16

Mí Yehoyada yii kpemaa Mɛlɛka, masaa a vannda tɛɛn, haliko mi vanaa kan ndáà lo Mɛlɛka o ibuŋ.

2Dɛnnda lemasalan 23:13

Ndóò mɛɛndianndo, mó ca masaa isisi o sungbulen ikɛi nɛɛ o dema isisi o dioo sondoo-a. Simlacia a vanaa hɔŋaa labulua va isisi masaa ikɛi kpɛɛlun. Vanaa va lon-nda kpow a va a ɲaaloo, vanaa hɔŋaa labulua va bululan hɔŋndo, vanaa solia n'condua va condon solio a ɲɛm-caan. Le hee, mí Atali sɛɛsian volɔɔlan lekɔɔ, mó yonda aa: «A yii ya dúmbú! A yii ya dúmbú fɔ́!»

Tɔŋ miingua 29:1

Mí Moise cuungiaa Israɛlla kpow, mó dimul nda aa: «Niaa pila ce mɔnɛ Mɛlɛka soli a Esiptea-o, la ce ɲɛ o tosal masaa Esipte, vanaa bɛndua va ndu o ba bɛngu-a a lɛŋnde ndɔlen kpow yɛ.

Tɔŋ miingua 11:13

Lelan, te la bii pɛ tɔŋnda ya co niaa hau yɔngoo lan, te la kaola pɛ ya Mɛlɛka Hala niaa mì la biilu ya a kɔlta niaalan kpow, a yoomu niaa kpede,

Tɔŋ miingua 10:12

«Sisa, ɲɛ Mɛlɛka yeema mi niaa Israɛlla tosa-o co hoo ni: siòòŋii ndɔɛi nɔu, kelaa o nɛila o cɔm niaa lan coo, kaolaa ndu, vallo ndu tosallo a kɔlta niaalan kpow a á yoomu niaa kpow.

Tɔŋ miingua 8:19

Kɛ te la pɔɛɛnun pɛ Mɛlɛka Hala niaa, te la sooluu pɛ halaa fondoa, te la tosal pɛ nda vallo mì la baŋ vulan nda o labɛngunin, i co niaa ndi dimul hau, la vunin kpow.

Tɔŋ miingua 6:5

La kaola Mɛlɛka Hala niaa a kɔlta niaalan kpow, a yoomu niaa kpow a á kpaaya niaa kpow.

Tɔŋ miingua 6:1

«La yaŋ nilan o tɔŋndan, o silalan a o sɔɔn Mɛlɛka Hala niaa yɔngu ya le niaa pɛɛkoo-on, haliko mi la kɔ kela lecoo o lɛŋnde niaa co luɛyɔɔ nin le len hiɔlɔɔ len nin.

Tɔŋ miingua 4:45

silalan, tɔŋndan a sɔɔn o tɛɛngul nda telen nda faŋan Esipte-o-on.

Fulaa 24:3

Mí Moise toal, mó tɛɛngul vannda sɔɔn Mɛlɛka soo-on kpow a silala o yɔngu lan kpede. O kon, mí nda kpede a deŋi diom pilɛ kpé aa: «Ɲɛ-ɲɛ Mɛlɛka dimul naa le tosaa, n co ndu tosa.»

Yeremi 34:8

O telen masaa Sedekia cii cɛlan nda vannda Yerusalɛm le cɛa kpow malɔɔ-o, mí Mɛlɛka soaa vɛlɛ o Yeremi lo,

Yeremi 34:15

Kɛ niaa yɛ, mí niáá mangala kela kon, mí la tosa dɛnɛ sandu ya o hɔl-lo, mí vana-vana solin o sondo maa puapilɛ ndɔ co ndu o ba o cɛlen nin-ndo co o ba ndɔɔ coo, mí la yii diomnden ya o hɔl, o cɛi diola nilan la co veelɔnndo nin-ndo nin.

2Dɛnnda lemasalan 15:15

Mí Yudaa kpow a dɔawnun ɲaale le kpema ndáà yii kon-ndo, kani a kɔlta ndalan kpow nda mɛnan ni. Mí ɲɔɔ hɛnan vana-vana le Mɛlɛka holnɔnndo a kɔl ndɔɔ kpede. Nduyɛ, mí Mɛlɛka cɔmnun nda, mó luei nda kɔlɲuloo tɛɛn a lɛŋii salu pɛɛngulan a lɛŋnde ndalen-nde.

Nehemi 5:13

O kon kɔɔli, mí koaŋ bɔɔle doma ni bɛndoo, mí dimi aa: ‹Màá Hala koŋ vanaa lonin o diomnde ndalen coo le-a, mò faŋa nda o cɛila ndalan nin a o bolofaa ndaa coo, maa mɛɛ ya tosa a domaa nuu nuaa yɛ. Màá vanaa kan a lo fondo!› Mí vannda kpow a cɛl aa: ‹Amiina!› Má mel Mɛlɛka balika. Mí vannda lo o diomnde ndalen coo.

Nehemi 10:1

«Le dɛnɛ yɔŋnun naa kon-ndo kpow, naa Israɛlla pɛɛn, mí n cua ciɛ́ɔn, mí n sɛva. Mí simlacia naa, leviia a vanaa-solia-lasálàà naa handu suon o sɛbɛ nda handu pondalen-ndo coo.