2Masaa 23:2 - BII BILA

² Mí ndu masaa hel o Cɛi-Mɛlɛka-o nin nda vannda Yuda a haa Yerusalɛm, vanaa-solia-lasálàá, vanaa-tɛɛngaa-diom Hala-a a vanaa tɔ̀a kpow, kandɔɔ a cuaambɔa kɔ bii a kaasonnda kpede. Mó dimi sɔɔn va n'sɛvaa o sɛbɛ kpema ndáà saalun kon o Cɛi-Mɛlɛka-o nin-ndo nin-ndon vannda kpow o hɔl.

2Masaa 23:2 Referans Kwoze

2Masaa 22:8

Mí Hilkiya bolle vanaa-solia-lasálàá dimul Safan vana sɛvaa aa: «I saalun sɛbɛ tɔŋndo o Cɛi-Mɛlɛka-o nin.» Mí Hilkiya yɔngu Safan sɛbɛ kalaa, mó tofa ɲɛ va o sɛvaa lenin-ndo.

Dɛnnda cɔɔmuanndan 20:12

Mí ca vanvílɛ́iya, kaasonnda a cuaambɔa, a va isisi o kpɛŋɛ lemasaa hɔl-ndɔ. Mí sɛbɛlan la kumbin, mí sɛbɛ celen kumbin, sɛbɛ cindaa va kon ni. Mí yamɛi vanvílɛ́iya kiolu, maa mɛɛ sɔɔn va n sɛvaa o sɛbɛla lan nin-ndon va yɛ, maa mɛɛ dɛnnda vana-vana la va yɛ.

Dɛnnda kiilaa 26:22

Kɛ háá paalen nden hau, Hala nɔ ya baa coo tuŋ. I co vɔ nanu le vannda kpede seilen nden tɛndallo, cuaambɔa a kaasonnda. I co ɲɛ-ɲɛ celen dimi le, mɛɛ ɲɛ vanaa-tɛɛngaa-diom Hala-a dimio a ɲɛ Moise dimi maa o co hunɔɔ tosanndo kínɛí.

Condii lisai 115:13

o dɔawnin vanaa nɔ siòòŋii ndɔɛi-ya duaa, cuaambɔa a van-banaa kpede.

SƐBƐ YƆB-O 3:19

Hiyan co cuaambɔ a kaasonɔ tɛɛn ndon te. Lon ndu, cɛɔ bɛɛ co lɛ o ba vana bɛngu le.

Ɛstɛr 1:5

O palɛi ken mɛɛlulan, mí masaa tuisi vɛlɛ kafo celen le vanaa va o kobi lemasaa nin Suse-a kpow. Mó yaw ɲɛdiaa sɔvɛɔ le vanaa bolofaa a vanaa bala fondoa. Mí kafo kon tosan palɛi ndii ŋɔmmɛw o nakɔla cɛi lemasaa nin.

Nehemi 13:1

«Telen pilɛ kon, lɔ́ɔ́ nda va sɛbɛ Moise-o dimio vannda kpede o hɔl vakpa-o, má tiiya o fondaa pum, o va o sɛvaa lon maa le fɛɛn a fɛɛn Amɔnnda nda Moabua bɛnda mà luɛi o kunda vanaa Hala-a nin te.

Nehemi 9:3

Mí nda kpow a lo isisi o fondala ndalan, má va nilan yaŋɔɔ o sɛbɛ tɔŋ Mɛlɛka ndaa, háá lɛɛlɛlan tan yáá. Má mulin vɛlɛ, má tosa lɛɛlɛlan tan yáá, a va vula baŋaa Mɛlɛka Hala ndaa o labɛngunin, le ndu ɲɔɔloo haliko mo mal nda haki.

2Dɛnnda lemasalan 17:9

Má cua sɛbɛ tɔŋ Mɛlɛka-o, má va ndu vannda kpow keiyo pɛɛkoo o kobila va o lɛŋnde len nin-ndan nin.

2Dɛnnda lemasalan 15:13

Vana-vanáà kɛɛ pɛ le sɔɔn Mɛlɛka Hala Israɛlla biyɔɔ a kɔl ndɔɔ kpow, o va cuaambɔ o va kaasonɔ, o va vanapɔnɔ o va vanalanɔ, vana kon ndóò sɔlanin piɔ́mndo.

1Masaa 8:9

Powta yɛ́ndɛ́la tiɔnndan koni la va lenin ni, powta yɛ́ndɛ́la Moise ndóò kɛsi lenin Horɛb telen Mɛlɛka yii kpemaa nda Israɛlla o fula nda va Esipte-o lan pɛɛn.

1Samiɛl 30:2

Má bii vanlaandua a vanaa va o kobi kon nin-nda kpow, cuaambɔa a kaasonnda. Ndáà dii vana-vana le, kɛ má kɔannun a nda telen nda va muungɔnndo-o.

1Samiɛl 5:9

Kɛ ndáà tiiyaa dɔ́ɔ́ a ndu lon, mí Mɛlɛka tuisi vanaa va o kobi kon nin-nda kpow sangalan a kɔlta yulan-yulanndan coo. Mí nàà bondokpaa fula nda, kandɔɔ a cuaambɔa kɔ bii a kaasonnda kpede.

Tɔŋ miingua 31:26

«La bii sɛbɛ tɔŋndo ho, mì la kɛsi ndu o kesu kpema Mɛlɛka Hala niaa ikɛi. Lon o vanin o kɛsiaa le vaa seilen le Israɛlla ni.

O Kandɔɔ 19:11

O kon, má suumiaa vanaa va isisi o dio-a kpede. Kandɔɔ a felengia, kɔ bii a kaasoŋaa yuuvɛiya, mí vana-vana suma. A nɔla lɛ dio cɛiyo saalɔnndo le.

Yeremi 34:8

O telen masaa Sedekia cii cɛlan nda vannda Yerusalɛm le cɛa kpow malɔɔ-o, mí Mɛlɛka soaa vɛlɛ o Yeremi lo,