2Masaa 22:2 - BII BILA

² Mó tosa ɲɛ bɛnda Mɛlɛka o hɔl-lo. Nɛila kɛ́-kɛ̀ David fuɲa ndɔ mama kela coo, mí ndu bɛɛ kela lecoo kpafii, o feŋan ó o kɛ́-kɛ̀ coo le.

2Masaa 22:2 Referans Kwoze

Yosue 1:7

Kɛ nduyɛ, lueinun yoomuan ma sim yili, ma kela o tɔŋnda Moise vana ni baalaa tɛɛngul nɔm-ndan coo. Sei o ba kɛndɔɔ coo le, sei o ba mɛllo coo le, haliko mi tuula nɔmndan kpow la bɛnda nɔm o ba.

Tɔŋ miingua 5:32

Le hee, la kindin mi la tosa ɲɛ Mɛlɛka Hala niaa dimul niaa-o, la sei o ba kɛndɛ coo le, la sei o ba mɛl coo le.

2Masaa 18:3

Mó tosa ɲɛ bɛnda Mɛlɛka o hɔl-lo mɛɛ David fuɲa ndɔ mama ndóò tosa yɛ.

1Masaa 3:6

Mí Salomɔn muli aa: «A yɔŋnun vana lo o lediom coo-o a vana nɔm baalaa, o co David fuɲa ni-o. A tosa kon le tùú o kela nɔm o hɔl o sakpoyɛi nin, o dɛnɛ sandaa nin a o toɲaa nin-ndo. Má lo o lediom coo a ndu, má ke ndu hɔ́ɔ̀, mí hɔ́ɔ́ kon va hau icali o kpɛŋɛ ndɔ lemasaa coo.

Talelan 20:11

O dɛnnda ndɔlan nin, mì cuaambɔɔ cɔm te o vanin pɛ vana sandaa a vana káà kɛndɔɔ.

Talelan 4:27

Sei o ba kɛndɛ coo le, sei o ba mɛl coo le. Sɔɔnguu dɛnɛ vɔɔndo macɛlu le.»

2Dɛnnda lemasalan 29:2

Mó tosa dɛnɛ sandaa Mɛlɛka o hɔl mɛɛ David fuɲa ndɔ mama tosa yɛ.

2Masaa 16:2

Ndóò nɔ vɔsilan bidiin mó siŋnun masaa. Yerusalɛm o va icali ni. O tosa ɲɛ bɛnda Mɛlɛka Hala ndɔɔ o hɔl-lo maa David fuɲa ndɔ mama le.

1Masaa 11:38

Taa yaŋ pɛ nilan o sɔɔn nun kpow, ma kela o nɛila nilan coo, te dɛnnda nɔmndan la sandu pɛ ya o hɔl, taa bii pɛ silala nilan a tɔŋnda nilan mɛɛ David vana ni baalaa tosa yɛ, i vanin nɔm ikɛi, i beŋnin nɔm cɛiyo mò sim yili mɛɛ ya simul David o ndɔɔ yɛ, mì ke nɔm Israɛl.

2Dɛnnda lemasalan 17:3

Mɛlɛka va Yosafat ikɛi, kani nɛila David, fuɲa ndɔ mamaa kela paandu coo lan koni ndu bɛɛ va kelaa coo ni. O cɛl le Baal sooloo le.

1Masaa 15:5

Kani faŋanndo o dɛnɛ Uri Hitiinɔ-o kɔɔli, dɛnnda sandaalan kínɛí David va tosaa Mɛlɛka o hɔl ni. O vi lende, o mel silala Mɛlɛka yɔngu ndu lan te.

2Dɛnnda lemasalan 31:20

Ɲɛ Esekia tosa o tàndá Yuda-o nin-ndo yɔŋnun kon ni, mó tosa ɲɛ bɛnda-o, dɛnɛ sandaa a toɲaa Mɛlɛka Hala ndɔɔ o hɔl.

2Dɛnnda lemasalan 34:1

Yosia ndóò nɔ vɔsilan tan ŋɔmaa mó siŋnun masaa. Mó tosa masalen vɔsilan beleyaa a ò pilɛ Yerusalɛm ciee.

Sofoni 1:1

Tuma Osia po Amon-ndo va masalen tosaa o tàndá Yuda-o coo-o, mí Mɛlɛka soaa o Sofoni lo. Po Kusi-o a po imama Kedalia-o Sofoni va ni, fulaa o polale Amaria len a o polale Esekia len nin.

1Masaa 15:11

Mí Asa tosa ɲɛ bɛnda Mɛlɛka o hɔl-lo mɛɛ David fuɲa ndɔ mamaa tosa yɛ.

2Masaa 12:3

Mí Yoas tosa ɲɛ bɛnda Mɛlɛka o hɔl-lo o ceen ndɔɔ nin kpow, le sila kɛndɛ Yehoyada vana-solia-lasálàá va ndu-o.

2Masaa 14:3

Mó tosa ɲɛ bɛnda Mɛlɛka o hɔl-lo, kɛ o tiiya maa David fuɲa ndɔ mama le, maa Yoas fuɲa ndɔ kpafii o tosa ɲɛ hɛnan Mɛlɛka-o ni.