2Masaa 21:9 - BII BILA

⁹ Kɛ Israɛlla bii sɔɛi ken te. Mí Manase luei nda o pɔwlan nin háá má pɔlɔŋian o hakilan nin hiovɔɔ bɛɛ mɛɛ vanaa-mangalaa-isɔɔa Mɛlɛka ndóò tɛɛmbuu nda laci-a tosa yɛ.

2Masaa 21:9 Referans Kwoze

Talelan 29:12

Simlacinɔɔ yaŋ pɛ nilan o sɔɔn lacòòvan, vanaa bɛndua co ndu o ba bɛngu-a kpow a siŋnun vanaa tosaa dɛnnda vɔɔnda.

Dɛnnda cɔɔmuanndan 2:20

Kɛ sɔɛi ya hini kɔl a nɔm tei co hee ni: a co Yesabɛl, cua co veelɔnndo aa vana-tɛɛngaa-diom Hala-o-o malɔɔ vannda pɛɛkoo, mò va vanaa nia baalaa faŋaa o nɛi, haliko ma luɛi laasianndo, mà luɛi vɛlɛ visin nda solul piɔmnda sálàá-on dioo.

Nsaki 4:17

Te vanndo sina pɛ le dɛnɛ kɛndɔɔ tosaa, te o tosa ndu le, mɛɛ o cua hakio o ken nin.

Nsaŋ 15:22

Te yáà hin mí yáà soaa o nda lo le, ndáà nɔnin haki le. Kɛ nihau, a sɔla lɛnin malɔɔ lahakio le haki ndaa le.

Luke 13:34

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Osee 5:11

Cuavaa-imamaa Efraim-nda co kpukpaa sɔlaa. Ɲɛm va le nda-on hɛlun nda, kani a co kiltan ɲɛm fondon kɔɔli.

Daniɛl 9:6

N yeŋnun vanaa nɔmaa baalaa le, vanaa-tɛɛngaa-diom Hala-a pɛɛn, á tɛɛngul masaa naa, simlacia naa, fuɲaa naa mamaa a yungu naa kpow sɔɔn nɔmndon-nda.

Nehemi 9:26

Kɛ a kon kpow, a bii sɔɛi nɔmnde le, má tosa nila kalulan a nɔm, má mulul nɔm kɔɔ, má diw vanaa-tɛɛngaa-diom Hala-a nɔmnda, á va nda tolɔɔ kɔɔli le muungoo nɔm o ibuŋ-nda, má tosa dɛnnda nɔɔlɛilan taw.

2Dɛnnda lemasalan 36:16

Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.

2Dɛnnda lemasalan 33:9

Kɛ, mí Manase luei Yudaa a vanaa va Yerusalɛm-nda o pɔwlan nin, má tosa dɛnɛ vɔɔndo hiovɔɔ dɛnɛ vɔɔn vanaa-mangalaa-isɔɔa Mɛlɛka ndóò diw Israɛlla laci-a tosa-o coo.

1Masaa 14:16

Mɛlɛka mululnin Israɛlla kɔɔ le haki Yeroboam tosa-o a le malɔɔ o mal nda o hakio nin-ndo.»

Esekiɛl 16:47

Te nɔm óò mɛɛlu pɛ o kela vɔɔndo coo maa nda, mí nɔm óò tosa dɛnnda nɔɔlɛilan maa nda kpafii, kon ndóò va tiŋ fisa. Kɛ mí nɔm bɛɛ laasian o kelala nɔmndan kpow nin hiovɔɔ nda coo.

Condii lisai 81:10

O bɛnda mi hala celen va niaa tɛɛn te. La biilu halaa celennda le!

Condii lisai 12:8

Nɔm Mɛlɛka, a mandanin vanaa nda co palaa-a, ma kanda naa le fɛɛn a fɛɛn a vanaa kan.

2Masaa 21:10

Le hee, mí Mɛlɛka soaa o vanaa ndɔa baalaa lo, vanaa-tɛɛngaa-diom Hala-a pɛɛn, le Israɛlla sɔɔn mùn tɛɛngullo, mó dimul nda aa:

Esekiɛl 5:7

Lelan, nuaa ya Maalii, ya co Mɛlɛka-o dimi ni aa: «Le tùú niaa luɛi o seesiɛi nin hiovɔɔ vanaa-mangalaa-isɔaa balu niaa-a o, le tùú niaa kɛɛ le kelaa o silala nilan coo mí la kɛɛ le tɔŋnda nilan biyɔɔ-o, le tùú niaa kɛɛ vɛlɛ le kelaa o tɔŋnda vanaa-mangalaa-isɔaa balu niaa-a lan coo-o,

1Samiɛl 8:19

Israɛlla yeŋ bɛɛ sɔɔn Samiɛl dimul nda mún-ndon lani le, má dimul ndu aa: «N'posi! Halikpe naa n sɔlá masaa mɛɛ naa n dimi yɛ sii.

2Masaa 16:3

Mɛɛ masaa Israɛl kela yɛ koni ndu bɛɛ kela ni. Mó soli po ndɔɔ sálà, mó loam ndu o yin mɛɛ naamula nɔɔlɛila vanaa-mangalaa-isɔɔa Mɛlɛka ndóò tow Israɛlla laci-a la va yɛ.

Esekiɛl 5:6

Kɛ má tosa nila kalulan, má kɛɛ le tɔŋnda nilan a silala nilan biyɔɔ, má tosa kɔlvesɛiyo hiovɔɔ vanaa-mangalaa-isɔɔa a lɛŋii balu nda-e coo. Kani vanaa co lon-nda pɛɛsa tɔŋnda nilan, má kɛɛ le kelaa o silala nilan coo.

Esekiɛl 11:12

La sinanin o kon maa ya co Mɛlɛka ni, kani la kela o silala nilan coo le, la bii tɔŋnda nilan te, kɛ mí la tosa dɛnndan mɛɛ kelala vanaa-mangalaa-isɔaa balu niaa-a co yɛ.»

Esekiɛl 22:3

Dimul ndu aa nuaa Maalii Hala soo ni aa: ‹Tofa vɔ, kobi nda co vannda diwvo nin-ndo. Nduyɛ, paale ndɔle kialaa n'yamalen le tiiya nuaa ni, kobi co piɔmnda toosialanndo le nɔɔlianndo-o n co ni.