2Masaa 21:5 - BII BILA

⁵ Mó cɔaw fondala-loamaa-lasálàlan o bɛ́ɛ̀la tiɔnnda Cɛi-Hala-o nin le ɲɛm pangelen co o halataala-on kpow.

2Masaa 21:5 Referans Kwoze

1Masaa 7:12

Kpaki balu bɛɛ bɛndoo sɔ́-o va o cɔavaa a powta sialaalan polan man yáá, a yɔmii sɛɛdrei polalen len pilɛ. Lende koni kpaki balu vɛlɛ bɛ́ɛ̀ Cɛi-Mɛlɛka-o a tongo va o Cɛi-Mɛlɛka kon hɔl-ndɔ-o va o cɔavaa ni.

2Masaa 23:12

Mó pesipesi fondala-loamaa-lasálàla va o cɛi coocoo Ahas-o coo lan, la masaa Yuda ndáà tangul tan pɛɛn, mó pesipesi vɛlɛ fondala-loamaa-lasálàla Manase ndóò tangul o bɛ́ɛ̀la tiɔnnda Cɛi-Mɛlɛka-o nin-ndan. Ndóò ciiyo lan pesipesio, mó kɔandu cundu kon, mó kɔ viaw ndu o bóllo Sedrɔn nin.

2Masaa 23:4

Mí masaa Yosia viam Hilkiya bolle vanaa-solia-lasálàá nda vanaa-solia-lasálàà tɔ̀a a vanaa va kèédei cumullo-a, má kɔ cua ɲɛm-laandun vannda ndáà toosiaa le Baal, le Astartee a le ɲɛm pangelen co o halataala-on-ndon, má kɔ loam mun o kobio Yerusalɛm kɔɔli, o bóllo Sedrɔn nin. Má yaa pulta ɲɛm ŋɔalɛin mun Betɛl.

1Masaa 6:36

O kon kɔɔli, mó kunga bɛɛ va lenin-ndo a powta sialaalan polan man yáá a á pɛngɛn yɔm sɛɛdre polalen lepilɛ.

Esekiɛl 44:19

Kɛ telen nda vanin fulaa le kɔlan o bɛ́ɛ̀ co lekɔɔli-o nin-ndo vanaa tɔ̀a ikɛi-yo, a bɛnda mà soli volɔɔla nda vownun le sálàlan solio a lan lekɔɔ lan, má kɛsi lan o cɛila pɔmbɔla leninnda co o fonda diandaa nin-ndan nin, o kon ma vownun volɔɔla celen, yɔŋii nda tuisi kpaaya diondɔɔ Mɛlɛka-o vannda coo a volɔɔla solia lasálàla ndalan.

Esekiɛl 43:5

O kon, mí kɔl Hala-o cua ya, mó kɔa a ya o bɛ́ɛ̀ va lenin-ndo nin. Mí ca biilu Mɛlɛka-o o piaa o Cɛi-Hala-o nin ca.

Esekiɛl 42:3

O fonda ɲɔɔ va dunndo bidiin o bɛ́ɛ̀ co lenin-ndo hɔl-ndɔ-o a o fonda peelaa tɛlɛlɛ va o bɛɔ lekɔɔli nin-ndo hɔl-ndɔ, fonda hiavaa pum va lon o fonda hiavaa ba pilɛ, o cɛi helɔɔ leyàá kon coo.

Esekiɛl 40:47

Mó tuu bɛɔ, mó bɛnda bandei dunndo kɛmɛ, buo dunndo kɛmɛ, maa kpakpa o va ni. Fonda-loamaa-lasálàá va o Cɛi-Hala kon sondoo.

Esekiɛl 40:37

Sungbuma ndɔan ma va mamuliaa a kpengii bɛɛ va lekɔɔli-o. Siɔ̀ɔ́lan la va latuuliaalan o sungbuma man coo ba-ba fee, helɔɔlan tan ŋɔmaa vanáà nɛi coo le tiiyaa lon ni.

Esekiɛl 40:32

Mí langbanɔ kon kei a ya a kpengii paalen le can-nde, mó luɛi a ya o bɛ́ɛ̀ co lenin-ndo. Mó tuu dio bɛndu kon mí bandei a buo bɛnda maa diola bɛndula ndóò kei nin tuu lan.

Esekiɛl 40:28

Mó kei a ya o dio bɛndu va a ba too-o, mó luɛi a ya o bɛ́ɛ̀ co lenin-ndo nin, mó tuu dio bɛndu va kon a ba too-o, mó bɛnda buo a bandei maa diola bɛndula ndóò cii nin tuu lan.

2Dɛnnda lemasalan 33:15

Mó soli halaa celeŋaa a va o Cɛi-Mɛlɛka-o nin-nda a piɔm sialaa ndóò luei lon-ndo, mó pesipesi vɛlɛ máánnda ndóò cɔw o pembii Cɛi-Mɛlɛka-o coo lan, a la ndóò cɔw Yerusalɛm-ndan kpow, mó kɔ viaw lan o kobio kɔɔli.

2Dɛnnda lemasalan 33:5

Mó cɔaw máánndan o bɛ́ɛ̀la tiɔnnda Cɛi-Hala-o nin le ɲɛm pangelen co o halataala-on kpow biiloo.

2Masaa 23:6

Mó soli yɔm soolaa va o Cɛi-Mɛlɛka-o nin-ndo, mó kɔa a ndu o kobio Yerusalɛm kɔɔli, o bóllo Sedrɔn nin, mó loam ndu, mó saŋ pulta lan o sɛila nda kumbu vanaa va ndu sooloo-a nin-ndan coo.

2Masaa 23:5

Mí ndu masaa toaw vanaa-solia-lasálàá masaa Yuda ndáà kɛsi le sálàla cuɛima cun kɛndɛlan solio o tombon coo o kobilan Yuda nin a o kobila va Yerusalɛm balɔɔ lan nin-nda. Mó toaw vɛlɛ vanaa-solia-lasálàá va Baal, paalen, paangei a ɲɛm celen sálàla cuɛima cun kɛndɛlan solullo-a.

2Dɛnnda lemasalan 4:9

Mó toosiaa bɛ́ɛ̀ vanaa-solia-lasálàá a bɛ́ɛ̀ bɛndu celen, a diola luɛyaalan, a daɲan ndóò yikpa koŋnda lan ni.

Esekiɛl 8:16

Mó luɛi a ya o bɛ́ɛ̀ lenin Cɛi-Mɛlɛka-o nin, o Cɛi-Mɛlɛka-o sondoo, o tongo-sɛmtɔɔ a fonda-loamaa-lasálàá tɛɛn. Mí ca langbaa bidiin a à ŋuɛɛnu, a mulul Cɛi-Diandaa kɔɔ, má muli hɔlla a ba paalen le can-ndo, a va vula baŋaa a kpengii paalen le can-ndo le paalen sooloo.