2Masaa 21:3 - BII BILA

³ Mó mingi tombun Esekia fuɲa ndɔ ndóò puusiaa-on tangul, mó cɔaw fondala-loamaa-lasálàlan le Baal, mó cɔaw yɔm soolaa mɛɛ Akab masaa Israɛl ndóò tosa paandu yɛ, mó baŋ vulan ɲɛm pangelen co o halataala-on kpow o labɛngunin, mó sooluu mun.

2Masaa 21:3 Referans Kwoze

2Masaa 18:4

Mó tɛɛmbuu tombon, mó pesipesi powta sálàlan, mó puusiaa yɔmii soolɛi, mó kilikili kɛw n'daɲa Moise ndóò toosiaa-o, kani háá a telen kon Israɛlla va vɔ cuɛima cun kɛndɛan lomɔɔ le kɛw kon, nuaa ndáà veelu kɛw kon ni aa Nehustan.

2Masaa 17:16

Má mulul silala Mɛlɛka Hala ndaa kɔɔ, má cɔaw navaa téndéa a ciliŋun teengian, má cɔaw yɔm soolaa. Má baŋ vulan ɲɛm pangelen co o halataala-on o labɛngunin, má sooluu vɛlɛ Baal.

Tɔŋ miingua 17:3

mò kɔ sooluu halaa celen, mò tundun tombun celen o labɛngunin, mò sooluu paalen, paangei, te kon te ɲɛm co o halataala-on, mɛɛ o tosa ɲɛ ya kuuna-o.

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

Misee 6:16

La delnin tɔɔmaselela vɔɔnnda Ɔmri lan kɔɔli, la delnin kelala yungu Akab po ndɔ lan kɔɔli. O silala ndalan coo niaa co kelaa ni. Lelan ya bɛɛ, i co hunɔɔ kobi niaa piɔlɔɔ vɔ́-vɔ́! I tosanin mì vannda mam niaa vanaa co icali lenin-nda, mì siɛmbula bii vanaa nia lan la bii niaa mɔ́ɔ̀yɔ̀ɔ̀.»

SƐBƐ YƆB-O 31:26

te i tofa pɛ paalen o fulaa, mí nua paangei o diondɔɔ kɛndɛ-bɛndoo,

2Dɛnnda lemasalan 34:3

O vɔsi ŋɔmaandɔɔ o masale ndɔlen bɛngu, o va vɔ langbanɔ felengi, mó kandu Hala David fuɲa ndɔ mamaa nuwviaa. O vɔsi tɔ́ a o diinndɔɔ, mó kandu Yuda dindio a sooluulan, sungbuma soolan, piɔmaa sialaa a piɔmaa ciliŋun teengiaa va lon a Yerusalɛm-nda tɛɛmbuuo.

2Dɛnnda lemasalan 32:12

Vɛ̀ɛ̀ o co ndu Esekia le tɛɛmbuu sooluulan a máánnda ndɔlan te? Vɛ̀ɛ̀ o co ndu Esekia le dimul Yudaa a Yerusalɛmnda aa a báŋ vulan o fonda-loamaa-lasálàá ndu pilɛ kpé hɔl-ndɔ, mà lom ansan o kon ndu pilɛ kpé coo le?

2Masaa 18:22

Bɔɔle mi la dimul-la aa: Mɛlɛka Hala naa naa n tiindan ni. Kɛ vɛ̀ɛ̀ o co sooluula ndɔlan a tombun ndɔn te Esekia tɛɛmbuu, mó dimul vannda Yuda a haa Yerusalɛm aa a va hunɔɔ o sooluulan Yerusalɛm te?›

2Masaa 8:27

Mí Ahasia kela kela vɔɔndo maa yungu Akab-o, mó tosa ɲɛ hɛnan Mɛlɛka loo mɛɛ yungu Akab-o tosa yɛ. Kani lefei va ndu tɛɛn nda yungu kon.

2Masaa 8:18

Ndu bɛɛ maa masaa tɔ̀a va Israɛl-la koni o yɔŋnun ni, mó kela mɛɛ yungu Akab-o kela yɛ. Kani cua Akab-o ndóò yil o nɔ̀u nin ni. Mó tosa ɲɛ hɛnan Mɛlɛka loo.

1Masaa 18:26

Má bii naw tova ndáà cɔm nda-o, má toosiaa ndu. Kandɔɔ idiiyo háá a paale kálàlen, a va huuloo a yolan balɔɔ o fonda-loamaa-lasálà ndaa cɔwvo, má va Baal piɛiyo a dimio aa: «Baal mulul naa!» Kɛ kpɛkɛlɛ bɛɛ a tui le, a sɔla muli le.

1Masaa 18:21

Mí Elii sɔɔnguu vannda kpow o hɔl, mó ɲuna aa: «Lɔ́ɔ́ kuɛɛ nɛ niaa sanga yɛnin a dɛnndan ndan kpɔɔndiaa? Te Mɛlɛka Hala co Hala kpeekpeiyo ni, mɛɛ la mulin ndu kɔɔli. Te piɔmndo Baal co yɛ hala ni, mɛɛ la lo ndu kɔɔli.» Kɛ a mulul ndu mɛ̀ɛ́-mɛ̀ɛ́ le.

Tɔŋ miingua 16:21

«La baŋ yɔm soolaa le, la tɔal yɔm oo yɔm soolaa o fonda-loamaa-lasálà niaa tengulnin Mɛlɛka Hala niaa-o ikɛi le.

Tɔŋ miingua 17:2

Te o va pɛ maa o kobila Mɛlɛka Hala niaa ke niaa lan o pum nin, vanapɔnɔɔ pum, te kon te vanalanɔɔ pum niaa tɛɛn o tosa dɛnɛ hɛnan Mɛlɛka Hala niaa loo, mò del kasi a kpema Mɛlɛka-o,

Tɔŋ miingua 20:18

yɔŋii nda pɛɛku niaa dɛnnda nɔɔlɛila nda co tosaa le halaa ndaa lan. Kani la tosa pɛ maa nda, mɛɛ la cua hakio a Mɛlɛka Hala niaa.

Yeremi 7:30

Le tùú vannda Yuda tosa ɲɛ bɛnda ya Mɛlɛka o hɔl too, sɔɛi fula Mɛlɛka o sondo-e co hee ni aa: A luei dɛnnda ndala nɔɔlɛilan o cɛi ni diola nilan la co veelɔnndo nin-ndo nin, le ndu nɔɔliaa.

2Masaa 13:6

Kɛ Israɛlla mel hakila yungu Yeroboam-ndo luei Israɛlla pelon nin-ndan tosaa le, má muungun vɛlɛ lenin. O nɛila lan coo tuŋ nda va kelaa ni. Hali yɔm soolaa, mó lo isisi Samari lon.

Esai 65:11

Kɛ niaa kɛɛ (ya) Mɛlɛka-a, niaa co pembii nii diandɛi pɔɛɛnɔnndo-a, niaa co (piɔmndo) Kad bàndóó tengullo-a, niaa co taala kólaa peiyo le piɔmndo Meni-a,