2Masaa 21:2 - BII BILA

² Mí Manase tosa ɲɛ hɛnan Mɛlɛka loo, mó luɛinun o dɛnnda nɔɔlɛila vanaa-mangalaa-isɔaa Mɛlɛka ndóò tow Israɛlla laci-a va tosaa lan tosaa.

2Masaa 21:2 Referans Kwoze

Esekiɛl 16:51

Samari sɔla bɛɛ tala dɛnnda n tosa lan te. Dɛnnda nɔɔlɛila nɔm Yerusalɛm tosa lan la hiow le vɔɔw a la ndu tosa lan. Te vana cua pɛ Sodɔm a Samari, dɛnnda ndalan la co fisa a la nɔm tosa lan.

Yeremi 15:4

Lende ya tosanin ni mì siòònde bii masɛi o lɛŋnden coo kpow. Le dɛnnda vɔɔnnda Manase po Esekia va masaa Yuda-o tosa Yerusalɛm-ndan ken kpow tosan ni.»

2Dɛnnda lemasalan 36:14

Mí simlacia va vanaa-solia-lasálàá a vannda bollen-nda bɛɛ a luɛinun o pɔwla bɛndu-bɛndulan nin maa mɛɛ vanaa-mangalaa-isɔɔa ndáà tosa dɛnnda nɔɔlɛilan yɛ. Má luɛi dɛnnda lamààlan tosaa o Cɛi-Mɛlɛka-o nin. Cɛi kon yɛ, Mɛlɛka pila ndóò dindi ndu Yerusalɛm le ndu pila ni.

2Masaa 22:17

Le tùú vannda ha mulul-la kɔɔ, má va halaa celen sálàla cuɛima cun kɛndɛlan solullo-o, le tùú nda co ya kɔllo tɛɛmbuuo a ɲɛm nda cɔw a laba-on-ndo ya tuulu kɔl a kobio ho ni. Nduyɛ kɔltuw nuu ɲululnin te.

2Masaa 21:16

Handɔɔ o dɛnnda vɔɔnnda Manase luei Yudaa balan nin má tosa ɲɛ niŋ Mɛlɛka o hɔl too lan coo, mí Manase diw vanaa tɛɛmbuu isɔɔ le-a o kobio Yerusalɛm nin, háá mí kobio pia cá a koovan.

2Masaa 21:7

Mó cua piɔmndo Astartee, mó kɔ luei ndu o Cɛi-Mɛlɛka-o nin. Nduyɛ, Cɛi kon Mɛlɛka ndóò dimul David nda Salomɔn po ndɔ ni aa: «O cɛiyo ho nin a o kobio Yerusalɛm nin, kobi ya hɛli kon o kobila polama tɔ́ a mamiɔmma Israɛlla tɛɛn-ndo diola nilan la vanin piɔlnɔnndo le fɛɛn a fɛɛn ni.

Tɔŋ miingua 12:31

La caa dɛ! La tósà lende a Mɛlɛka Hala niaa le. Kani vanaa-mangalaa-isɔaa kan a va dɛnnda nɔɔlɛilan a ɲɛ Mɛlɛka yeema loo tosaa a halaa ndaa. A va bɛɛ hɔ́aa ndaa lomɔɔ le halaa ndaa kan sálàlan solullo.

2Masaa 21:11

«Le tùú Manase masaa Yuda tosa dɛnnda nɔɔlɛilan ndan, mó tosa dɛnɛ vɔɔndo hiovɔɔ Amoriaa va lon o tasendɔ-a coo-o, le tùú o luei vannda Yuda balan o hakilan nin a piɔmaa ndɔa-o,

2Masaa 21:20

Mí Amon tosa ɲɛ hɛnan Mɛlɛka loo mɛɛ Manase fuɲa ndɔ ndóò tosa yɛ.

2Masaa 23:32

Mí Yoahas tosa ɲɛ hɛnan Mɛlɛka loo maa fuɲaa ndɔa mamaa.

2Masaa 24:9

Mí Yehoyakin tosa ɲɛ hɛnan Mɛlɛka loo mɛɛ fuɲa ndɔ tosa yɛ.

Vana Kɔlkaloo 9:18

Kɔlkaloo co fisa a ɲɛm cɔwvon. Vana nɔ taasi loo tiwba mò tɛɛmbuu ɲɔɔn taw.»

Esai 66:4

Lelan ya bɛɛ, ɲɔɔ hɛnannin ya taw le dɛnɛ palaa ndaa. I tuisinin ɲɛ lueinin nda siòònde-o nda pila coo, kani i veelu kɛ vana pilɛ bɛɛ cɛl te. I soo, kɛ vana-vana yeŋ lani le. Nduyɛ má tosa ɲɛ co dɛnɛ vɔɔndo ya o hɔl-lo, mí ɲɔɔ hɛnan nda o dɛnɛ ya yeema loo tosaa nin.

2Masaa 17:2

Mó tosa ɲɛ hɛnan Mɛlɛka loo, kɛ o ve maa masaa tasea Israɛlaa tosa masalen ndu laci-a le.

2Masaa 21:21

Nɛila kɛ́-kɛ̀ fuɲa ndɔ va kelaa coo, lecoo ndu bɛɛ kela ni. Mó sooluu piɔmaa fuɲa ndɔ va sooloo-a, mó baŋ vulan nda o labɛngunin.

Esekiɛl 11:12

La sinanin o kon maa ya co Mɛlɛka ni, kani la kela o silala nilan coo le, la bii tɔŋnda nilan te, kɛ mí la tosa dɛnndan mɛɛ kelala vanaa-mangalaa-isɔaa balu niaa-a co yɛ.»

Esekiɛl 22:3

Dimul ndu aa nuaa Maalii Hala soo ni aa: ‹Tofa vɔ, kobi nda co vannda diwvo nin-ndo. Nduyɛ, paale ndɔle kialaa n'yamalen le tiiya nuaa ni, kobi co piɔmnda toosialanndo le nɔɔlianndo-o n co ni.