2Masaa 21:12 - BII BILA

¹² i co dɛnɛ palaa bɛndu-bɛndoo tuisi vannda Yerusalɛm a vannda Yuda coo, mí nilan la baŋul vanaa tuɛinin sɔɛi dɛnɛ palaa kon-nda kpow.

2Masaa 21:12 Referans Kwoze

Yeremi 19:3

Mà dimi aa: La yaŋnun diom Mɛlɛka-o, niaa masaa Yuda a niaa Yerusalɛmnda! Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa tuisi o fondaa hoo coo, vana-vana tuei Pɛ sɔɛi ken, kɔndɔfili bɛndoo biinin ndu.

1Samiɛl 3:11

Mí Mɛlɛka dimul Samiɛl aa: «I co hunɔɔ dɛnɛ tosa Israɛl, vana-vana tuei ndu pɛ, nilan la baŋul ndu.

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Amɔs 3:2

‹O yungula co o lɛŋnden coo lan kpow tɛɛn, niaa pilɛ kpé ya hɛli ni. Lelan, i co niaa hunɔɔ kɔɔsɔɔ ɲuna le dɛnnda niaala vɔɔnndan kpow.

Daniɛl 9:12

Nɔm Hala, má peelu sɔɔn n kɔngɔlan le naa a le vanaa tosanin masalen naa coo-a tosallo-on. Má tuisi naa sangala bɛndulan coo, kabi ceendo cɔwnun, sanga vaa lende tul-lɔ vana coo le. Sanga tol Yerusalɛm coo-o nɔ velan te.

2Masaa 22:16

‹Mɛlɛka dimi aa: I co kobio ho a vanaa co lenin-nda dɛnɛ palaa tuisi coo, maa mɛɛ o co o sɛvaa o sɛbɛ masaa Yuda dimi hoo-o nin yɛ.

Esai 28:16

Le hee, la tuei-yɔ sɔɛi Maalii Hala dimi-e: «Tofa vɔ, i tɔl powvo Siɔn le vaa pow kilaa cɛiyo, mí fula pow kalaa kɔɔli kɛ mí ca maa o nɔ isɔw le. Pow lebol kendu vɔngoo taw-vo o co ni, o co o tɔalaa ɲɛkɛndɛi, vana-vana tiindan pɛ pow kalaa, o yɔŋnun yoloma-yoloma mò sɔndan te.

Esekiɛl 7:5

Nuaa Maalii, o co Mɛlɛka-o soo ni aa: «Dɛnɛ palaa tiiya fɔ́! Dɛnɛ palaa nɔ velan too co o nɛi. Má cè ndu hunɔɔ súlùlù!

Esai 24:5

Vanaa va o lɛŋnden coo-a ndáà cii len nɔɔliaa, kani a va tɔŋndan tɛɛmbuuo a silalan laasiaa, a va kpema yiinun le fɛɛn a fɛɛn-ndo tɛɛmbuuo.