2Masaa 21:11 - BII BILA

¹¹ «Le tùú Manase masaa Yuda tosa dɛnnda nɔɔlɛilan ndan, mó tosa dɛnɛ vɔɔndo hiovɔɔ Amoriaa va lon o tasendɔ-a coo-o, le tùú o luei vannda Yuda balan o hakilan nin a piɔmaa ndɔa-o,

2Masaa 21:11 Referans Kwoze

1Masaa 21:26

Mó tosa dɛnnda nɔɔlɛi-nɔɔlɛilan a piɔmnda sooloo mɛɛ Amoriaa Mɛlɛka tow, mó mingi Israɛlla o fonda ndaa-a va tosaa yɛ.

2Masaa 21:9

Kɛ Israɛlla bii sɔɛi ken te. Mí Manase luei nda o pɔwlan nin háá má pɔlɔŋian o hakilan nin hiovɔɔ bɛɛ mɛɛ vanaa-mangalaa-isɔɔa Mɛlɛka ndóò tɛɛmbuu nda laci-a tosa yɛ.

Yeremi 15:4

Lende ya tosanin ni mì siòònde bii masɛi o lɛŋnden coo kpow. Le dɛnnda vɔɔnnda Manase po Esekia va masaa Yuda-o tosa Yerusalɛm-ndan ken kpow tosan ni.»

Esekiɛl 16:45

Cua kala nɔmndo n co ni, kala nɔm sɔɛi pɔnɔ ndɔ-e a cuavaa ndɔa nɛinun kon-ndo. Ɲɛ pilɔɔ niaa co niaa puapilɛa nɔmaa laandua ni, à sɔɛi piaandaa ndaa a hɔ́aa ndaa nɛinun kan-nda. Hitiinɔɔ kala niaa va ni, fuɲa niaa ndu Amoriinɔɔ o va ni.

Esekiɛl 16:3

Dimi aa nuaa Maalii, o co Mɛlɛka-o dimul nɔm Yerusalɛm ni aa: ‹O lɛŋnde Kanaan-nden nin n kandun ni, lenin n velun ni, Amoriinɔɔ fuɲa nɔm va ni, kala nɔm yɛ Hitiinɔɔ ndu va ni.

2Masaa 21:21

Nɛila kɛ́-kɛ̀ fuɲa ndɔ va kelaa coo, lecoo ndu bɛɛ kela ni. Mó sooluu piɔmaa fuɲa ndɔ va sooloo-a, mó baŋ vulan nda o labɛngunin.

2Masaa 21:16

Handɔɔ o dɛnnda vɔɔnnda Manase luei Yudaa balan nin má tosa ɲɛ niŋ Mɛlɛka o hɔl too lan coo, mí Manase diw vanaa tɛɛmbuu isɔɔ le-a o kobio Yerusalɛm nin, háá mí kobio pia cá a koovan.

2Masaa 21:2

Mí Manase tosa ɲɛ hɛnan Mɛlɛka loo, mó luɛinun o dɛnnda nɔɔlɛila vanaa-mangalaa-isɔaa Mɛlɛka ndóò tow Israɛlla laci-a va tosaa lan tosaa.

1Masaa 16:19

Kon kpow tosan le tùú Simri ndóò tosa hakilan, mó tosa ɲɛ hɛnan Mɛlɛka loo-o a le tùú ndóò tosa dɛnnda vɔɔnndan maa Yeroboam, mó mal Israɛlla kpow o hakilan nin-ndo.

1Masaa 15:30

Le tùú Yeroboam ndóò tosa hakilan, mó mal vɛlɛ Israɛlla o hakila lan nin-ndo kon kpow tosan ni. Kani kɔllo Mɛlɛka Hala Israɛlla ndóò tuulu taw ni.

1Masaa 14:16

Mɛlɛka mululnin Israɛlla kɔɔ le haki Yeroboam tosa-o a le malɔɔ o mal nda o hakio nin-ndo.»

O Kandɔɔ 15:16

Kɛ nduyɛ, fɔ mí vanndacieea hiow lambilan lahiɔɔlu malan cuavaa nɔmaa imamaa muungu nanu. Kani Amoriia va vɔ nin kɔlvesɛiyo tosaa háá telen kon.»

2Masaa 16:3

Mɛɛ masaa Israɛl kela yɛ koni ndu bɛɛ kela ni. Mó soli po ndɔɔ sálà, mó loam ndu o yin mɛɛ naamula nɔɔlɛila vanaa-mangalaa-isɔɔa Mɛlɛka ndóò tow Israɛlla laci-a la va yɛ.

2Masaa 21:10

Le hee, mí Mɛlɛka soaa o vanaa ndɔa baalaa lo, vanaa-tɛɛngaa-diom Hala-a pɛɛn, le Israɛlla sɔɔn mùn tɛɛngullo, mó dimul nda aa:

2Masaa 21:20

Mí Amon tosa ɲɛ hɛnan Mɛlɛka loo mɛɛ Manase fuɲa ndɔ ndóò tosa yɛ.

2Masaa 23:24

Handɔɔ o sɔɔn mún kpow coo, mí masaa Yosia cii vanaa soaa a vanvílɛ́iya-a, vanaa viamaa yavaa, piɔmaa tongoninnda, piɔmaa soolaa a ɲɛ-ɲɛ nɔɔlɛi vanáà ca o tàndá Yuda-o nin a o kobio Yerusalɛm nin kpow. O tosa kon le sɔɔn va n'sɛvaa o sɛbɛ tɔŋndo nin-ndon, sɛbɛ Hilkiya vana-solia-lasálàá ndóò saalun kon o Cɛi-Mɛlɛka-o nin-ndo pɛɛn.

Esekiɛl 18:12

mó saangiaa vanaa ikɔɔa a vanaa bala fondoa le nda tɔnɔɔ solio nda o n'dial, mó tosa vuilen, mó cɛl le ɲɛ nda lendul ndu o ba-o mingio le, mó muli hɔlla o piɔmnda mó tosa dɛnnda nɔɔlɛilan,

1Dɛnnda lemasalan 1:14

Kanaan kon yɔŋnun fuɲaa-mamaa le Yebusiia, Amɔnnda, Kirkasiia,

Esekiɛl 5:6

Kɛ má tosa nila kalulan, má kɛɛ le tɔŋnda nilan a silala nilan biyɔɔ, má tosa kɔlvesɛiyo hiovɔɔ vanaa-mangalaa-isɔɔa a lɛŋii balu nda-e coo. Kani vanaa co lon-nda pɛɛsa tɔŋnda nilan, má kɛɛ le kelaa o silala nilan coo.