2Masaa 21:10 - BII BILA

¹⁰ Le hee, mí Mɛlɛka soaa o vanaa ndɔa baalaa lo, vanaa-tɛɛngaa-diom Hala-a pɛɛn, le Israɛlla sɔɔn mùn tɛɛngullo, mó dimul nda aa:

2Masaa 21:10 Referans Kwoze

Nehemi 9:30

A manda nda o vɔsilan taw bɛngu, mí vanaa-tɛɛngaa-diom Hala-a nɔmnda, à kɔl nɔmndo va nin-nda, va nda sɔɔn nɔmndon tɛɛngullo, kɛ a yeŋnun te. O kon nɔm bɛɛ mal nda vanaa súúla celen o ba.

Nehemi 9:26

Kɛ a kon kpow, a bii sɔɛi nɔmnde le, má tosa nila kalulan a nɔm, má mulul nɔm kɔɔ, má diw vanaa-tɛɛngaa-diom Hala-a nɔmnda, á va nda tolɔɔ kɔɔli le muungoo nɔm o ibuŋ-nda, má tosa dɛnnda nɔɔlɛilan taw.

2Dɛnnda lemasalan 36:15

Mɛlɛka Hala fuɲaa ndaa mamaa va nda kiilaa vimndo lɔ́ɔ́-lɔ́ɔ̀ le nda sɔɔn tɛɛngullo, kani ndóò yeema le vanaa ndɔa a Cɛi-Diandaa ndɔɔ baŋaa.

2Dɛnnda lemasalan 33:10

Mí Mɛlɛka soaa o Manase lo a o vanaa ndu Mɛlɛka-a lo, kɛ a tui ndu diom te.

2Masaa 21:9

Kɛ Israɛlla bii sɔɛi ken te. Mí Manase luei nda o pɔwlan nin háá má pɔlɔŋian o hakilan nin hiovɔɔ bɛɛ mɛɛ vanaa-mangalaa-isɔɔa Mɛlɛka ndóò tɛɛmbuu nda laci-a tosa yɛ.

2Masaa 21:11

«Le tùú Manase masaa Yuda tosa dɛnnda nɔɔlɛilan ndan, mó tosa dɛnɛ vɔɔndo hiovɔɔ Amoriaa va lon o tasendɔ-a coo-o, le tùú o luei vannda Yuda balan o hakilan nin a piɔmaa ndɔa-o,

2Masaa 17:13

Mí Mɛlɛka yondal Israɛlla a Yudaa a sondola vanaa-tɛɛngaa-diom Hala-a ndɔa a vanaa ca sɔɔn lacion-nda, mó dimul nda aa: «La mangalan a dɛnnda niaala vɔɔnndan, mì la bii tɔŋnda nilan a silala nilan, mì la kela o tɔŋ ya sɛval fuɲaa nia mamaa-o coo, tɔŋ ya yɔngu niaa fulaa vanaa nia baalaa o ba-o, vanaa-tɛɛngaa-diom Hala-a pɛɛn.»