2Masaa 20:3 - BII BILA

³ «Éé Mɛlɛka! Loonun a kela sandaa ya kela nɔm o hɔl-lo, loonun a dɛnnda kɛndɛla ya tosa nɔm o hɔl-tan.» Mí Esekia caŋ fúkpàà-fùkpàà.

2Masaa 20:3 Referans Kwoze

Nehemi 13:22

O kon kɔɔli, mí dimul leviia le dindinndo, le kɔlan cumullo o diola kobio, haliko mi vannda ke paale pɛngiaalen bɛɛlen. ‹Éé Hala nuu, loonun vɛlɛ a ya le ken. Tuinun ya iɲíí, mɛɛ dɛnɛ nɔm kɛndɔɔ co o bɔɔ yɛ!›

Nehemi 13:14

‹Éé Hala nuu, loonun a dɛnnda ya tosa lan kpow! Pɔɛɛnun dɛnɛ sandaa ya lo tosaa le Cɛi-Hala-o a le kaannden-ndo le!›

Nehemi 5:19

Éé Hala nuu, yiyan ya coo mà tuinun ya iɲíí le dɛnnda ya tosa le vannda ha kpow lan!»

Nehemi 13:31

Mí bɛɛndiaa vɛlɛ dɛnɛ ɲɛm-kéan iyɔmun ndáà bɛnda le yɔngoo o telen kelunndo-on, a dɛnɛ ɲɛm-kéan ndáà cua o ɲɛm vaan tason nin-ndon. ‹Éé Hala nuu, loonun a ya mà tuinun ya iɲíí!›»

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

1Masaa 8:61

Màá kɔlta niaalan kpow la va le Mɛlɛka Hala naa mɛɛ la co hau nuaa yɛ! Màá la tuei silala ndɔlan, mì la bii vɛlɛ tɔŋnda ndɔlan!»

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

Nsaŋ 1:47

Yeesu cɔu Natanaɛl hunɔɔ ndu o ibuŋ, mó dimi aa: «Israɛlnɔɔ kpeekpei co hoo ni, o nɔ lacòòva o kɔl too.»

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Esai 63:11

O kon mí vanaa ndɔa yiyan a palɛi masindɛi, má loonun a Moise, má ɲuna aa: «Kuɛɛ nɛ vana faŋa nda o mɛmma ihɛllan kɔngɔ mó heelu a nda, a vana mandaa n'saa vanaa ndɔa-o co yɛ? Kuɛɛ nɛ vana va kɔl diandaa ndɔɔ tuisio nda tɛɛn-ndo co yɛ?

Esai 38:14

I va caŋndo maa lɛɛfɛn te kon te maa yamantoando, I va somisominndo a caŋndo maa poonpoon, hɔlta nilan la sanga a tofaa coocoo. Éé Maalii, i dɔwnun yɛɛvɛ a sangaa, hun mà mala ya yandi!

Condii lisai 145:18

Mɛlɛka co vanaa co ndu piɛiyo-a kpow macɛlu, a co ndu piɛiyo a kɔlta ndalan kpow-va pɛɛn.

Condii lisai 119:49

Yiyan sɔɛi nɔmii n dimul vana baala nɔmndo-e, kani a ke ya laalanndo.

Condii lisai 102:9

Yaamɔaa nia co ya yeowlan lɔ́ɔ́-lɔ́ɔ̀, a co ya mamɔɔ, a co mɛɛnianndan o diola nilan.

Condii lisai 89:50

Maalii, kuɛɛ nɛ kaola nɔm óò nɔ paandu-o co yɛ, o nɔm óò mɛnalan David a dɛnɛ nɔm kɛndɔɔ-o?

Condii lisai 89:47

Háá telen kuɛɛ n lo yɛnin vionnɔnndo ho nuaa? Háá lɔ́ɔ́ kuɛɛ n lo yɛnin kɔllo fulaa maa leyin?

Condii lisai 32:2

Dɛnɛ kɛndɔɔ co le vana kon, vana Mɛlɛka co lɛ tɛɛmbuu ndɔ cɔm coo loo, o nɔ yiyan lakafa o kɔl too.

Condii lisai 25:7

Yiyan ndɛ hakila ya tosa o felengiyɛi nin-ndan a nila kalula ya tosa lan te. Kɛ yiyan bii ya mɛɛ n lò o lediom coo yɛ, a mɛɛ vanakɛndɛyɛi nɔmnde co yɛ, Mɛlɛka.

Condii lisai 6:6

Bau vanndo vi pɛ, o yiyan ndɛ a nɔm o kɔɔ le. Ɔ́ɔ̀ vana lisanin nɔm ciee-piɔ́m-ndo?

SƐBƐ YƆB-O 1:8

Mí Mɛlɛka ɲuna ndu aa: «Vɛ̀ɛ̀ a dɔw pá Yɔb, vana ni baalaa, taasi? Vana-vana co maa ndu o lɛŋnden coo le, vana sakpoo a vana sandaa o co ni. O nɔ siòòŋii Hala-e o kpakpalà dɛnɛ vɔɔndo.»

SƐBƐ YƆB-O 1:1

Langbanɔ pilɛ va o lɛŋnde Us len nin diolan aa Yɔb. Vana sandaa o va ni, ndóò yeema dɛnɛ sandaa taw. Ndóò nɔ siòòŋii Hala-e, o va dɛnɛ vɔɔndo kpakpalaa.

2Dɛnnda lemasalan 16:9

Kani Mɛlɛka co hɔlten keelaa o lɛŋnden kpow coo le vanaa kaola ndu a kɔlta ndalan kpow-va malaa. Maa diɔm n tosa dɛnndan o sɔɛi he nin ni. Lelan, kandɔɔ sisa háá le fɛɛn a fɛɛn nin, cɔwlan la cuunin nɔm coo le.»

1Masaa 15:14

Asa ndóò kaola Mɛlɛka a kɔl ndɔɔ kpow, kɛ o vi lende, o faŋa tombun soolan te.

1Masaa 11:4

Tuma o yuuva-o, mí laandaa ndɔa kan mingi ndu kɔllo o halaa celennda sooloo. Lelan, o tiw lɛ ba le Mɛlɛka Hala ndɔɔ kaolaa a kɔl ndɔɔ kpow mɛɛ David fuɲa ndɔ ndóò tosa yɛ le.

1Masaa 3:6

Mí Salomɔn muli aa: «A yɔŋnun vana lo o lediom coo-o a vana nɔm baalaa, o co David fuɲa ni-o. A tosa kon le tùú o kela nɔm o hɔl o sakpoyɛi nin, o dɛnɛ sandaa nin a o toɲaa nin-ndo. Má lo o lediom coo a ndu, má ke ndu hɔ́ɔ̀, mí hɔ́ɔ́ kon va hau icali o kpɛŋɛ ndɔ lemasaa coo.

1Masaa 2:4

O kon Mɛlɛka peelunin sɔɛi o dimul-la-e aa: ‹Te cuavaa nɔmnda caa pɛ kelaa, taa kela pɛ ya o hɔl o sandei nin a kɔlta ndalan a á yiyannda ndalan kpow, le fɛɛn a fɛɛn, nɔm David, a folanin vana calnin o kpɛŋɛ lemasaa coo mò tosa masalen nɔm kɔɔli-o le.›

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

O Kandɔɔ 8:1

Mí Hala loonun a Noe a visia yondoa, visia cieeninnda a á ɲɛ-ɲɛ va Noe ikɛi o dɛ̀ndɔ̀ɔ́ nin. Mó cuu hoeyii fùkù-fùkùei o lɛŋnden coo, mí mɛnndan ma kandu velaa.

O Kandɔɔ 5:24

Mɛɛ o vili ceen ndɔɔ o diom pilɔɔ nin nda Hala yɛ, mó lo vannda o hɔl, kani mí Hala heelun ndu ikɛi.

O Kandɔɔ 5:22

Mɛɛ o velu Matusalɛm, mó tosa vɛlɛ vɔsilan kɛmɛ leyáá o diom pilɔɔ nin nda Hala, mó vialu cuavaa celen: a piaandua a à laandua.

Hebreea 5:7

Telen Krista va o ceendo coo-o, o va caŋndo kpélén a mɛmɛan tuisio Hala ndóò nɔla ndu baŋaa piɔ́mndo o ba-o o lani, mí Hala tuɛi ndu diom le tùú o lo o lediom coo-o.

1Masaa 9:4

Nduyɛ, taa kela pɛ ya o hɔl mɛɛ David fuɲa nɔm kela yɛ, mì kɔl nɔmndo dendu, mà sandu, taa kela pɛ o silala ya co nɔm yɔngoo lan kpow coo, ma bii tɔŋnda nilan a sɔɔn nun kpede,

2Masaa 20:2

Mí Esekia muli hɔlla o cìì cɛiyo, mó piɛi Mɛlɛka aa:

2Masaa 20:4

Esai ndóò fula vɔ bɛɛ o bɛ́ɛ̀ bɛndu co tɛɛn-ndo le, mí Mɛlɛka soaa o ndu lo, mó dimul ndu aa:

Condii lisai 26:1

Condii David-e. Kiolu ya iyama, Mɛlɛka! Kani kela nuu nɔ isɔw le. Nɔm Mɛlɛka ya co tiindanndo ni, i siɛlanin te.

Condii lisai 26:3

I co kaola nɔmndo cɔu ya o hɔl, i co kelaa mɛɛ toɲa nɔmndo co yɛ.

1Masaa 8:23

«Òó Mɛlɛka, Hala Israɛlla! Kandɔɔ o halataala coocoo, háá o lɛŋnden coo nanu, Hala celen co maa nɔm te. A lò o lediom coo, a nɔ vɛlɛ ɲííye a vanaa nɔmaa baalaa co kelaa o nɛila nɔmndan coo-a.

SƐBƐ YƆB-O 4:6

Laalan nɔmndo co macoaa kɔlkɛsiaa nɔmndo le? Vɛ̀ɛ̀ tiindan nɔmndo le co dɛnɛ sakpoyɛi le?

SƐBƐ YƆB-O 16:20

Caaŋaa nia co ya mamɔɔ tɛɛndanndo, kɛ Hala ya co mɛmɛma nian tuisio o hɔl ni.

Condii lisai 6:7

I sanga nin a cɛɛŋɔnndan ndan. Icɔl oo icɔl, i co kpele nuu pɔɔliaa a caŋndo, i co kpele nuu liwviaa a mɛmɛan.

Condii lisai 39:13

Mɛlɛka, tuei piɛile nilen, ma yaŋ nilan o cɛɛŋɔnnda nilan. Meilul-la o koŋul nuu nin te. Kani miallo ya co o nɔm ndo ni, vana hiawnanndo ya co nin mɛɛ fuɲaa nia mamaa yɔŋnun vanaa hiawnannda yɛ.

Condii lisai 119:26

I cɔm nɔm nɛila nilan, má mulul-la, pɛɛku ya silala nɔmndan.

Amɔs 5:4

«La tuei-yɔ sɔɛi Mɛlɛka dimul cuavaa Israɛlla-e: ‹La nuwviaa ya mì la va yoomu!